جديدة...
عرض للطباعة
جديدة...
أعتقد - والله اعلم - إن قاعدة الغطاء الذهبى للنقد لم تعد مطبقة منذ فترة طويلة،
وأعتقد - والله أعلم برضه - إن اللى بيرفع قيمة العملة هو ارتفاع الطلب عليها (مش عارف ده قصد حضرتك ولا لأ)
لا أعتقد إن القيمة الفعلية للنقود أكبر من قيمتها النقدية وإلا كان من الأفضل هو بيع النقود (على أنها أوراق أو سبائك معدنية) بدلا من استخدامها فى التداول.
كان زمان قاعدة الغطاء الذهبى للعملات هى السائدة لكن مع الزيادات الاقتصاديه المستمره وعدم كفاية الذهب المستخرج لمجارة هذة الزياده المستمره بالاضافة الى التوسع المستمر فى التجارة الدوليه بين كافة الدول
لذا نشأ نظام جديد وهو الاستعاضه عن جزء من مقدار الذهب بمقدار يوازيه من نقد اجنبي وهوا ما يطلق عليه احتياطي النقد الاجنبي
قاعدة الغطاء موجوده يا استاذ عزيز لكن الفكرة نوع الغطاء ايه سواء كان ذهبي او نقد اجنبي
وكل الدول حاليا بتمزج بين احتياطى الذهب واحتياطى النقد الاجنبي ولكن بنسب مختلفة
وان كان معظم الدول المتقدمه ما زالت الأكثر التزاماً بقاعدة الغطاء الذهبي، حيث ان مخزونها من الذهب من مجمل احتياطياتها المحتفظ بها كغطاء للنقد أعلى من الدول الأخرى
على الرغم من أن هذه الدول المتقدمة هي التي روجت للمفهوم الاقتصادي للغطاء ونظرية التخلي عن الذهب.
يعنى اختلفت المسميات لكن المعنى واحد او اختلفت الاداه لكن الاساس واحد
حضرتك الكلام ده مش صح 100% وهشرحلك ليه كلام حضرتك فيه غلطات كتيراقتباس:
أرسل أصلا بواسطة sha2e http://www.nilemotors.net/Nile/nile/...s/viewpost.gif
دا غلط يا جماعة ولو كل الناس عملت كده يبقم بيأثرو على الاقتصاد وهما مش حاسين
دى عملة يعنى معموله للتداول مش لاستخدمها كورده
العمله مش بتتحسب بقيمتها الماديه قد ما بتتحسب انها للتداول
بطريقة مبسطه الربع جنيه اللى هوا حاطه ده المفروض ان بيكون ليه قطعة ذهب توازي قيمته الماديه موجوده فى البنك المركزي وكل ما العملة بتداول كل ما بتزيد قيمتها وبالتالى يساعد فى ارتفاع قيمة الجنيه
انا عارف ان الناس كلها هتقول ما الاقتصاد كده كده بايظ خلقه هيا جت عليا انا ؟ وبعدين انا حر فى فلوسي انشلا اولع فيها
هقوله ابدأ بنفسك الاول
اما بخصوص فلوسك وان حر فيها فده غلط عشان لان قيمة الفعليه للربع جنيه ده أكبر من القيمة النقديه ليه يعنى انت كده مؤتمن عليه ومش بتاعك كله ولو عايز تولع فى الفلوس اشترى اى حاجه وولع فى اللى انت اشتريته بس سيب العمله تتداول وتشمى فى الطريق الى اتعملت ليه ( ومتنساش برضه ان المال نعمة وهنتسأل عنه يوم القيامة )
اللى بيتعمل ده غلط المفروض العمله النقدية للتداااول مش تتعمل وارده ده لو حتى الورده اغلى المفروض تشترى ورده ومتحطش بدلها الربع جنيه عشان انت كده بتكون وقفته
