بجد خلاص يا جماعه
انا هيحصلي حاجه بجد من كتر الضحك
اضحك الله سنكم
عرض للطباعة
ايه يا عم ...ده رغيف برضه مش فدان قمح
احنا ممكن نجيب معانا كيسين عيش نعملهم control للاختبار ده
و الدكتور احمد يجهز الكيماويات (اللحمة و الوز و البط و الأرانب)
و نركب المفتاح في دماغ شنوري ونوصله ببطارية 30 الف فولت من الصاعق بتاع الدكتور أحمد
و تاخد قطمة وز و نفتح المفتاح ونقفله
و قطمة بط و نفتح ونقفل
و لحمة و نفتح و نقفل
لحد ما نشوف مين النوع اللي بيأثر في قدراتك على فتح بقك مع الكهربا
ناخده بقى و نحطه في الرغيف الاليكتروني و نزود الفولت لـ60 الف (عن طريق اضافة صاعق أخر على التوالي للدائرة في رأس شنوري محل التجربة)...
و بكده ممكن نعرف انت شنوري ولا لأ :satelite:
يا جماعة يؤسفنى أبلغكم بالخبر الحزين ده
الزرار ده طلع مدسوس مع البيض مش جاى مع الرغيف
الواد عمر ابنى قر و اعترف انه جاب الزرار ده من عند ولاد عمته وحطه فى المطبخ فى المكان اللى فيه العيش فالظاهر انه لزق فى ضهر الرغيف بأسلاكه الرفيعه ليزور أسنانى (أنا دايما محظوظ)
......... بس لو الزيارة الجميلة اللى بتخططوا لها يلزمها رغيف إلكترونى بجد أجهز لكم ساندوتشات ماركة توشيبا يابانى أصلى بالضمان
ممممممممممممممممممممممممم ممممممممممم
كده يبقي فيه تغيير كبير في الخطه
يبقي لازم نجيب عمر واولاد عمته وكل الجيران ونختبرهم ونرفع بصماتهم
ونجيب زراير تانيه وعيش كتير ولحمه اكتر
علشان نعيد ظروف ارتكاب الحادث علي الطبيعه
وفي كل مره مع رغيف وزرار شكل وفاعل مختلف
معلش يا دكتور بقي حنضاعف كميات اللحمه واللذي منه لحد ما نوصل للحقيقه
ومعانا دكتور احمد سامي ياخد بصمات الاسنان
مبدئيا كده روح بيع العربيه وهات بتمنها معدات الكشف لحد ما نبقي نحتاج حاجه تانيه
مدسوس مع البيض ؟؟؟؟
و عمر ليه ضلع في الدسيسة دي ؟؟؟؟
و اعترف لوحده يا دكتور ولا تحت ضغط ؟؟؟؟
و مين اللي موله و مده بالمعدات المتقدمة زي المفتاح و البيض ؟؟؟
ايوة ايوة ...ولاد عمته
و ازاي يجيلهم قلب يطعنوا الرغيف في ظهره ؟؟ هي دي البطولة ؟؟؟
عموما انا من رأي شنوري اننا لازم نيجي و نرفع البصمات بالسمنة البلدي لأن الواقعة محل التحقيق ممكن تتكرر و لازم نقعد مع عمر قعدة عرب على ديك رومي و نفهم منه دوافعه
اما ولاد عمته ..فممكن نستعمل معاهم الاختبار بتاع شنوري لحد ما يقولوا جابوا المفتاح منين