يلا يا ستي الف مبروك عليكي العربيه ويشرفني اول واحد يباركلك عليها
بس اصرحه نيو اكسنت بعد ال 28 طفره كبيره
خدي بالك منها وحافظي عليها
ويديكي خيرها ويكفيكي شرها
A.Yakout
رقم العضوية : 11997
تاريخ التسجيل : 01Jun2008
المشاركات : 1,019
النوع : انثى
الاقامة : Cairo
السيارة: مفيش ... هي سيارة واحدة والحمد لله
السيارة[2]: New Accent 2010 - Maroon
الحالة :
الحمد لله بعد عذاب وعناء في المواصلات من بعد مابعت عربيتي القديمة من اكتر من 6 شهور وبعد تفكير وتدوير وحيرة وتردد ومشاكل ومعوقات وإحباطات ووساوس وفركشات وغُلب ..........
اخيييييييييراً ربنا كرمني واشتريت عربية هيونداي نيو اكسنت 2010 زيرو نبيتي .
إشتريتها بالتقسيط (مرابحة اسلامية) عن طريق البنك الوطني للتنمية (ابو ظبي الاسلامي) تقسيط علي 5 سنين وجبتها من موزع معتمد (السقا للسيارات) والعربية كانت ناقصة بشدة من السوق وكل ماتسأل حد عنها يقولك لسة قدامها شهر واكتر وفعلا انا بدور عليها من اكتر من شهر ونص وكنت اتفقت مع موزع تاني من حوالي شهر وجابهالي فعلا بس أخر عليها الورق ومندوبهم كدب عليا وقاللي ان الورق بيتصلح في غبور والورق مكانش لسة راح غبور اصلا فحسيتهم مش دوغري ففقدت ثقتي فيهم وقلبت عليهم وفركشت وسحبت ورقي من عندهم .
وكان مدير المندوب بتاع البنك اللي بيتابع معايا كلم السقا ووعده ان اول مالعربية باللون اللي انا عايزاه تيجي هايقولنا.
وبعدها ترددت كتير وكنت بفكر جديا افركش الموضوع كله من اوله لأخره مع البنك خصوصا ان حصلتلي شوية مشاكل الفترة اللي فاتت وحالتي النفسية كانت سيئة للغاية لأسباب عديدة لكني بعد ماستخرت ربنا إن كنت افركش الموضوع ولا استمر فيه لاقيت يوم الخميس اللي فات 16 يوليو اتنين موزعين معتمدين منهم السقا بيكلموني ويقولولي العربية جت واللون اللي انتي عايزاه فنزلت شوفتها يوم الجمعة ويوم السبت مندوب البنك راح كتب عقد الشرا بتاعها بين البنك وبين المعرض ويوم الاحد اخدت الورق من البنك روحت بيه المعرض واديتهم 70 جنيه عشان يعملولي شهادة البيانات والإفراج الجمركي والكلام ده بدل ماروح اعمله انا واتمشور وعملت وثيقة التأمين وروحت استلمت ورخصت يوم الأربعاء 22 يوليو وربنا سهل وخلصت وقلت بيتهيألي ان دي نتيجة الاستخارة .
بصراحة اول مالعربية وصلت الحاج احمد السقا صاحب المعرض كلم مندوب البنك وحجزهالي ومن غير مادفع فلوس حجز كمان وعرفت ان كان في ناس كتير عايزاها لكنه قاللهم محجوزة خلاص.
وكمان عمللي تخفيض بسيط كده في سعرها وده طبعا صعب جدا في ظل ان العربية مطلوبة بشدة في السوق وبتتباع Over Price عند بعض الناس لكنه طلع محترم ووفى بكلمته بصراحة.
وامبارح نزلت استلمت ورخصت وعلقت نمر جديدة (شكلها حلو اوي علي فكرة أينعم حروفها خنيقة ومش مفهومة لكنها شكلها نضيف والوانها حلوة) وطبعا انتوا عارفين مرور السلام الجميل طلع عينينا علي مارخصنا ورفع بصمة الموتور ييجي 5 مرات مرة اصل العربية سخنة استنوا لما تبرد ومرة اصلها لسة سخنة حطوا عليها مية ومرة اصل الرقم الاخير مش واضح وحوارات فارغة كده بس كونا نخلص ده كله في يوم واحد وقبل الساعة 12 نعتبر انجزنا انجاز عظيم بس المندوب الصراحة قام بالواجب وزيادة وطبعا انا راضيته عشان تعب معايا بجد.