وآسف للطالة
لو جينا لموضوع القاعده النقديه الي حضرتك اتكلمت فيه
وهنفرض الفرض الاساسي الي اتبني عليه موضوع القاعده النقديه
الي هوا كل جنيه في ايديك = جنيه دهب في البنك تمام كده؟؟؟
الجنيه الي في ايديك هوا سند ملكك للجنيه الدهب بتاع البنك
دلوقت لو في معايا ومعاك ما مجموعه 10 جنيه ورق في ايدينا يبقي هيماثلهم 10 جنيه دهب زيهم في البنك المركزي
طيب انا هحرق 2 جنيه من الي معايا دول
يبقي كده معانا انا وانتا 8 جنيه وفي البنك 10 جنيه دهب
تخيل ان قيمة الجنيه كده بقيت اعلي بس علي حساب مييييييييييييين؟؟؟ علي حسابي انا
يعني كده تخيل ان الراجل ده افاد الحكومه وهوا مش حاسس مش العكس انه ضر بالاقتصاد
يارب تكون وصلتك المعلومه
A.Yakout
كده الموضوع هيبقى كبير اوى وشرحه هيخد وقت طويل بالاضافة انى مبعرفش اشرح اساسا :verygood:
لكن بشكل مبسط كل ما بيزيد تداول شيء بتزيد قيمته لزيادة الطلب عليه
هضربلك مثال بما اننا فى نايل موتورز دلؤتى : العربيات اللى سوقها ماشي بتتباع وتشترى بسرعه بيكون سعرها اعلى من قيمتها زى 128 سعرها تقريبا ضعف قيمتها ليه ؟؟ لكثرة تداولها وكلنا عارفين المقوله الشهيرة : لو حبيت تبعها هتبعها فى نفس اليوم بتليفون وانتا قاعد )
هنيجي للعمله هتلاقي شيء مقارب ومثال ليها الليرة حتى فى الفترة اللى الاقتصاد اللبنانى كان فيها فى عزه كانت الليرة ليست لها القيمة المناسبة وذلك لقلة تداولها واعتماد أكثر اللبنانين على التعامل بالدولار
النقطه الثانية والاهم : بالبلدى كده ( طول ما الفلوس فى السوق بتجيب فلوس ) بمعنى ان السيوله بتحقق انتعاش للسوق وانتعاش السوق بيؤدى الى حراك وذيادة البيع والشراء تؤدى الى ذيادة الدخل وكل هذا يصب فى مصلحة الاقتصاد بشكل عام وطبعا بتحسن الاقتصاد بتتحسن قيمة العملة التابعه له
الربع جنية اللى فى الصوره كان وقت صكه يوازى او أقل من قيمته الفعلية لكن الان أصبحت قيمته الحقيقة أكبر من قيمة النقدية حاليا
وعلشان كده الحكومه وقفت صك هذه السبائك الآن وبدأت باستخدام سبائك زهيدة الثمن وأصبحت من الحديد وتم طلائها من الخارج بطبقة رقيقه
( يعنى ثلاث سنوات ويصبح جيبك بداخله الكثير من الحديد الصدأ ) :44:
بخصوص بيع السبائك : مثل ما حضرتك نطقتها "سبائك" مش معدن فعشان تستخلص منها المعادن المكونه لها هتكون تكلفتها اكثر بكثير من قيمة المعادن نفسها
اسف للاطاله وآسف لو كانت طريقتى فى التوضيح مش سهله علشان كده قليل جدا لما حد يشوفنى بتكلم جد فى حاجه :shine[1]:
بصراحه انا مش عارف أرد على حضرتك أقول ايه ؟؟
يعنى زي ماهو باين ان حضرتك معندكش اى خلفيه عن الموضوع اللى بتكلم عنه
وجيت بكل ثقة وقولت انت كلامى غلط بنسبة 100%
وجيت بعدها وروحت عامل نظرية جديده- بكل ثقه برضو - ومبرهن عليها
