الموضوع: الحمدلله جات على قد كدا : بس الله يخرب بيت الزينون والكلام في الموبايل

السلام عليكم ورحمة الله وبركاته

اولا حمد الله على سلامتك يا استاذ رافى والحمد لله انها جت على اد كده
ثانيا هى دى بلدنا يا استاذ رافى قانون مرور جديد او قديم مش نافع احنا بنعمل القوانين عشان نزود دخل الشرطه من مخالفات والذى منه. اخر حاجه ممكن يكون الهدف من القانون هو انه فعلا يكون قانون يسرى على الكل من اجل المصلحه العامه انما دائما الهدف الحقيقى هو مصالح تانيه ملهاش دعوه بالحفاظ على ارواح الناس انا كل يوم بسافر اكثر من ساعتين ونصف الصبح وساعتين ونصف اخر النهار على طريق المنصورة بنها القاهره الدائرى طريق السويس والعوده مش عاوز اقول لحضرتك الاهوال اللى بشوفها كل يوم على الطرق دى لدرجة انى مرة شوفت حادثه جابت لى اكتئاب يومين مبكلمش فيهم حد . تريلات فى بعضها وفى ملاكى , عربيات طايرة من على الدائرى , خمس ست عربيات داخله فى بعضها فى الشبوره . مفيش يوم الا وفيه كارثه على واحد من الطرق اللى بعدى عليها دى لدرجة انى كل يوم بطلع والله مببقاش عارف انا هروح تانى ولا لا . طبعا الاعمار بيد الله بس فيه فرق ان فيه حوادث قضاءا وقدر وحوادث نتيجه اهمال متعمد من الناس والدوله ومعظم الحوادث نتيجه للاهمال المتعمد من السواقين واستهتار سواقين النقل ( اسوا واخطر حوادث بشوفها بتبقى من النقل ) المرور فى مصر فاااااااااااااااااااااااا ااااااااااااااااااااااااا ااشل الصح فيه غلط والغلط صح منظومه فاشله الغرض منها الجبايه من الناس وخلاص وتعطيل مصالحهم ربنا يستر علينا كلنا من شر الطرق والاستهتار بارواح الناس . امين
سلامى للجميع

حمدا الله ع سلامتك

حمد الله على سلامتك وسلامة عربيتك وأنا بضم صوتى لصوتك وبقول بلاش يا جماعه الزينون أو النور العالى حتى وأنت فى اتجاه معاكس على طريق سريع وربنا يستر طريقنا جميعا

اخر الاخبار
بفضل الله وبمعونته
وبفضل نصائح الاستاذ مهاب سعيد
وبفضل تعب الدكتور / محمد سليمان
تم تغيير الفرده بواحد هونكوك تايواني كلفت 300 جنية طبعاً السعر ممتاز وده بفضل د/ محمد سليمان
الي قابلني ووداني لواحد معرفة وحط قدامي كل الاختيارات وكمان احسن اسعار في السوق وشرحلي شرح وافي للفرق بين كل نوع والتاني وكان بالوا طويل معايا لاقصى حد لغاية ما فهمت كل حاجة وكان القرار هو الهينكوك...

الف شكر ليك يا أ/ مهاب على نصايحك
الف الف شكر ليك يا د/ محمد على تعبك معايا ووقوفك جمبي طول الوقت ده ان شاء الله اردهالك في الخير وانا ليا كل الشرف اني اتعرفت عليك .. ولك تحياتي