الفكره كلها ان الشرطه النهرده عندها شك فى الناس دى وده بسبب بيع العربيات المستعمله مثلا زى عربيات الهيئه الدبلوماسيه والحاجات الى حصلت دى بس فهو بيكلبش كل العربيات النهرده عادى جدا ولما يجى صاحب العربيه يشوف هو مين لو فعلان واحد منهم شرطه جيش نيابه وانتم عارفين الباقى بيقوله اسف جدا ياباشا وبيشيل كل حاجه وخلص الموضوع اما بقى لو واحد مش منهم وكان هو المشترى الجديد وعلى العربيه الكلام ده يبقى يومه فل وهيشوف ايام فل ويعينى اكتر لو كان على العربيه هيئه دبلوماسيه يبقى الراجل ده ضاع دى الفكره احسن حد يفكر ان احنا هنبداء نكون بنى ادمبن ولا حاجه احنا زى ما احنا
ولو عاوز تكون متاكد اوى من الموضوع ده هتلاقى مخالفه على الشباك بتاع العربيه انما موضوع كلابش وخلاص ده حاجه تانيه ده بيعملوه للناس الى هما مش عارفين شخصيتهم وانا نفسى مره عملتها مع واحد عسكرى كان الظابط كلبش العربيه ومشى وكان فيه شويه عساكر وانا مشوفتش الكلابش ودخلت العربيه ودورت وهامشى عادى جدا وانا مش عارف لقيت العسكرى نازل اسف وثانيه واحده ياباشا وبتاع وانا عشت الدور راح فاكك الكلابش ومشيت بكل بجاحه وتقولى احنا اتصلحنه ياراجل قول احنا اتوكسنا اكتر