وفى الاخر اختتمت المشاركه بـ : يارب تكون وصلتك المعلومه
بجد انا مش عارف اعمل ايه ؟؟
:shyy:
اولا انا اقصد بكلامي ان كلام حضرتك مش صح بنسبة 100%
يعني فيه صح وفيه غلط
بس المشكله ان ده مجال دراستي واول حاجه بندرسها كتجاريين او اقتصاديين مباديء القاعده النقديه
وده ابسط مثال عليها
موضوع بقي رواج العمله وتداولها ده شيء تاني ملهوش دعوه باساس الموضوع الي هوا الربع جنيه بتاع صاحب الموضوع
لان دي احنا هنتعامل معاها كمتغيرات مش ثابته رواج العمله وتداولها بيديها قوه اقتصاديه مش قوه شرائيه وده طبعا يفرق كتير
القوه الاقتصاديه هيا قابلية العمله و قوة العمله مقابل العملات الاخري يعني لو حد دلوقت جابلك جنيه سوداني وواحد تاني جايلك بدولار وقالولك عايزين نبدل دول بمصري
انتا كراجل بتفهم هتقبل الدولار لاكن ممكن تفكر قبل ما تقبل الجنيه السوداني
لاكن علي الـ long run الي هيعلي تمن عملتك انها مرغوبه يعني دلوقت قدامك دولا واحد بس واتنين عايزين يشتروه ودي عمنله مرغوبه
هتلاقي اتنين اتخانقو عليه يروح واحد فيهم رافع سعر الشرا بتاعه يروح ياخده
ده مثال للتبسيط برضه
لاكن اساس اي عمله واحد وهوا الي اتعمل علشانه موضوع العمله ده وهوا نظرية القاعده النقديه او ما يسمي بقاعدة الذهب
لاكن انا واحد يحرق فلوسه او يهلكها اي كانت الطريقه دي ليها فايده للاقتصاد
انا ده لي بقوله علي حسب الي درسته والي الناس كلها المفروض تبقي فاهماه
لو عند حضرتك اي تعليق مستنيه
A.Yakout
اولا كويس انك عارف قاعدة الغطاء النقدي وان كل ورقه ماليه لها ما يوازيها سواء ذهب او عملة اجنبيه
مش معنى كده ان الجنية يساوى جنية ذهب او دولار لكن ؤدامه اللى يوازي ( مش يساوى ) قيمته من الذهب او العمله الاجنبية
احنا متكلمناش عن القوة الشرائيه لكن معروف ان لو القوة الاقتصادية ذادت هيتبعه زيادة للقوة الشرائيه
يعنى لو الجنية زاد فى القوه الاقتصادية مثلا بعد ما كان بربع دولار بقى بنص دولار أكيد هتزيد قوته الشرائيه يعنى مثلا بدل مكنت هتشترى العربيه بـ 80 الف هتشتريها بـ 40 الف
جملة غلط بنسبة 100%
اللى يهلك الفلوس البنك مش انت
انت لما تحرق فلوس بلدك يبقى انت كده بتخرب مش بتصلح
لما البنك يعدم فلوس تزيد قيمة الجنية عشان فى الحالة دى نسبة الجنيه المتداول بقى ليها حصه اكبر من الاحتياطى الموجود
لكن لما انت تعدمه بمعرفتك هيفضل محسوب على الدوله كأنه موجود ومتداول ويفضل ما يوازيه من الاحتياطى موجود ولا يتم توزيع قيمته على المتداول فعليا
يعنى علشان نعمل سيوله ونحرك الاقتصاد صكينا جنيه واشترينا ؤدامه خمس دولار وبالتالى رفعنا قيمة الدولار وقفلنا قيمة الجنية علشان الجنية ده يشتغل جوه البلد ويعمل رواج
جيت انت وروحت حارقه يبقى انت كده عملت ايه ؟؟ ...... فهمت قصدي بقى