يا ترى مين الافضل فى العربيتين دول من ناحيه كل حاجه فيات 132 ولا بيجو 504 موديلات 80 طبعا؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
عرض للطباعة
يا ترى مين الافضل فى العربيتين دول من ناحيه كل حاجه فيات 132 ولا بيجو 504 موديلات 80 طبعا؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟
انا هقولك على معلومة يمكن تفيدك
قطع غيار 504 شوية غالية ومش موجودة ومبقاش في منها استيراد
خد بالك من الكلام ده كويس
واتمنى ان حد من ملاك الاسد الفرنساوي يؤيد او يرفض كلامي
لو بتبحث عن جوده الصناعه والمتانه فهناك فرق شاسع بين الاثنين فى صالح ال 504 طبعا
لو بتبحث عن توفير فى تكلفه الصيانه يبقى ال 132 تكسب
وأعتقد أن 132 فيها برضه مشكله عدم توفر قطع الغيار حاليا
أسجل فى نهايه ردى إعتراضى على مجرد التفكير فى المقارنه بين ال 132 وال بيجو
لإن هناك فرق شاسع بين الاثنين
زى مقال هشام لا يوجد مقارنة أصلا بين الاتنين لأن ال 504 فى مصر أشهر من نار عالعلم وكفائة جامده جدا
ديه تعتبر اشهر عربية فى مصر
ال 504 أفضل طبعا من حيث جودة الصناعة و التحمل لكن موتور ال 132 ال 2000 cc أقوى (112 حصان) و بالنسبة لإستهلاك البنزين العربيتين إستهلاكهم عالى لكن أعتقد إن ال 132 ال 2000 إستهلاكها أعلى
شكرا جدا يا رجاله على تعاونكم انا رايح بكره سوق العربيات ادعولى ربنا يرزقنى بحته بيجو كويسه
ولا بالنسبة للقوة ماتور البيجو أقوى بس يكون اتنين كامة الكربراتير الكبير وحتى لو فى فرق قليل فى الاحصنة هتلاقى عزم البيجو أشد
ده غير ان المعروف ان مواتير بيجو معمرة جدا وبتحتفظ بكفائتها ومبتخرطش زى أى عربية
وأعتقد ان بعد مرور أكتر من 30 سنة على العربيتين هتلاقى أستلاك الفيات فى ماتورها واضح بشكل كبير عن اى بيجو
وكمان ال 132 بتستهلك أكتر بكتير فى البنزين
وأرجع اقول لآمجال للمقارنة مع أحترامى لل132
هما بيتقارنوا مع بعض علشان هما من نفس الفئة فى التصميم (سيدان متوسطة الحجم) و كمان لأن موديلاتهم الموجودة حاليا كانت متقاربة (أغلب الموجود من 77 إلى 82) و كمان سعة الموتور واحدة (2000 cc فى الغالب) لكن أنا مع حضرتك أن البيجو أفضل من جميع الجوانب خصوصا بعد 30 سنة من الإستخدام و شاكر جا لإهتمام حضرتك
ال504 مفيهاش كلام طبعا معانا بقالها 20 سنه واكتر ولسه بصحتها ما شاء الله
وقطع غيارها موجوده ومنتشرة جديد ومستعمل
يا نهار أبيض
هى حصلت؟؟
ال 504 تتقارن ب ال 132
شويه شويه ونقارنها بالتوك توك
مع احترامى لل 132 بس هناك فجوه حضاريه بين النوعين
للاسف يا هيرو قطع غيار الـ 504 الاستيراد بذأت تنقرض
وزي ما بيقولو بيدورو عليها دلوقت بالحلاوه بذات المكنه
تخيل انا نزلت الاسبوع الي فات كنت بدور علي جوز كبالن 505 الي وصيتك عليهم قبل كده
لاقيت عربيه كامله 505 اسيتراد بينزلوها من علي عربيه نقل
والله وانا واقف اتباعت تاجر جه بيكلم صاحبها قاله المكنه محجوزه وهبيع الشاسيه علي بعضيه
قالو عايز كام فيه قالو 12 خلص الحوار علي 9 وشويه تقريبا
نيجي بقي للمكنه تخيل الي حاجز المكنه دافع فيها كام؟؟؟
المكنه مكنة ال 505 التيربو مش ناقصه مسمار
تخيل دافع فيها 17 الف :_Alshmokh08[1]:
البيجو دلوقت بقي عيبه قطع غياره بذات القطع الميكانيكيه
دلوقت الي بيتخبط في وش العربيه مش بيلاقي ربع امامي استيراد وبيضطر يركب فرادي السلاح بتاعة الـ 505 ويستعدل باقي وش العربيه
مع ان في فرق 2 ملي بين الاتنين بس لو صنايعي صح بيظبط الفرده ويطلعها مسطره
لان الفرده بتحتاج قص من عند الجزء الي بيبدا يدخل الكابينه ويقص الاتنين ملي دول ويرجع يلحمهم تاني
كله كوم وطقم البيبان كوم تاني وصل دلوقت 6200 حرام ولا حلااااااااال :_Alshmokh08[1]: ده ولا طقم بيبان الانسر الشارك
مفيش الا بيبان الجي ال ال 73 الي بيبقي اكرتها زرار ودي عامله 2300
انا لحد دلوقت مش لاقي جوز كبالن يكون علي ابوه وكل ما اروح للراجل يقولي حرام اديلك من الي عندي :majd(4):
A.Yakout
لآ لآ ياا بوحميد الكلام ده مش صحيح ويمكن تكون ديه حالة شاذة
ده هنا فى الزقازيق مفيش اكتر من قطع غيار البيجو 504.505 لو عاوز بالشونة
