ايه حكاية فرش الجلد اللي ماشية في البلد (موضوع للنقاش)

**jisso82** · 23-07-2009 07:52 PM

المشاركة الأصلية كتبت بواسطة seaman

والله عندك حق انا متفق معاك بس هو شغل منظره وفلوس مرميه على الارض وخلاص لازم نبقى عارفين ايه الكماليات الى تناسبنا وتناسب جو البلد

+1111111111111
و الله كلامك فى الجون
أنا حاسس إن فيه ناس يتشتر ى الغفرش الجلد ده بس عشان تثبت إنها تقدر تشتريه بصرف النظر هو عملى ولا لأ و مدى تناسبه مع العربية و الجو

**ابو فرح** · 23-07-2009 08:24 PM

هوه مناسب جدا للى معاه اطفال اسالونى انا

**as01241** · 23-07-2009 09:02 PM

كلام مظبوط بس إيه البديل , يعني الجلد رغم عيوب السخونة والتكلفة بس في حاجات تانية زي إن إحنا في بلد جوها مترب أغلب أوقات السنة فسواء الفرش الأصلي أو أي نوع قماش تاني هيتوسخ ويتبهدل من الشمس والتراب وهنا الجلد بقى سهل تنظيفه ويتحمل الشمس ده غير فعلا لو فيه أطفال أي فرش ما يتحملهومش , طب إيه البديل ؟

**eslamrace** · 24-07-2009 02:50 AM

معلش يا جماعه انا ليا راى مختلف فى الموضوع ده انا شخصيا شايف ان موضوع ان الجلد مش مريح بتختلف من شخص لاخر فانا عن نفسى بارتاح للجلد عن اى فرش تانى اولا شكل حلو ثانيا اسهل فى التنظيف و كمان موضوع الحراره ده ممكن ميفرقش مع ناس كتيير وانا منهم وبعدين مش مكلف اوى 350 جنيه انا شايف مش كتير على شكله وحتى لو مركب فرش عادى وسبت عربيتك فى الشمس شويه حترجع تلاقيها مولعه برضه

**Hikayat** · 24-07-2009 03:17 AM

المشاركة الأصلية كتبت بواسطة eslamrace

معلش يا جماعه انا ليا راى مختلف فى الموضوع ده انا شخصيا شايف ان موضوع ان الجلد مش مريح بتختلف من شخص لاخر فانا عن نفسى بارتاح للجلد عن اى فرش تانى اولا شكل حلو ثانيا اسهل فى التنظيف و كمان موضوع الحراره ده ممكن ميفرقش مع ناس كتيير وانا منهم وبعدين مش مكلف اوى 350 جنيه انا شايف مش كتير على شكله وحتى لو مركب فرش عادى وسبت عربيتك فى الشمس شويه حترجع تلاقيها مولعه برضه

وانا متفق معاك جدااااااااااا

**pro_samir** · 24-07-2009 06:14 PM

الجلد عذاب فعلا فى الحر لازم يتحط علية فرش اللى عامل زى الخوص دة

دة غير انة بيضيق الكراسى شوية بسبب البطانة بتاعتة

**Bob2009** · 25-07-2009 11:23 PM

المشاركة الأصلية كتبت بواسطة hamadamdph

صحيح ايه حكاية الفرش الجلد اللي ماشية في البلد اليومين دول
اصلا الجلد مينفعش انه يركب في عربية تكييفها ضعيف.
دا غير انه بيبقى عامل زي ما تكون قاعد على فرن
احساسه غبي انك تخرج من العربية عرقان من نصك التحتاني
دا واحد صاحبي ركبه في نيسان صني اضطرينا اننا نشغل التكييف بالليل عشان العرق. :_alshmokh08[1]::_alshmokh08[1]::_alshmokh08[1]:

طيب ما تركب العراقه الى هى عامله زى الخشب دى حلوه وبتنفع اوى وبعدين فيه عربيات اصلا نازله بفرش جلد

وغير كل ده وده القماش العادى بيلم تراب وفى نفس الوقت مش بيحافظ على فرش العربيه الاصلى لو لقدر الله وقع حاجه عليه هتنزل على الفرش الاصلى عكس الجلد بيحافظ على الفرش الاصلى بتاع العربيه

والناس مش بتجيبه منظره ولا حاجه الناس بتجيبه على شان يحافظ على الفرش الاصلى بدل ما اركب مشمع ويبقى شكل العربيه زى التاكسى او اركب اكياس الى زى بتاعت الفبريقه او اسيبها برده النهايه واحده وعليهم كمان ان انا هتزحلق من الاكياس دى بس دى الفكره وكمان عندك ان الجوده بتاعت القماش الى ارخص من الجلد او فى سعره قماش ضعبف وبيتقطع بسرعه ويبوظ ويبقى اللوان فيه كذا حاجه مش حلوه فى القماش على شان كده الناس بتجيب الجلد على الاقل ممكن يكمل 5 سنوات عكس القماش

**Eslam.Adly** · 26-07-2009 03:32 PM

ممكن الى بيضايق من الفرش الجلد يحت عرقات وينجز وخلاص.

**Yarisawy** · 26-07-2009 03:58 PM

مفيش حد جرب فرش جلد اصلى .. بيقولوا مش بيلم حرارة ذى التانى بس ده بيبقى غالى

-

الموضوع: ايه حكاية فرش الجلد اللي ماشية في البلد (موضوع للنقاش)

LinkBack

أدوات الموضوع

عرض

-

-

-

-

-

-

المواضيع المتشابهه

أيه اللي بيحصل ده علي الصبح - الناس ماشية نايمة و لا أيه ؟

الجلد اللي مغطي عصاية الفتيس

الغطاء الجلد اللي بيحمي مقدمة العربية؟؟؟؟؟

موضوع الجلد دة حله اه :s ؟

الجلد اللي على الإكصدام والفوانيس وربع الكابوت !!!!

الكلمات الدلالية لهذا الموضوع

المفضلات

المفضلات

ضوابط المشاركة