بعد تجربه مريره مع هذه السياره
1- قيادة السياره
2- الصيانه
3- مشاكل مستمره مع مالكى السياره
4- الخيبه القويه لشركة هوندا تعنى hrv
ساوافيكم بالتفاصيل مدعمه بالصور
عرض للطباعة
بعد تجربه مريره مع هذه السياره
1- قيادة السياره
2- الصيانه
3- مشاكل مستمره مع مالكى السياره
4- الخيبه القويه لشركة هوندا تعنى hrv
ساوافيكم بالتفاصيل مدعمه بالصور
بصراحة العربية دي فعلا فيه شكاوي كتير منها
بس انا ركبتها مرة واحدة بس كل اللي ماعجبنيش فيها الموتور الضعييييف جدا جدا
ياريت نشوف تقريرك لان القسم فعلا ناقص فيه معلومات عن الموديل ده
منتظرينك ......
بالفعل هى عربية سيئة بعض الشيء وعن تجربة بعض الاشخاص
و كمان شكلها مش معقول خالص
من رايي اسوا عربية هوندا
متابع بأهتمام
لاول وهله اول متركب العربيه " فى اكتر من عربيه " دواسة البنزين تقيله ومفيهاش مرونه اى عربيه " ولحد سرعة 60 العربيه مفيهاش مشكله فى السحب ولا اى حاجه لكن بعد كده ............
الموتور بيعلى وكأنك هتقفل العداد مع سحب ضعيف جدا جدا وهتحس ان الفتيس فى ناحيه والموتور فى ناحيه توافق غير تام بالمره
بعد ماربنا يكرم العربيه "فى طريق فاضى طبعا " وتجيب 100كم فى الساعه الاستابيليتى بتروح فى داهيا مع صوت موتور مخيف تحس ان العربيه هتنفجر على فكره العربيه موديل 2005
المهم حسيت زى كل اللى معاهم العربيه دى فى نتشه مع العربيه وانت طالع والعربيه مبتنقلش طلعت على التوكيل المهم فى التوكيل قالولى فتيس وتمنه """" 36000""""" وكل العربيات اللى دخله التوكيل زيها كلها فتيس .... طبعا لا مصلحتهاش فى التوكيل رحت عملتها فى الحرفيين ب 2500 جنيه بس تصليحها مش اد كده لسه فيها نتشه ضعيفه ولو لخصنا عيوبها كالتالى
1- الموتور ضعيف على العربيه
2- الفتيس الاوتوماتيك به عيب تصنيع
3- فقد الاتزان مع السرعات العاليه
4- بتسخن بشكل مش طبيعى فى الاحوال الطبيعيه وبتأثر على المياه
5- مش موفره فى البنزين
المميزات
1 عاليه عن الارض
2 واسعه ومريحه فى قاعدتها
3 التكييف تلاجه طبعا
لو فى اى سؤال عن العربيه انا موجود والمفاجأه ان احنا عندنا منها عربيتين انا واحد زملائى فى العمل وفيها نفس العيب طبعا طبعا ويا رب اكون افدتكم
ربنا يرزقك بأحسن منها إن شاء الله
سؤال لوسمحت:
حضرتك اشتريت العربية زيرو و لا مستعملة؟
الف شكر لحضرتك لنقل التجربة
ولكن بصراحة المميزات الي في العربيه دي لا نعني بالنسبه لي اي شئ بسبب وجود العيوب القاتله في الصناعه و سحب الموتور و الفتيس
وان شاء الله ربنا يكرمك بألي احسن منها
تحياتي
بس الموديل الجديد منها 2008 حلوة جدا
الله اعلم ان كان المودل الجديد منها كويس ولا لأ عشان مظلمش العربيه معايا بس تجربتى مع الهوندا كفيله انها تخلينى مفكرش فى هوندا اساسا وبعدين انا معايا كيا سبكترا 2004 عربيه محترمه هحتفظ بيها وهبيع الهوندا .