سؤال لاهل الخبره في الكورسا

**talateid** · 24-07-2009 02:28 AM

ارجو من اهل الخبره اجابتي علي هذه الاسئله
هل الكورسا 1995 سياره جيده؟
هل اسعار قطع الغيار معقوله وهل هي متوفره؟
ماهي قوة تحملها علي طرق الارياف ؟

ولكم الشكر الجزيل

**Ahmad Allawy** · 25-07-2009 07:50 PM

عربية جيدة جدا طبعا..
قطع غيارها معقولة جدا و لا تعتبر غالية قوي.. بس مش رخيصة برضه.. عشان تبقي عامل حسابك..
اما علي قدرتها علي تحمل طرق الارياف.. العفشة عادي جدا مفيش مشكلة.. بس علبة الدركسيون هي اللي مش هتستحمل.. و تمنها جديدة برازيلي 950 جنيه..
و كلامك علي الارياف.. ده مش معناه ان المكان اللي انت فيه ممكن يكون قطع غيارها متوفرة عندك فيه..
قولنا انت منين الاول.. عشان لو في الصعيد مثلا.. يبقي تصرف نظر خالص.. عشان تقريبا مفيش قطع غيار ليها هناك.. و حتي الوتكيل هناك ضايع.. ده لو في اصلا..
و في الوجه البحري برضه في اماكن معينه اللي فيها قطع الغيار متوفرة..

**ASKAFRAWY** · 25-07-2009 08:49 PM

طبعا بعد كلام علاوى مفيش حاجة تتقال!
توضيح بس انا معايا كورسا 1995 و بروح بيها كتير الارياف و مفيش اى مشاكل غير ان لو الرض فيها طين او عالى وواطى ممكن العربية تحك فى الارض و ممكن غطاء الكارتير يتأثر غير كدة مفيش منها اى مشاكل!
الحاجة الوحيدة فى العفشة ااهتحتاج تغيرها علبة الدركسيون فعلا لان الارض الوعرة مش للكورسا للاسف لكن لو طريق مستوى مفيش اى مشاكل منها!
وياريت حضرتك توضح الارياف فين بالظبط و طبيعة الارض عاملة ازاى لان مهما كان الكورسا 1200 واطية على الارض يعنى متنفهش فى الشتاء فى الارياف
واى استفسار انا فى الخدمة

**ASKAFRAWY** · 26-07-2009 10:51 AM

المشاركة الأصلية كتبت بواسطة biboelking200

انا بس لي سوال معلش هو رخم ومتكرر كتير بس معلش يعني ايه الفرق بين الكورسا ال1000 وال1200
الفرق في التكيف ولا الموتور ولا قطع الغيار ولا ايه بالظيط لاني في واحد صاحبي بيشتري ومش عارف اقولها انهي احسن :$

الاوبل كورسا ال 1200
السعه التريه: 1195 سى سى
نوع المحرك : 4 سلندرات
الصبابات :8 صباب
نظام تغذية Monoinjection
القوة الحصانيه: (حصان / دورة في الدقيقة) 45 / 4600
أقصى عزم (نيوتن متر / دورة في الدقيقة) 88 / 2800
الاوبل كورسا ال 1000 سى سى
لسعه التريه: 973 سى سى
نوع المحرك : 3 سلندرات
الصبابات :12 صباب
نظام تغذية injection
القوة الحصانيه: (حصان / دورة في الدقيقة) 54 / 5600
أقصى عزم (نيوتن متر / دورة في الدقيقة) 82 / 2800
الدركسيون باور كهرباء
عيوبها كثرة الحساسات التى تجتاج باستمرار لمعرفة العيب عن كريق توصيل السيارة بجهاز الكمبيوتر للكشف على نوع العيب

انا راى ال 1200 سى سى احسن فى عمليات الصيانة نتيجة لسهولة تصميم الموتور وسهولة الوصول للعطل