بس لسة عندي مشكلة بسيطة ان الرخصة بتاعة العربية البيه الموظف بتاع المرور كتب رقم الموتور خطأ فرجعناها قام صلحها بإيده وكمان كان كاتب النترا فكتب جنبيها بإيده برده اكسنت ، قولت للموظف والمندوب اللي معايا مش هاتنفع الرخصة بالشكل ده مسمعوش كلامي وقد كاااااااااااان لما روحنا المعرض عشان ياخدوا صورة الرخصة قالوا البنك هايرفضها وفعلا عدينا علي البنك ورفضها وقال تتصلح كمبيوتر طبعا مكنش ينفع نرجع المرور تاني لان امبارح البهوات كانوا نص يوم (مش فاهمة يعني اجازة النهاردة وامبارح نص يوم ليييييييه إيه الدلع ده ).
المهم المعرض صمم ياخد اصل الرخصة ويدوني صورة الرخصة اسوق بيها طبعا رفضت وقولتلهم انتوا بتهزروا امشي بصورة الرخصة ازاي انتوا عايزيني اتحبس؟
من هنا لهنا وبعد محاورات إتفقنا ان المندوب اللي نزل معايا امبارح ينزل معايا تاني يوم السبت نصلح الرخصة وتتكتب من جديد علي الكمبيوتر ونرجعهالهم عشان ياخدوا صورة البنك يقبلها وقصاد كده اضطريت اكتب علي نفسي ايصال امانة وكتبت تحتيه يتم تسليمه حين استلام الرخصة المعدلة .
يالا هي كل حاجة كده لازم يبقي فيها مشكلة بس الحمد لله انها عدت علي خير وجت على أد كدة وبس.
المهم بقي طبعا العربية بسم الله ماشاء الله جميلة ومريحة وفيها اوبشنز حلوة بس انا لسة متعودتش علي ابعادها اوي وطبعا عندي مشكلة رهيبة وهي اني مش شايفة الكبوت ولا الأبعاد الامامية خالص طول مانا سايقة ، مش عارفة الصراحة سوقتها امبارح وجيت بيها الشغل النهاردة ازاي حاسة اني ماشية بالبركة اصلا من ساعة ماركبتها وسوقتها انا كان نفسي يبقي فيها اوبشن ان الكرسي يعلي ويوطى ده لحسن انا حاسة اني مش باينة جوة العربية خالص ولما بدخل شوارع ضيقة ببقي خايفة موت اخبطها او احتك بعربية تانية بس لحد دلوقتي ربنا ستر ، اينعم خدت اول خربوش امبارح في الاكصدام بس مش مشكلة دي علامة الجودة لأي عربية زيرو .
المهم انا فرحانة ومبسوطة اوي ان ربنا اخيرا كرمني وأنعم عليا بعربية جديدة ومريحة وقلت اجي افرحكوا معايا، وعموما يعني اللي عايزين يجيبولي هدايا انا معنديش مانع بقولهم نحن نقبل الهدايا علي عربيتنا الجديدة وحسنة قليلة تمنع بلاوي كتيرة وهنيالك يافاعل الخير والثواب
لا بجد بقي انا بس حبيت افرحكوا معايا وطالبة منكوا بس تدعولي ربنا يديني خيرها ويكفيني شرها ويقدرني اوفي قسطها لحد النهاية يارب .
وعايزة اشكر كل الناس اللي ساعدتني وانا بشتري العربية دي وكل اللي ادوني رأيهم في اي موضوع يخص العربية وبجد بجد الناس هنا في المنتدي محترمين فوق الوصف مفيش حد سألته عن حاجة الا لما أفادني وحاول يخدمني بكل الطرق ومحدش بخل عليا بأي مساعدة بجد بشكرهم من كل قلبي ويارب قدرني ارد جميلهم ده
ياريت بقي تقولولي نصايح عشان اقدر احافظ عليها واعتني بيها .
وعايزة اخد رايكوا كمان في موضوع الصدقة (بيتهيألي صعب إني اعمل موضوع الدبح ده) فهل ينفع أأجل الصدقة بتاعة العربية واطلعها في رمضان فلوس أوجهها عشان تبقي إطعام وإفطار مسلمين اللي هي شنط رمضان وأزود في الفلوس بتاعة الشنط وكدة ولا إنتو إيه رأيكوا
رقم العضوية : 19019
تاريخ التسجيل : 15Sep2008
المشاركات : 3,697
النوع : ذكر
الاقامة : Assiut
السيارة: Peugeot 504 Mo.79 GR
السيارة[2]: Skoda Octavia 2013 M/T
دراجة بخارية: ...
