ايه حكاية فرش الجلد اللي ماشية في البلد (موضوع للنقاش)

**Yarisawy** · 26-07-2009 04:10 PM

مفيش حد جرب فرش جلد اصلى .. بيقولوا مش بيلم حرارة ذى التانى بس ده بيبقى غالى

**alisleman** · 26-07-2009 04:58 PM

انا معاك فى كدة بس لازم علشان الفرش بتاع العربيه القماش مينفعش معاه
يعنى مثلا لو اتوسخ هتغسلة لكن القماش بيتغسل بس بيعمل ريحة فى العربيه ومش سهل ينشف

**mazen86** · 29-07-2009 04:12 AM

سهولة التنضيف دي اهم واحلي ميزة في الفرش الجلد

**meemo the beast** · 29-07-2009 08:50 AM

يا جماعة هي أذواق و أرزاق فيه ناس بتحب الجلد و ربنا مسخرهم لرزق اللي بيبيع الجلد و العكس صحيح أنا شخصيا لا أميل للجلد لأنه بيلسوع في الحر و في البرد الشديد أيضا كما أني لا أحب شكله و هي طبعا أذواق لكن على جانب آخر هو سهل التنظيف خاصة لمن عندهم صغار.
لكن هناك الجلد الأصلي الذي يأتي مع المرسيدس و البي ام و هو بيكون مخرم خروم دقيقة من أجل التهوية حتى لا يؤثر على ظهور الركاب و لكن أنا عموما لا أميل لكافة أنواع الجلد و أحترم جدا من يفضلونه فكل واحد حر فيما يستخدمه

**JAM** · 29-07-2009 10:00 AM

الفرش الجلد دا عذاب ما بعده عذاب... لدرجة انى ظهرى بيبقة كله مياه ودا عملى نوع ن انواع الحساسية.. وانا فعلآ عايز اشيله واركب فرش قماش.. لان فى اى حال من الاحوال بلدنا مينفعش فيها جلد خالص.. وبعدين اللى معاه اطفال ممكن يفرش مشمع اوى يفصل حتة مشمع على اد الكنبة اللى ورا وخلاص

**Michael_Lanos** · 29-07-2009 11:18 AM

المشاركة الأصلية كتبت بواسطة dode2002

مفيش احسن من الفرش الاصلي

انا معاك ... بس بيصعب عليك لما يتوسخ وخصوصا بلدنا هنا مليانه تراب وكمان لو صنايعي شغال فى العربيه ولا معاك اطفال

انا مع الفرش القماش اللى بيكون شبه الاصلى ... انا مركبه فى دايو لانوس ومنظره شيك .. بس برده بيتوسخ بسرعه