عربيه ايه وماتور ايه اللى ب 17
خلاص انا ممكن اجيبلك عربية بقي نتاجر فيها
قدامة وحدة 505 كورسلية مفيهاش خلطة طيارة كاملة بالمسمار
تخيل بكام بقي ب 13 الف
على كلامك انا عندى أستعداد اشتريها وانت تشوفلنا حد يخدها
كذاللك ال 504 فى أماكن فى بلبيس مفيهاش غير 504
مفيش حاجه نادرة ولا حاجه بس الناس مبتحبش تتعب وتدور
يا احمد انتا مفهمتش قصدي
انا بقولك علي قطع غيار ال 504 مش ال 505
منا قلتلك فوق انا الناس بتجيب فرادي السلاح بتاعة الي 505 لانها منتشره ومرطرطه وماليه السوق
وبخصوص المكنه انا بكلمك علي مكنة ال 505 التيربو
عارف يا احمد طقم بيبان ال 505 عامل هنا 900 جنيه وكامل بفرشه ومكنة الأزاز الكهربا
كابوت عامل 350 غطا شنطه طيااره عامل 350 جنيه برضه والعادي 300 جنيه بس
شوف بقي الي 504
كابوت 1600 جنيه طقم بيبان زي ما قلتلك فوق غطا شنطه 650
نص خلفي جي ار عامل 7 تلاف ويا لاقيته يا ملقتهوش (وده بتاع عربيتي انا)
وده للعربيات ال 504 الكرونه مش ال جي الي الكبالن لان دي غير دي خالص لان في تعديل حتي في شكل التانك
انما نص خلفي للي جي ال مالي السوق وبيعمل في حدود 3500
موضوع التانك بقي ده حكاااااااااايه التانك بتاعي عامل 700 جنيه واقسم بالله مش لاقيه وانا محتاج تانك لعربيتي
تانك الجي ال عامل من 250 لـ 300 جنيه
في مقابل اني عندي انا في الكارونه نظام (اكوسه جمع اكس) وبجيب الاكس ب 150 جنيه بنساه العمر كله (دي الميزه الوحيده في ال جي ار)
بتاع الي جي ال عنده كبالن بيجيبها ب 450 جنيه وكل شويه بيبوظو ودول محتاجهم لعربية واحد صاحبي ودايخين علي جوز يرضي ربنا
نيجي بقي لقطع غيار في الميكانيكا
فتيس 504 (ابو حله صغيره) عامل 3500 جنيه وبيتشرط عليك التاجر وهوا بيديهولك
طقم شمايز وبساتم اوريجينال فرنساوي 2700 جنيه
عمه يا عاااااااااااااااااااالم عمة ال 505 الطياره لانها بتدي سحب خرافه للعربيه العمه الفيبر في المونيوم ب 1000 جنيه ويوم ما يكرمك يقوزلك 900 جنيه علشانك
عمود الكردان (البليون) 850 جنيه وبيحتاج توديه للخراط يظبطه حتي ولو سليم علشان اكيد بيكون فيه رفه وبتكون وقتها كملت ال 1000
تعالي بقي اتفرج علي التابلوه بتاعي تمنه كام
التابلوه بتاعي التابلوه الفيبر والله يا احمد فااااااااضي بدون عدادات وعامل 1800 جنيه وبالعدادات بيدخل في 2200 وبيعدي كمان
فرش الابواااااااااب ال جي ال عامل 700 جنيه
يا احمد العربيه دي انا فاككها مسمار مسمار ولافف علي طوب الارض وعارف اسعارها ايه
لو تقدر تجبلي كروسليه 504 جي ار علي ابوه علي ال 13 الي قلت عليها وعد قدام الناس دي اجبلك فيه 20 و 23 الف وانتا واقف
مستني تعليقك علي الليسته المفصله الي فوق دي
A.Yakout
الظاهر فعلا أن حاجة ال 504 شحت علشان فى ناس كتير هنا فى القاهرة قلبت عربياتها الأجرة ملاكى و طبعا كانت عايزة تتشد و ده خلى الطلب كتير و العرض واضح أنه كان أقل علشان حاجة ال 504 فى أوروبا قلت جدا (أخر موديل أنتج أعتقد 84 أو 85) و النتيجة الطبيعية أن الحاجة تغلى ده طبعا غير طمع تجار الإستيراد فى هامش ربح كبير !!!!
هقولك على الحجات اللى صحابى اشتروها
فتيس 504 950 جنية حالة جيدة جدا وعلى تجربة ورجعناه مرة
الراجل كان عنده كميات كبيرة جدا
عمود كردان كامل 700 ج
مكنة 505 التيربو 7500 ج واكنت قدامى واحد ال 6 سلند مكيفة v6 ب5000ج
لو عاوز أجيبلك كورسليه زى بتاعك انا ممكن اتفق لك مع المستورد هنا وشوف هيتكلف كام
هو لسة مرجعش من فرنسا
سؤال memononos
هو انت بعت ال128 اللى معاك ولا لسه
لو الحالة ممتازة فى الإتنين
يبقى البيجو
لو الحالة نص نص فى الإتنين يبقى البيجو
لو حالة البيجو نص نص وحالة الفيات ممتازة يبقى الفيات
انا مش شايف كويس؟؟ نظري ضعف ؟؟ طب فهموني يعني ايه مقارنه بين الفيات 132 و البيجو 504 ازاي يعني مش فاهم
يعني هنقارن ازاي
مينفعش
و لا في اي وجه مقارنه
السماء و الارض
بجد انا الظاهر نظري عاوز يتظبط:Oc_sun1[1]:
مع اني لسه شباب فابريكا يعني بس الظاهر ان ماتوري هنج :khd:
بقي فيات مقارنه مع بيجو ؟؟:dontudear: