السلام عليكم ورحمه الله بركاته
بصراحه يا جماعه انا محتار بين اللوجان والافانزا
أتمنى حد يرشح لى واحده ويقولى ايه الأسباب
وجزاكم الله خير
عرض للطباعة
السلام عليكم ورحمه الله بركاته
بصراحه يا جماعه انا محتار بين اللوجان والافانزا
أتمنى حد يرشح لى واحده ويقولى ايه الأسباب
وجزاكم الله خير
الرجاء من السيد مشرف قسم رينو نقل الموضوع إلى قسم المقارنات و ذلك تيسيراً للعضو الفاضل صاحب الموضوع بالحصول على الفائدة المرجوة .
:satelite:
عايز رأيي انا
لا دي و لا دي
Kia Carens
انا محتاج عربية عائلية و قتلت الموضوع بحثا
فكر فيها شوية كده و قلبها في دماغك و لو عندك اسئلة قول لي
الرجاء من السيد مشرف قسم رينو نقل الموضوع إلى قسم المقارنات و ذلك تيسيراً للعضو الفاضل صاحب الموضوع بالحصول على الفائدة المرجوة .
الافانزا ضيقة. الافانزا شكل الميكروباص. الافانزا من اول ما تركبها لحد متنزل منها متحسش انك راكب عربية يابانى. الافانزا تحس انها ابنة غير شرعية لتيوتا. رأيى انك يا تشوف كارينز يا لوجان ام سى فى ورأيى لوجان افضل لانها اوروبى.
يا كارينز يا لوجان
بصراحة الأفانزا بحس انها صيني مجهول عليه علامة تويوتا...
و هتفشل كدا زي الـــecho...
اعتقد لوجان او كارينز افضل فعلاً
لوجان شبه الميكروباص و تقفيلها مش ظريف الزنب اللي في لحام السقف بالرفرف الخلفي و القوايم باينة
الفئه دى فيها 6 عربيات
رينو اللوجان-كيا الكارينز-هيونداى الماتريكس-فولكس سوران-تويوتا الافانزا-نيسان اليفينا -سكودا رومستر
افضلهم من وجه نظرى
الكارينز و الرومستر المانيوال و اللوجان
بكل تأكيد كارينز عربية فعلا حلوة و محترمة و تديك كل اللي انت عاوزه
انا حاولت ارد عليك اكتر من مرة و كل اما ارد تحصل مشكلة اما تظهر لي رسالة ان الحقول مش عارف ايه و دي كانت من يومين عاملة مشكلة بالمنتدي و مرة قعدت اكتب ساعة في الرد بتاعي و بعد ما خلاص هعمل ارسال للرد الكهرباء قطعت و كل حاجة راحت لما كان هيجيلي شلل رباعي
المهم قبل ما الكهربا تقطع و لا يحصل اي حاجة هو حضرتك عاوزها 5 راكب و لا 7 راكب
هتفرق كتير جدا ما بين الإتنين
لو عاوزها 5 راكب يبقي انت امامك ( لوجان mcv 5 راكب, كارينز , افانزا 5 راكب)
لو عاوزها 7 راكب يبقي امامك ( لوجانmcv , افانزا ، دايهاتسو جراند تيريوس و دي معديا ال 150 الف جنيه ) و تشيل منهم الكارينز و انت مغمض عنيك الكارينز 5 راكب و ليست 7 و ما ينفعش يركبلها كنبة تالتة خلفية و لو ركبت هتبقي ضيقة جدا يدوبك تشيل اطفال صغار و طبعا يبقي مالهاش لازمة طالما هتاكل المساحة بتاعة الشنطة عالفاضي و الكلام دا من احد مهندسي مبيعات رينو
يمكن النسخة اللي بتنزل مصر ليها ابعاد اقل من النسخة اللي بتنزل برة بمحرك 2000 سي سي
و راي ليك بحكم اني من ملاك الرينو لوجان ال 7 راكب عربية اكتر من ممتاذه و تستحق اكتر من تمنها
وانا توقع انتشار جيد للعربية دي خلال الفترة اللي جاية
لو عاوز 7 راكب عملية و محترمة موتور قوي و تكيف ممتاذه و اتزانها ممتاذ عالسرعات العالية و ليها مراكز صيانة علي مستوي عالي و مرتفعة عن الأرض و وواسعة جدا من جوا تشيل 7 راكب بالغين مرتاح يبقي اللوجان هي احسن اختيار في الفئة السعرية اللي تحت 100 الف جنية
لو معاك زيادة شوف الدايهاتسو عاملة ايه
الأفانزا بصراحة كل اللي اعرفه عنها من خلال المعلومات اللي جمعتها عنها لما كنت زيك محتار و لسه بدور علي عربية كل اراء الناس كانت مش كويسة عنها زي ما نت شايف اهو في ردود الناس
اللوجان ليها معايا 6 شهور و عاملة 12000 كم دلوقتي ما شاء الله عربية محترمة و تستحق اكتر من قيمتها
و ممن تتفرج عليها في شركة عربيات في المهندسين عاملين شوية اضافات جامدة للعربية بصراحة عاملين شغل جامد معاها
و ربنا يوفقك و تختار اللي يناسبك
احلى مافى المجموعة دى الكارنيز وهى اولهم واللفينا حلوة جدا ومميزة والرومستر والسوران كمان عشان سعرهم حلو جدا بالنسبة لامكنيتهم
لكن الماتكس والافانزا اخر العربيات الى الواحد يفكر يشتريهم ..........زبااااااااااااااااا:T _thum1[1]:ااااااااااااااالة..............
من الواضح ان الناس كلها بتستبعد الأفانزا مع أنى سألت واحد معاه العربيه وقاللى ممتازه مع العلم ان الرجل ده بيسافر بيها مرتين فى الأسبوع لطنطا
هل ممكن تكون العربيه أول مانزلت كانت كويسه وبعد كده بقوا ينزلوا منها عربيات تعبانه ؟؟
وعاوز أعرف بعد أذنكوا اللوجان ام سى فى دلوقتى عامله كم ؟؟