الموضوع: محتاجكم تطمنونى ,, حد حصل معاه الموقف دة قبل كدة ؟؟

السلام عليكم و رحمة الله و بركاته ,,

انا حاجز الكورولا هاى لاين مانيوال 2009 من الوكيل ب135 الف و دافع 50 الف مقدم ,, و حجزت العربية باللون و كله تمام و قالولى الاستلام فى خلال شهر بالكتير عشان هاتيجى فى الدفعة الجاية ,,

فات اوسبوعين و كالمونى و بيأكدوا على اللون و كل حاجة ,,

انهاردة بقة كالمونى ,, الاقى الراجل بيقولى الدفعة الجات كلها اوتوماتيك و العربية الحضرتك عايزها مش فيهم ,,

و قالى انهم بعتوا للشركة الام و هردوا عليهم يوم الحد ,,

دلوقتى انا قلقان و حاسس ان العربية مش هاتيجى لانه اكيد مش هايجبلى واحدة لوحدى ,,

فياريت يا جماعة تقولولى لو حد منكم اتعرض للموقف دة قبل كدة او يقدر يفيدنى فى الموضوع دة ,,

او حد يقولى على معرض يكون بيبعها و انا اروح اجيبها على طول ,,

و المشكلة كمان ان انا اعدت افكر شوية ملقتش عربية احلى منها ولا فيها كل الاوبشز دى بالسعر دة ,,

ياريت يا جماعة تساعدونى عشان انا قلقان جداا