الحالة :
يلا يا ستي الف مبروك عليكي العربيه ويشرفني اول واحد يباركلك عليها
بس اصرحه نيو اكسنت بعد ال 28 طفره كبيره
خدي بالك منها وحافظي عليها
ويديكي خيرها ويكفيكي شرها
A.Yakout
رقم العضوية : 28460
تاريخ التسجيل : 25Dec2008
المشاركات : 5,505
النوع : ذكر
الاقامة : Nasr City
السيارة: Logan 2010/Astra Cosmo 2015
السيارة[2]: Logan 2012 AT B.L
دراجة بخارية: N/A
الحالة :
مبروووووووووووووووووووووو وووك ربنا يباركلك فيها و يديلك خيرها و يكفيكي شرها
يجب تعديل حجم الصورة
رقم العضوية : 3938
تاريخ التسجيل : 02Jan2008
المشاركات : 1,666
النوع : ذكر
الاقامة : cairo
السيارة: 127
السيارة[2]: Kia Picanto 2009
دراجة بخارية: لا يوجد
الحالة :
الف مبروك بس أهم حاجة خلى بالك فى موضوع التليين أمشى بالراحة ياعنى 60 إلى 70
دون أنطلاق مفاجىء - دون توقف مفاجىء مع عدم تشغيل التكييف الا بعد فترة التلييين الى هيا 1000 كيلو وكدة
رقم العضوية : 2363
تاريخ التسجيل : 28Sep2007
المشاركات : 1,823
النوع : ذكر
الاقامة : Egypt-Cairo
السيارة: Lamborghini Reventon
السيارة[2]: Proton Gen 2 2012
دراجة بخارية: هوا رخامة انى اكتبها يعنى عشان افتح المنتدى؟
الحالة :
الف مبروك وحافظى عليها ومتخبطهياهش
وخلى بالك اوى من موضوع الصيانة الدورية وهكذا
ومتشديد ولا تقرصى على العربيبة الا لما تبقى عملة صيانة الالف
وربنا يديكى خيرها ويبعد عنك شرها
ستيكر نايل موتورز منور[shfaf2]http://i645.photobucket.com/albums/uu180/Mora93_2009/DSC05710_zpsa00a51c1.jpg[/shfaf2]
رقم العضوية : 13687
تاريخ التسجيل : 27Jun2008
المشاركات : 14,730
النوع : ذكر
الاقامة : Cairo - Doha
السيارة: Optra 2008 A/T
السيارة[2]: Kia Cerato K3 TopLine
دراجة بخارية: -
الحالة :
الف الف مبروك
اختيار موفق
[aldl]http://s17.postimg.org/ygne2hebj/F2000045710.jpg[/aldl]
رقم العضوية : 12740
تاريخ التسجيل : 11Jun2008
المشاركات : 7,226
النوع : ذكر
الاقامة : EL Haram
السيارة: Lanos & 308
السيارة[2]: punto
دراجة بخارية: no
الحالة :
مبروك وربنا يباركلك فيها ويكفيكى شرها
ومتنسيش تطلعى حاجة لله
وفترة التليين دى مهمة جدا دلوقتى اخرك 90 على الطرق السريعة
متكبسيش على دواسة البنزين جامد مرة واحدة ومتحرقيش على الغيار
متشغليش التكيبف غير بعد اول 1000 كيلو
واتعودى تنك البنزين عندك ميقلش عن الربع (اعتبرى الربع ده هو الشرطة الاخيرة)
وطبعا بما ان العربية لسة جديدة تتبقة تتابعى دورة المية وتشوفى هل فى نقص فى المية او فى الزيوت او اى ترشيح زيوت وخلافه علشان لو لا قدر الله فى حاجة تلحقيها فى اولها
ومبروك العربية
[marq="3;right;3;scroll"](●̪•) H∂$$αற (•̪●)[/marq]
[img2]http://img687.imageshack.us/img687/6783/carcovercls.jpg[/img2]
رقم العضوية : 14993
تاريخ التسجيل : 22Jul2008
المشاركات : 736
النوع : ذكر
الاقامة : cairo
السيارة: no car
السيارة[2]: opel astra 2014 J
الحالة :
الف مبروك علي العربيه
وربنا يكفيك شرها ويحمهالك
رقم العضوية : 17601
تاريخ التسجيل : 31Aug2008
المشاركات : 6,564
النوع : ذكر
الاقامة : Certainly .. In My House !
السيارة: NA
السيارة[2]: Corolla 1.3
الحالة :
الف مبروك ربنا يبارك لك فيها و يبعد عنك سائقى الدبابات :)
بس ممكن اعرف سببب الاختيار على النيو اكسنت بالذات ?
رقم العضوية : 16471
تاريخ التسجيل : 16Aug2008
المشاركات : 4,166
النوع : ذكر
الاقامة : Shoubra Masr
السيارة: N/A
السيارة[2]: Elantra 2012 A/T
دراجة بخارية: N/A
الحالة :
مليووووووووووووووون مبرووك...وربنا يباركللك فيها..يارب
New Thinking , New PossibilitiesI ♥ Elantra
المفضلات