تحذير اياك تعند مع سواق ترله

**kliken** · 22-07-2009 09:32 PM

السلام عليكم و رحمه الله و بركاته
انا حبيت احكى عن موقف كان حصلى من يومين مع سواق ترله علشان الكل يعرف الشخصيات الزباله بتاعه سواقين الترلات او اغلبيتهم بلاش كلهم
من يومين كنت راجع من القاهره على السويس بليل و عند دخله السويس فى كمين 109 المهم الترلات بتبقى واقفه صف طويل و هى حاره واحده اللى بتخل على الكمين و كل الملاكى بيجى من اليمين يخش بين الترله و التانيه عادى جدا و مفيش مشاكل و على انا و غيرى بنعمل كده
المهم جيت اخش و بشاورله عشان اخش راح منفض و راح دخل بس هو تقيل فى طلعته رحت داخل انا قبليه و قبل ما اعدل ضهر العربيه راح دخل فيه و بهدلى الرفرف الورانى و نزلت هزءته طبعا و كنا فى دخله الكمين رحت اشتكيته للظابط اللى واقف و طلع معرفه واحد صاحبى و عارفنى فمسكه مرمطه و طبعا انا كنت متضايق جدا و المهم السواق بعد ما خبطنى باصلى و لا رفع ايده حتى يقول معلش او ما خدتش بالى او اى حاجه لا كان شكله مبسوط و بعد ما لقى الموضوع كبر و اتمرمط راح فضل يعتذرلى و يقولى معلش و يحلف انه ما اخدش باله و انا راجل كبير على انى اعمل حاجه زى كده و حواوات تعبانه كده رحت سيبته طبعا و مشيت و هو مشى ورايا لانى مش هخلص لو عملت محضر و الكلام الفاضى ده مش مستهله الحمد لله جت على اد الرفرف
بس بصراحه هو درس ان الواحد ما يعندش مع الناس دى خالص دول ما عندهمش قلب و لا ضمير ممكن يخرشم عربيتك عند و هو طبعا ما بيتخدش
و ربنا يستر طريقنا جميعا

**Drift_Lover** · 22-07-2009 09:47 PM

الحمد لله لنها جت بسيطه...
وفعلا في نسبة كبيره من سواقين النقل والربع نقل ماعندهمش اخلاق نهائي. ولا أدني قدر من تحمل المسؤلية.
لكن ده مايمنعش انه فيهم سواقين محترمين.
والعينة دي بنقابلها والعينة دي بنقابلها.
بس انت حظك جه كده.

فعلا ياريت كلنا نخللي بالا ونهتم بخطأ الغير وناخده دايمآ في الحسبان.

**yehia** · 22-07-2009 10:48 PM

هو سلوكهم ده - أو سلوك أغلبهم - قد لا يكون ناشئا فقط عن عند أو أخلاقيات متدنية وعدم تحمل للمسئولية ، لكنه أيضا قد يكون ناشئا عن "الدماغ العالية" اللى 99.9% منهم بيبقوا عاملينها قبل ما يركبوا الطريق وعجلهم يجري على الاسفلت ...

زى ما حضرتك تبقى لسة صاحي حالا من النوم ... حالة اللا نوم واللا وعى ... شايف وحاسس بكل حاجة بس سرعة رد الفعل صفر ...

لك أن تتخيل أنك تقود مدينة متنقلة على عجلات وأنت بهذه الحالة ... كيف سيكون تصرفك مع الآخرين ؟!!

**Samah AbdAllah** · 22-07-2009 10:57 PM

دول بيمشوا عالزراعى ماسكين ال3 حارات مش يمين بس ولا شمال بس لا سدين الطريق وفعز الظهر ولا بيهمهم

**zocor742** · 23-07-2009 01:43 AM

الرد دة من غير ما ابص على مضمون الموضوع يادوب العنوان بس اوى تعند مع سواق تريلا
فعلا لو عملت كدة يبقى انت بتعرض حياتك لمخاطرة وجايز الموت لأن فية سواقين مش همة معاها اى حاجة وفكرين الناس الى تحت دول رعاة والى ميعجبهوش يعدى عالية
انا عن نفسى اى ترلة بشوفها جنبى بتعامل معاها بالمبدأ دة اديلة رعاش او اكلسكلة واعدى من شمالة لو وسعلى لو عطانى اشارة شمال بتر اعدى من يمينة

**MohaMed_Refaat** · 23-07-2009 05:22 AM

المشاركة الأصلية كتبت بواسطة drift_lover

الحمد لله لنها جت بسيطه...
وفعلا في نسبة كبيره من سواقين النقل والربع نقل ماعندهمش اخلاق نهائي. ولا أدني قدر من تحمل المسؤلية.
لكن ده مايمنعش انه فيهم سواقين محترمين.
والعينة دي بنقابلها والعينة دي بنقابلها.
بس انت حظك جه كده.

فعلا ياريت كلنا نخللي بالا ونهتم بخطأ الغير وناخده دايمآ في الحسبان.

+111111111111111111111