عرض للطباعة
اولا انا بحب اشكر بجد كل القائمين علي المنتدي و علي المجهود الرهيب ده و ربنا يجازيكو خير ........
[overline]انا لسة مستلم العربية اول امبارح والحمد لله بس ده لسة اول تعامل ليه مع العربيات فيا ريت لو حضارتكو تفيدوني في اسئيلتي :
1- المفروض ان انا اعمل ايه كل يوم الصبح قبل ما اتحرك بالعربية؟
2- ايه اللي المفروض انا باحطه في العربية غير البنزين؟
3- في الموضوع الخاص بمياه الدياتير انا قريت حاجة كدة اسمها طبة؟ ايه دي و بتبقي فين؟
4- فين طلمبة المياه دي ؟ و ايه فائدتها ؟
وشكراااااااا[/overline]
مع العلم ان السيارة هي كيا سيراتو ex هاي لاين 2009 الشكل القديم
بص انا هقولك الحاجات اللي كل الناس بتشيك عليها :
1- مستوي المياه في الردياتير (لو معندكش غطا للرديلتير يبقى بص علي قربه الميه)
2-زيت الباكم او الفرامل
3- زيت الباور
4- زيت المحرك (دا كل فتره تبص عليه تشوف حالة الزيت و بينقص ولا لا )
5- كل اسبوع او 10 ايام تبص علي ضغط الكاوتش.
هو انا مش عارف انت قصدك ايه بالطبه هو في غطا الردياتير و القربه و غطا القربه.... بخصوص طرمبه الميه وظيفتها هي تحريك المياه داخل دوره التبريد داخل المحرك و الي الردياتير.. اما مكانها فين مقدرش اقولك هي فين بالظبط عشان انا مشفتش موتورها قبل كده بس هو عامة بيقى ناحيه مجموعه السيور (الطرمبه بتتحرك على طنبوره مرتبطه بمجموعه سيور الدينامو مع اختلاف التصميم من سياره لاخري)...
و الف مبروك علي العربيه و ربنا يباركلك فيها و يعطيك خيرها و يكفيك شرها... و انت حاليا في مرحله التلين يعني متحاولش تقرص علي العربيه (داخل المدينه متخليش ال rpm يعلى عن 3 و عل الطرق السريعه متعديش 80)
يا رب اكون افدت
1- تغسل وشها كويس بالمياه والصابون الصبح.
2- وبعدين تغسل سننها عشان تبقى عربيه نضيفه.
3-وبعدين تلبسها الهدوم الجديده عشان تبقى زيها زى صحابها فى الاشاره .
4-وتملى الزمزاميه عشان لو عاوزه تشرب وله حاجه فى السكه .
5-وكمان ممكن تاخد معاك شاندوتشين زيت موبيل .
اوى تزعل انا بهزر معاك بسنتكلم شوايه جد ...
1- دائما العربيه الزيرو لا تحتاج غير البنزين .
2- اعمل الصيانات فى مواعيدها وبدون تاخير .
3- طلمبة المياه خاصه بدورة التبريد ومكانها امام الموتور وخلف الاكصدام مباشرا وله غطاء يمكن فتحه لتزويد السياره فى حاله نقص المياه وعشان العربيه زيرو حتلاقى المياه لونها اخضر- او احمر - ازرق كل شركه ومزاجها .
والف مبروك عليك العربيه السيراتو وربنا يباركلك فيها :verygood:
يا جماعة بجد انا مش عارف اشكوركم ازاي ربنا يكرمك يا رب
شوف الموضوع ده ممكن تستفيد منه
http://www.nilemotors.net/Nile/a/84050-a.html
والف مبروك عليك العربيه
ما تفتحش غطا الردياتير دلوقتى لان بيكون فيه ضغط علشان يرفع درجة حرارة الغليان
اتاكد من مستوى المياة من القربة
هيا هتبان من برة
شيط علة ضغط الكاوتش لان الزيرو بينزل بضغط زيادة
لازم تسخن العربيه ياعنى سيبها دايره لوحدها دقيقتين كده قبل ما تطلع, التسخين ده مش للعربيات القديمه بس, العربيات الجديده بردو بتسخن نفسها اوتوماتيك لاحظ الار بى ام بيبقى عالى اول ما تدور و بينزل بعد فتره.
اقتباس:
المشاركة الأصلية كتبت بواسطة nfs
بس خالد بالك يا غالى ان بعض العربيات الحديثة فترة تسخينها بتكون اقل ممكن توصل الى 30 ثانية بس
بس ميمنعش ان التسخين مهم
اهم حاجة تشيك على العجل اهم حاجة
تجرب الفرامل الاول دايما وانت طالع
اول ما تقابل عربيتك الصبح تعمل كذا حاجه
1 تصبح عليها ( صباح الخير يا ....) واختار اي اسم
2 تسأل عليها ( ها عامله ايه النهارده اخبارك ايه ) وتطمن علىيها من الناحيه الفنيه طبعا
3 تعتذرلها طبعا ( معلش يا ..... انا ركنتك في الشارع ومش هتحصل مره تاني وتشوفلها جراج
4 تركب وتقولها ها بى مستعده للمشوار بتاع النهارده يلا بينا وشويه شويه عليها عشان متزعلش ومتحاوش تنرفزها
5 حافظ عليها زي عنيك وكل يوم قبل ما تسيبها تقولها تصبحي على خير اشوفك بكره ( سلام )