:,:[overline]تابلوه نوفا ريجاتا جديد [/overline]
محتاج تابلوه جديدل لو حد يقدر يساعدنى اكون شاكر
عرض للطباعة
:,:[overline]تابلوه نوفا ريجاتا جديد [/overline]
محتاج تابلوه جديدل لو حد يقدر يساعدنى اكون شاكر
السلام عليكم ورحمة الله
تابلوه الريجاتا مش هتلاقى منه جديد هتلاقى استيراد فى عزبة شلبى او الحرفيين او الوكالة وبص على حالته كويس اللى بالعدادات العادة سالت علية من فترة كان عامل 700 جنيه تقريبا و اللى فيه علب التكييف و ار بى ام كان عامل الف جنيه و ربنا يوفقك و تلاقى حاجة كويسة
السلام عليكم
هو ممكن بتاع الشاهين يركب علي الريجاتا؟
بيقولوا بيقى رخيص ومتوافر فى بور سعيد
للاسف الشديد لا يوجد تابلوه جديد للريجاتا
تابلوه الريجاتا مستعمل فى الحرفيين من 700 الى 1000 جنيه حسب الحاله
حضرتك ممكن تسأل عن محل هناك اسمه المركز الايطالى فيه كل كل قطع غيار الفيات القديم استعمال الخارج و مقطعه من عربيات
بالنسبه لموضوع تابلوه الشاهين و هل يمكن ان يركب على الريجاتا فلا اعرف الاجابه لكن مبدأياً انا جربت شراء درج التابلوه بالكالون و ركبتهم عندى فى الريجاتا بعد اجراء عدد من التعديلات و ركبوا بدون اى مشاكل
اخيراً : سعر تابلوه الشاهين (استعمال الخارج او مقطع من عربيات حوادث) لن يقل عن 2000 جنيه
انا نزلت عزبة شلبى لاقيت اسعار جابت لى حالة تشنج تابلوة الريجاتا لاقيته بيعمل 1600 و1700 جنيه مش عارف ازااااااااااااااى؟
وبعد ماكنت عايز اغير التابلوه رجعت نهائى عن فكرتى دى ........وياريت لو حد عنده اسم تاجر معين بيبيع بالاسعار اللى انتم كاتبنها دى ياريت تقولوا لنا عليه ارجوكم . ولكم جزيل الشكر
على فكره يا شباب ما حدش يحاول يتعب نفسه على تابلوه ريجاتا كويس وبسعر معقول عشان مش هيلاقيه ابدا ....انا روحت الوكاله وعزبه شلبى والحرفيين وبور سعيد اكتر من مره ومش لاقيه الا باسعار جنونيه زى ما انتم عارفين فقررت انى اركب تابلوه الرتمو المعدل موديل 85 شاكله حلو وسعره يتراوح بين 400 الى 600 حسب الحاله
طب يا استاذ SAf SAF 32 ممكن تجيب لنا صور ليه بعد اذنك ........ وممكن نلاقيه فيه ..... وهل تابلوه الريتمو فيه فتحات تكييف زى الريجاتا برده ...... ولما انت ركبته ماظهرش اى مشاكل معاك وكان عملى ؟؟؟؟؟؟؟؟؟؟؟
ياريت تفيدنا
تحت امرك يا باشا هصور التابلوه وهارفع الصور ان شاء الله
بس العربيه ليسا ما خلصتش عشان اقدر اقولك اذا كان فيه مشاكل والا لا
بس عموما كل حاجه فيه شغاله العدادات والنور التابلوه والتكييف وشكله زى بتاع الريجاتا بس هو متين عن بتاع الريجاتا انا جيبته من عزبه شلبى ب650 جنيه اسمه تابلوه ريتمو المكيف موديل 1985 وعلى فكره فى ناس بيتبيعه ارخص من كده بس انا اتعمل عليا شغل فلو حبيت تجيببه حاول تجيببه بسعر اقل من كده ...ولو فى اى استفسار انا تحت امرك
الصور وصلت يا شباب ...بس العربيه ليسا عند الكهربائى عشان كده ليسا الفيبره اللى تحت الدركسيون ماركبيتش وكمان مدبهدله تراب من جوه ...ان شاء الله بعد ما تخلص خالص ممكن اصورها تانى لو عايزين ...ولو فى اى استفسار انا تحت امركم
http://img103.herosh.com/2009/09/08/816495825.jpg
http://img101.herosh.com/2009/09/08/195264190.jpg
http://img103.herosh.com/2009/09/08/369224262.jpg
http://img101.herosh.com/2009/09/08/163242231.jpg
ألف ألف ألف شكر يا استاذ SAf Saf 32 على افادتك ليا علشان انا طلع عينى مع تابلوة الريجاتا اللى عندى وبصراحه الاسعار بتاعته ناااااااار تفوق عمرة الماتور ؟؟؟؟ فبكرر شكرى للمرة التانيه ليك وبستاذنك ماتنساناش بالصور لانى فعلا عايز اعرف شكله ومش لاقى صور ليه على النت .
