الموضوع: عن تدوير الاطارات والنيتروجين ......اتحدث

طيب شوفوا بقي اللي حصلي انا رحت علشان اجنط واختارت جنط اندونيسي زي بتاع الشارك اللي في التوقيع بتاعي اول حاجة شفط الهواء القديم ودة اول غلطة وحط مكان منة نتروجين وبعدين ركبلي الجنوط قلتلة مش هاترصص قالي الجنط الجديد مش محتاج ترصيص انا هاركبلك رينجات قلتلة انا اول مرة اسمع عن موضوع الرينجات دة قلي دية حلقة بتتركب في كل فردة قدام وهاعملك كروس روتيشين قلتلة ماشي انت ادري بشغلك المهم اللي شغالين عندة شكلهم ميعرفوش حاجة في الصنعة المهم ركبوا الجنوط وجم يركبوا الصماويل اللي بتمسك الجنط مكنش فية غير 12 صامولة وباقي 4 قالي بكرة ان شاء الله هاجبلك 4 الباقيين وهاركبلك في كل جنط 3 قلتلة ودة ينفع قلي دة نص عربيات مصر ماشية ب3 صماويل قلت مش مشكلة وكدة كدة البيت جنبة وبكرة هابقي اعدي علية علشان يركبلي الباقي وقد كان المهم وانا ماشي بعد 10 كيلو من المشي بعد ماركب الصماويل لقيت زنة في الدركسيون استغربت كملت مشي لقيت الزنة بتزيد وبعدين الدركسيون بدأ يترعش وابتدا الخبط في العربية من تحت قلبي وقع وكنت ساعتها وصلت الدقي والخبط بقي غير محتمل ويخوف فدخلت عند البنزينة اللي قدام الشيراتون كان عندهم نتروجين لأني كنت عملتعندهم قبل كدة فقلتلة علي الموضوع فقاس الهوا تفتكروا لقاة كام 50 في كل عجلة مش بس كدة شوفوا المصيبة الأكبر ربنا الهمني وقلتلة بص علي تربيط العجل مربوط حلو ولا لأ فابيشوفة لقيتة بيقولي احمد ربنا انك اخدت بالك الجنط اليمين الصواميل مهوية علي الأخر وكان فاضل شوية والعجلة تتطير من مكانها فراح مقرط علية قلتلة اقرطلي علي كلة وطبعا لقي معظمة مش متقرط علية حلو خلصت ومشيت والحمد الله العربية اتظبطت خلصت مشواري ورجعت للراجل بتاع الجنوط وفرجت علية كل الناس وقلتلة ابقي خد بالك من الناس اللي شغالة عندك ومن شغلهم علشان دية ارواح ناس هتتحاسب عليهم يوم القيامة لو حصلهم مصيبة هاتكون في وشك وعلي حساب سمعتك وسمعة محلك اتقوا الله في شغلكم وسبتة ومشيت 0000وحسبي الله ونعم الوكيل في الذمم اللي فسدت ياريت ياجماعة اللي عايز يحط نتروجين يحط عند ناس فاهمة شغلها كويس وناس محترفة مش اي حد والسلام وربنا يسترها علينا جميعا ويبعد عنا شر البلاء والعالم اللي معندهمش ضمير