يا جماعة الزاوية اليمين بالنسبة لسيارات النقل الكبيرة والأتوبيسات بتكون نقطة عمياء بالنسبة له، لإنه لا بيكون شايفها فى المراية اليمين ولا من النافذة الأمامية علشان مكانه مرتفع، وبالتالى لما تكون الدنيا واقفة والعربيات بتدخل بين بعضها بلاش حد يدخل أمام نقل أو أتوبيس من الناحية اليمين (نظرية البوز بيز هنا مش هتنفع معاه لإنه مش شايفك أساسا) لو هتدخل من شماله أقولك ممكن بس برضه تتأكد إنه شايفك وعامل حسابك، راعوا يا جماعة إن اللمسة الواحدة من عربية بالحجم ده حتى لو على سرعة 1 كم / ساعة فعلا ممكن تأذى العربية جامد. انا عن نفسى فى المواقف دى باحسبها باعتبار إن سواقة كل الجبل ده والتحكم فيه مش سهل زى التحكم فى عربيتى، وبالتالى باحاول أسيبه يدخل هو الأول من باب الإنسانية (مش هابقى انا والعربية عليه، ده مهما كان بنى آدم قدراته محدودة، حاجة كده عاملة زى ما تكون مستعجل عاوز تعدى من باب وواحد تانى شايل شيلة تقيلة هو كمان عاوز يعدى فى نفس اللحظة، أكيد من باب المساعدة هتسيبه يعدى الأول)
طبعا الكلام ده مالوش علاقة بالموقف اللى تعرض ليه الأخ الفاضل صاحب الموضوع، أنا بس حبيت أنبه على موضوع الدخول من اليمين أمام المدن المتحركة دى.