اخوك أحمد حسين
متشكر جدا جدا على مجودك واهتمامك يا استاذى العزيز فعلا التابلوه شكله حلو ومش مختلف كتيير عن تابلوة الريجاتا بس فى اول صورة درج التابلوه حاسس انه مش مظبوط ليه او مقفول بحاجه معدن ... وجانب الدريكسيون من الناحيه اليمين فى حاجه ناقصه متهيالى( عند اللون الاخضر ) هل كل ده تظبيط كهربائى ولا ايه ؟ وياريت لو هنتعبك معانا اكتر ونبقى بجد عاجزين عن الشكر لو صورته لينا تانى بعد التشطيب ولكل جزيل جزيل الشكر وربنا يبارك لك فيه و يكفيك شرها ويديك خيرها .
أخوك أحمد حسين
العفو يا باشا انا تحت امرك ....
اولا بالنسبه لدرج التابلوه هو كويس جدا الحاجات المعدن اللى انت شايفها دى عباره عن مسامسير وورد بتاعه الكهربائى حاططها فوق الدرج :shine[1]:...وعموما هصورهولك تانى اما تخلص عشان تشوفه بنفسك
ثانيا الحته الخاضره دى مكان الكاسيت ليسا ماركبش اما الاخضر ده عباره عن لباد عشان يعزل الصالون عن متور العربيه
ثالثا فى حاجات كتير ليسا ما ركبيتش زى عصايه الفتيس (اللى الموجده فى الصوره الحديده بتاعته) والسلوك اللى انت شايفها تحت الدركسون دى هتستخبه بالفبره اللى انا ليسا ما جيبتهاش ...
بس ملحوظه ...فى حاجات لازم تتغير عشان تركب التابلوه الرتمو زى مفاتيح النور والاشاره (لازم مفاتيح ريتمو عشان تبقى سلسه فى الحركه) والفبره اللى تحت الدركسيون بتاعه الريجاتا لازم تتغير برتمو برضه
عموما انا مش عايزك تقلق خالص ان شاء الله اول ما تخلص هصور كل شبر فى التابلوه وهرفعه عشان تشوفه بنفسك .....ولو فى اى استفسار انا تحت امرك
د/مصطفى احمد
انا بصراحه مش عارف اشكرك ازاى يا د / مصطفى ...... جزاك الله خيرا .... ومستنى الصور بعد التظبيط ان شاء الله:shine[1]:
متابع باهتمام
فيه تاجر اسمه اسحاق فى الوكالة بيبيع التابلوه للريجاتا ب1000 او 900 حسب حالته او ريح دماغك وركبلها تابلوه ريتمو 85 اشد واشيك
تحياتى
معلش ياجماعة أنا آسف في السؤال فين الوكالة وفين عزبة شلبي وفين الحرفيين لأني بصراحة قريت عنهم في مواضيع كتير ومفيش حد بقول هما فين بالظبط ونروحلهم إزاي أنا من طنطا على فكرة وشكراً:120146b
