الموضوع: بستم الماروتى

انا معايا عربيه سوزوكى ماروتى والعربيه سحبها وحش جدا رحت للميكانيمى قالى فى بستم بدأ يخف وهى 3 بستك

مش شرط يكون عيب ضعف السحب بسبب بستم خف .....يعنى هو أزاى عرف أن بستم واحد خف .....طيب مافيه بستمين تانين .....والتلاته مولودين مع بعض ....وداخلين الخدمه فى المكنه مع بعض .....أعمل أختبار كبس ....وحتعرف بالضبط حالة كل غرفة حريق من التلاته .............

على فكره فا ايه معنى ان بستم بدأ يخف

صلى على النبى (عليه الصلاة والسلام )......أنت عارف الحقنه طبعا ....أو البخاخه بتاعة زمان .....وأنت بتحرك مكبس الحقنه بيكون تقيل جوه الحقنه ...علشان حاكم عليها كويس .....لو أستمريت فى تحريك مكبس الحقنه كده كتير لبره وجوه ....أيه اللى حيحصله .....حيخف ويتحرك معاك بسهوله ....ويبقى سايب ومبوش كده جوه الحقنه ......هو ده بالضبط معنى أن بستم خف ...البستم بيكون جوه غرفة الحريق (الشميز بتاعه ) يعنى قميصه .....وطبعا البستم بيكون راكب عليه الشنابر ( ضغط وزيت ) .....مع كتر حركة البستم لفوق وتحت فى أشواط الحريق .....بيبدأ حدوث تآكل شويه بين الشنبر والشميز (غالبا اللى بيتاكل الشميز للأسف )....علشان كده بنخرط الشمايز فى المحركات الكبيره ....أو الفتحه اللى بتناظر الشميز فى البلوكات الصغيره ...............المهم علشان مطولش عليك ....لما بيحصل بوش خفيف زى موضوع الحقنه اللى قولنا عليه ....بتبدأ الحركه بتاعة البستم بشنابره جوه غرفته تخف ....وهنا بيحصل تفويت للكرتير ....وبيحصل فقد فى عزم المكنه (بيفوت يعنى )

وايه الحل الميكانيكى بيقولى محتاجه عمره كامله فأيه رأيكم فى الكلم ده وللعلم انا مغيرلها طقم شنبر قبل كده

أعمل أختبار كبس الأول .............لتحديد حالة المكنه بالضبط ....وحالة كل غرفة حريق !!!!!!!!!!!!!

شكرا على ردك
هو عرف ان البستم خف عشان انا لما رحتله كنت بشتكى اصلا من صوت التاكيهات وبعدين قعد يظبط فيهم ومتظبطوش فقلتله ليه قالى اصل فى بستم خف ده كلامه فكلامه صح ولا مش بيفهم اصل انا بصراحه حاسس انه مش بيفهم وهل التاكيهات ليها علاقه بالبستم
اختبار الكبس ده اعمله عند مين

فكلامه صح ولا مش بيفهم اصل انا بصراحه حاسس انه مش بيفهم

الكلمتين الكبار ................

وهل التاكيهات ليها علاقه بالبستم

لا

اختبار الكبس ده اعمله عند مين

فيه بنزيمات بتعمل الأختبار ده .....أو أى مركز خدمه كويس ويكون بيعمل الأختبار ده ......أرجو من أى زميل عمل الموضوع ده قريب أو عارف مكان كويس يرشدك أليه ............وبعدين أسأل عندك فى المنصوره على مكان كويس .

عشان انا لما رحتله كنت بشتكى اصلا من صوت التاكيهات وبعدين قعد يظبط فيهم ومتظبطوش

وأعتقد كونه معرفش يظبط التاكيهات ....غالبا حيكون السبب فى نقصان كفاءة السحب عندك ............فلو فى الأمكان .....دور على واحد تانى يكون عنده المقدره على ضبط التاكيهات صح ....وجرب..........لو أنظبطت صح .......كله حيبقى تمام ..............

شكرا