الموضوع: عايز أجيب مكيف جديد أجيب أنهي نوع ؟

ياجماعه لو سمحتو حد بقول اسعار التكيفات
انا مش عارف اوصل لاسعارهم على النت
ومش هقدر انزل القاهره في الوقت الحالي

المشاركة الأصلية كتبت بواسطة musiccairo

طيب اذا سمحتو حد يقول أسعار التكيفات ؟؟

المشاركة الأصلية كتبت بواسطة musiccairo

ياجماعه لو سمحتو حد بقول اسعار التكيفات

اللي اعرفه:
شارب 1.5 حصان شباك / بارد فقط بـــ 2250
شارب 2.25 حصان شباك / بارد فقط بـــ 2290
الأسعار دي من موزع شارب بمنطقة شبرا وقال ان السعر شامل التركيب، إن شاء الله ناوي اشتري واحد خلال أسبوع

المشاركة الأصلية كتبت بواسطة musiccairo

انا مش عارف اوصل لاسعارهم على النت

الموقع ده ممكن تشوف على بعض الأسعار:
ظ„ظ‚ط·ظ‡ - ظ…طµط± - ط¯ظ„ظٹظ„ ط§ظ„ط¹ط±ظˆط¶ ط§ظ„طھط¬ط§ط±ظٹط© ط¹ط±ظˆط¶ ط§ظ„ط¬ظˆط§ظ„, ط§ظ„ظƒظ…ط¨ظٹظˆطھط±ط§طھ, ط§ظ„ط³ظٹط§ط±ط§طھ, طھط¬ظ…ظٹظ„,ط³ظپط±

المشاركة الأصلية كتبت بواسطة nysma

أكيد حضرتك جايب الأجهزة بتاعة يونيون إير من زمان !!؟
أعتقد إنك لو جبته دلوقتي هتحس بالفرق بينه وبين القديم





------------------------

مش كلهم يا باشا
ال 3 و 2.25 حصان من 3 سنين

و ال 2 حصان الصيف اللي فات ...........

و أنا جربت صيانتهم ( التزام تام بالمواعيد )
التكييف ال 2.25 فصل كباس ..................... طلعت مشكلة سلك الكهرباء الخارجي فاصل
أتصلت بالشركة
أدوني ميعاد .......... و الناس ألتزمت بالميعاد و جُم تمام
و أنا بصرحة كنت مخنوق و خايف ليكون الكباس محروق
الراجل دخل البيت بص على الجهاز و بعدين خرج برة و بص ......... فك العلبة اللي برة ووصل السلك تاني و قالي أدخل شغل التكييف ............. و كله تمام

و يومها كان الكشف 40 جنيه علشان كان الجهاز خرج من أول سنة في الضمان
أول سنة الكشف و الأنتقالات مجانا
و بعدين تقريبا بيأخد 40 جنيه مصاريف كشف و أنتقالات خصوصا إذا أكتشفوا أن العيب مش في لجهاز زي حالتي

المهم الراجل شرحلي على الصيانة السنوية مع يونيو أير
و عملت عقد معاهم بسنة ب 120 جنيه ......... و قالي لو حصل أي حاجة خلال السنة كل المصاريف مجانا ما عدا شحن الفريون ........
إنما أي حاجة في الضمان ............... على حسابهم .......

و بصراحة مشفتش منهم إلا كل خير ......

بس أنا قلت أن شارب بيتميز بالهدوء التام ( خارجي و داخلي ) و فيه ميزة البلازما
كنا قاعدين في غرفة و الناس عمتني سجاير و مكنتش شامم ريحة خالص
بعكس التكييفات من الأنواع التانية

عموما التكييف ال 2 حصان اللي ركب الصيف اللي فات شغال و الحمد لله أكثر من ممتاز و تبريده 100 % و بيفصل بسرعة بعد فترة عمل قصيرة و تبريد عالي .


أعتقد أن الموضوع مش قياسي على الماركة خصوصا أن بعض الموزعين بيحاولوا يبيعوا ماركة عن ماركة حسب درجة الربحية اللي طالعة لهم .

يعني و أنا بشتري ال 2 حصان
الراجل كان عايز يبعلي السامسونج .............. و مُصر أن يونيو أير دي شركة زبالة
قلتله أنا جاي أشتري تكييف مصري ........ و مش هاغير رأيي و قايلك قبل ما نقعد أني عايز تكييف مصري و صناعة مصرية و مش هاتنازل عن كدا .
برضه كان مُصمم على السامسونج و عمال يشرحلي مميزاته
بكل بساطة أنهت الجلسة و قللته شكرا و مشيت .


نداء للخوة اللي بيشجعوا الماركات الأمريكاني .
أغلب ملاك المصانع اللي بتصنع مكيفات أمريكاني هم يهود صهاينة
فبلاش يا أخونا تدي فلوسك بكل بساطة لأعداء .

لو التكييف الأمريكاني متوصل بالقطب الشمالي برضه مش هاشتريه ....... و مش هايخدوا فلوس علشان يقتلوا بها الفلسطينين و يحتلونا و يتحكموا فينا .

أشتري أي ماركة و يُحبذ لو مصري ....... بس أي حاجة غير الأمريكاني أرجوكم .
الناس دي بتعلن العداء لينا جهارا نهارا
و أحنا بكل بساطة بنساعدهم بشراء منتجات منهم ...... و بإستثمار أموالنا لديهم .
أرجوكم فكر أن أخوك هو اللي في فلسطين اللي أرضه و عرضه ضاع و بمساعدة أمريكا ............
كل يوم أولادهم و أمهاتهم ........ و أبائهم و أرضهم ............ مستباحة
و مش بنسمع من أمريكا إلا ........... حقوق الإنسان اللي أصبحت حجة علشان يحتلوا أرضنا و يقتلوا أهلنا

أرجوكم ................................. قُل لا لأمريكا .................. لا يا أمريكا لا لن تأخذوا أموالي ................إلا على جثتي بعد ما أكون حاربت بشرف للدفاع عن أرضي و مالي و عرضي ....

لا تعطوهم أموالكم بطيب خاطر
قل لا .................................................. .............. حتى لو المكيف الأمريكي أحسن مكيف في العالم ........

عن تجربه فى البيت عندى

شارب مستمر للسنه الثالثه بدون انقطاع

ومعرفش اساسا يعنى ايه صيانه المكيف

ولا عمرى احتجت لها

تبريد معقول وصوت ممتاز