الموضوع: استفسار للمهندس سمير

دلوقتى يابشمهندس سمير انا كنت شارى العربيه لانوس 99من اربع شهور ومن ساعتها مقربتش للميه بتاعتها وهيا تقريبا ميه عاديه(مش خضرا ولا زرقاء)

طيب الحمد لله ....وكويس أن مسنوى الميه فى القربه ثابت كده على طول ....وده دليل على كفاءة حبك دورة التبريد وكفاءة جميع المكونات

والسؤال هل اغير الميه ده ولا اسبها

حقول لحضرتك على حاجه ....فقط أفتح غطاء القربه ....وشوف الوضع العام لشكل الميه فى القربه .....لو لقيت لونها نظيف ورايقه سيبها ......ولو لقيتها لونها مائل للبنى ومختلطه بصدأ مثلا .....كده حقولك ....أغسل دورة التبريد كويس ....لعمل فلش للدوره كلها .....ومون الدوره تانى ماء مقطر ......

وبعدين الميكانيكى بيقولى زودها ميه مقطره

كلامه صح .....لأنه عاوزك تحد من أستعمال الميه العاديه بسبب الأملاح للحفاظ على مكونات الدوره بقدر الأمكان ....أى الردياتير والدفايه والثرموثتات والطلمبه وكل قطعه الميه بتمشى فيها ( طالما أنك متأكد أنها ميه عاديه .....مش مقطره مثلا ) .....على فكره ممكن المره دى كزيادة أمان تغير الميه بعد نظافة الدوره كنوع من الأمان ( طبعا حتغير بماء مقطر ) .....يعنى حتاخد حوالى 8 زجاجات ( سعة الدوره على ما أتذكر 7لتر عندنا )

وقالى ان احسن ميه مقطره اللى هيا بتنزل من تكيفات البيوت

طيب ودى حنجيبها منين .....طالما هو متأكد كده .....طيب ماعندنا الماء المقطر المعبأ فى زجاجات ........يعنى الواحد حيقف تحت التكييف ويعبى ميه فى أزايز من فائظ التكييف ...........

بجد انت راجل محترم وخدوم جدا يا بشمهندس سمير انا بشكرك جداجدا على الاهتمام بموضوعى وجزاك الله خيرا على كل اللى بتعمله معانا

طيب يا باشمهندس انا لقيت زى ما حضرتك قلت الشكل العام بسيط بنى حوالين القربه والغطاء ومحطوط ماء خضراء المهم فكيت القربه وغسلتها كويس بالغطاء وتمام وزودنا ماء خضراء زى ما كانت الان كويس هلى من خطا من عملنا ده ولك الشكر والتحية

يا أخى الله يخليك ..........كلنا أخوات .....ومجرد بنفكر مع بعض .....ومفيش حد خبير ولا حاجه ....دى كلها أجتهادات .....ويمكن معظمنا ....أن لم يكن كلنا ....عمله الأساسى ملوش دخل بالسيارات .....بس طبعا ......تنوع الأفكار ....أحسن من فكر الواحد لنفسه ......لأن صعب جدا .....أن أى أنسان يعرف كل حاجه .....وبالسؤال بتتضح الأمور ......وده طبعى فعلا .....

المشاركة الأصلية كتبت بواسطة khalid9411

طيب يا باشمهندس انا لقيت زى ما حضرتك قلت الشكل العام بسيط بنى حوالين القربه والغطاء ومحطوط ماء خضراء المهم فكيت القربه وغسلتها كويس بالغطاء وتمام وزودنا ماء خضراء زى ما كانت الان كويس هلى من خطا من عملنا ده ولك الشكر والتحية

لا هو مفيش خطأ ولا حاجه....وأنت عارف معظم الناس بتديها ميه من الحنفيه وماش الحال ....بس أحنا اللى بنحاول أو عاوزين كل حاجه على الشعره .....بس سؤال كده ....هى العربيه معاك من الزيرو ولا لسه شاريها

2006 لانوس شاريها من 14 شهر وكان فيها ماء خضراء وكنت بزود شئ بسيط بعد سفريه بعيدة سعنى بس

المشاركة الأصلية كتبت بواسطة khalid9411

طيب يا باشمهندس انا لقيت زى ما حضرتك قلت الشكل العام بسيط بنى حوالين القربه والغطاء ومحطوط ماء خضراء المهم فكيت القربه وغسلتها كويس بالغطاء وتمام وزودنا ماء خضراء زى ما كانت الان كويس هلى من خطا من عملنا ده ولك الشكر والتحية

هيا القربه بتتفك ولو بتتفك ممكن تقولى ازاى وهل ده غلط ولا صح

المشاركة الأصلية كتبت بواسطة khalid9411

2006 لانوس شاريها من 14 شهر وكان فيها ماء خضراء وكنت بزود شئ بسيط بعد سفريه بعيدة سعنى بس

طيب ماتغير الميه كلها وخلاص .....لأنك برضه متعرفش ظروف اللى كنت شاريها منه .....يمكن كان بيستعمل ماء عادى .....ولما حب يبيع ....أداها أخضر ......ووجود بعض بؤر الصدأ فى الميه ....مؤشر عن الشك ده .....وكده كده ....أبقى غيرها وخلاص بميه خضراء تانيه .....كنوع من الوقايه للطلمبه والثرموثات ( أى صدأ بيعتبر العدو الأول للثرموثتات أو طلمبة الميه ) على وجه الخصوص