ازيك يا استاذى العزيز بما انك من طنطا فأعتقد انك لو حضرت الى القاهرة ستنزل فى محطة رمسيس او القللى دة لو جاى مواصلات دون سيارة أذن الوكالة ستكون اقرب لك من عزبة شلبى لانها ناحية منطقة المطرية معلش يا باشا لو انت جاى بسيارتك يبقى انت جاى من الطريق الزراعى لو انت عارف مسطرد كمل طرقكي وأسأل عن السكة الى المطرية او الاميرية اولا فى محطة بنزين موبيل واخدة ناصية حتكون على ايدك الشمال لف من عندها يوترن المحطة حتبقى على ايدك اليمين والشارع كبير جدا اسمة تقريبا عمر بن الخطاب الشارع دة هو الى فية مرور الاميرية كمل على طول حوالى 3 محطات اوتوبيس على الشمال حتشوف بعينك كنيسة كبيرة مدخل العزبة عندها على ناصية الشارع محل جزارة ارجو الا اكون طولت عليك بس انا لما بروح طنطا بقول الغريب اعمى ولو كان بصير اعرف فقط جامع السيد البدوى وعلى فكرة عزبة شلبى دى حاجة معروفة جدا الف واحد سيدلك لا تقلق
طابلوة الريجاتا اللى مافوهوش اي شرخ ونضيف يعمل من 1700إلى 2000 جنية انا عدلت بريتموا 85 مكيف وبنفس قاطمة دركسيون الريجاتا بس هناك تعديل بسيط فى الطابلوة بتوسع للقاطمة وبيطلع كانة متفصل عليها وانه الاصلى بتاعها بس فى تعديل أخر فى فتحات التكييف لو حاتشغلة وعموما هو تحفة واجمل من الريجاتا بكتير وثمن الطابلوة اشتريته ب500 جنية
طابلوة الريجاتا اللى مافوهوش اي شرخ ونضيف يعمل من 1700إلى 2000 جنية انا عدلت بريتموا 85 مكيف وبنفس قاطمة دركسيون الريجاتا بس هناك تعديل بسيط فى الطابلوة بتوسع للقاطمة وبيطلع كانة متفصل عليها وانه الاصلى بتاعها بس فى تعديل أخر فى فتحات التكييف لو حاتشغلة وعموما هو تحفة واجمل من الريجاتا بكتير وثمن الطابلوة اشتريته ب500 جنية :S_thum1[1]:
السلام عليكم
انا عايز اشترى ريجاتا
ممكن تدلونى على اخبار العربيه دى ايه
كويسه و لا وحشه
مشاكلها ايه
يا ريت لو سمحتم احسن انا بصراحه قلقان و شويه ناس تقولى عربيه كويسه و ناس تانيه تقولى مشاكلها كتير
بارك الله فيكم
الريجاتا عربية محترمة جداً جداً بشرط إنك تشتري حالة ممتازة وهتريحك جداً جداً
أنا معي ريجاتا وأحدثك عن تجربة
لم أندم علي شرائها وهي معي منذ عام ونصف تقريباً
ويوجد مواضيع كثيرة عنها في المنتدي وقد كتبت عنها عدة موضوعات إبحث في المتدي وستجد ما يفيدك
ولو هناك أي أسئلة إن شاء الله أجاوبك عليها
وبالتوفيق إن شاء الله
الريجاتا عربية محترمة جداً جداً بشرط إنك تشتري حالة ممتازة وهتريحك جداً جداً
أنا معي ريجاتا وأحدثك عن تجربة
لم أندم علي شرائها وهي معي منذ عام ونصف تقريباً
ويوجد مواضيع كثيرة عنها في المنتدي وقد كتبت عنها عدة موضوعات إبحث في المتدي وستجد ما يفيدك
ولو هناك أي أسئلة إن شاء الله أجاوبك عليها
وبالتوفيق إن شاء الله