انا جربت الاوبل فكترا والاوبل اسكونا كانت من اسؤ السيارات ميكانيكيا وكهربائيا وبعتهم ومش حرجع للاوبل ابدا وجربت الكوري طلع اريح واخف اعطال و تكييف زي الفل
عرض للطباعة
انا جربت الاوبل فكترا والاوبل اسكونا كانت من اسؤ السيارات ميكانيكيا وكهربائيا وبعتهم ومش حرجع للاوبل ابدا وجربت الكوري طلع اريح واخف اعطال و تكييف زي الفل
لولا اختلاف الأذواق لبارت السلع صح يا باشا
هو فعلا الألماني محتاج صيانة ومتابعة أكتر من الياباني ، لكن هي ناحية واحدة فقط لأن عنصر هام جدا لايوجد فى الياباني والكوري الا وهو الأمان!!!!! خاصة فى مصر اللى ما تعرفش فيها كل واحد رايح فين فى الشارع!...عموما هى أدواق طبعا لكن - عن نفسي - أنا مابحبش لا الياباني ولا الكوري بس أستثني سيارات 4×4 من هدا التصنيف.
تحياتي.
انا افضل الماني عن باقي العربيات هوا اليابني حاجه وحده بي كويسه وهي التكيف اما من ناحيه التبات مفيش تبات اللى بدور على الراحه والامان ياخد الماني بس عندنا ف مصر معظم العربيا الاوبل الموجوده ف السوق زي اوبل متلا مش الماني اصلي ببقى يا اسباني او برازيلي ودا بفرق طبعا عن الماني من الاسباني وح قول حاجه هنا عن اوبل هان ف الاردن كل العربيا تالاوبل الماني والحمدلله مسمعتش حاجه اسمها تسخين ف العربيه ولا بروح ميكانيكي اصلا ليه كده عشان العربيه الماااااااااااااااااااااا اااااااني
المفروض ان الألمانى ليه برستيج عن اليابانى يعنى ليه طريقة معاملة خاصة علشان تستمتع بيه فى العربيات الألمانى تلاقى اهتمام بالتصميم والتكنولوجيا والفخامة وتحس ان هية سيارات رجال اعمال ودايما الألمانى بيسبق اليابانى فى التكنولوجيا وبيصمموا عربيات لكل الفئات يعنى كل عربية تقريبا ممكن تلاقى منها نسخة رياضية زى الجولف مثلا فيه منها جولف عادية للناس اللى سواقتها عادية وفى واحده بتربو للناس اللى بتحب شد وغرز واداء رياضى لكن انت شوفت قبل كده نسخة رياضية للكورولا مثلا!! لأن اليابانى بينفع للناس كلها وعملى بس ده على حساب الفخامة والتكنولوجيا والتصميم ومعظم اليابانى تصميمه كلاسيكى فشىء طبيعى ان لما الواحد بيجيب عربية المانى عادية ويطلع عين ابوها ويفترى عليها اكتر من اللازم ان عمرها يقل وتكتر اعطالها واسف على الأطالة.
تمام يا باشوات كلامكم صح 100%
طيب لما احب اقارن بين الميجان والاوبل مين اللى يكسب او ايه الاحسن لانى شوفت الميجان وعجبتنى كتير وبعدين موديلات حديثة وسعرها قريب من الاوبل
اعتقد الأوبل افضل
رجالة العصابة قالوا المفيد
بس أنا أحب أضيف نقطة عربية زى اللانسر مش عارف إنتشرت إزاى لأنها غير المتوقع خالص أنا قبل ما أركبها كنت متوقع حاجات و صدمت على صخرة الواقع لما ركبت العربية "البومة" عربية مبالغ فيها
متفق معاك تماما يا معلم دانا واحد مرة كان حيشلني بيقولي مفيش فرق بين الياباني و الكوري ولا بين الياباني و الالماني و بالتالي مفيش فرق بين الكوري و الالماني
يا راجل ده مرة واحد مسك عربية قتلها عيوب و ساب نمرة موبايله وقال كلنا لازم نروح التوكيل و لما كلمته طلع معندوش العربية دي ولا عندوه عربية من الاصل و قالي بالحرف انا خدتها لفة من واحد صحبي وانا بصراحة معرفتش طريقة سواقتها