عمليات ضبط المغذى (الكربوراتير )

**samirayad** · 31-07-2009 07:01 AM

المشاركة الأصلية كتبت بواسطة matrix_reloaded

انا نضفت خرطوم الفاكيوم اللى حضرتك قلتلى عليه وبطلت الفرامل تحجر

ألف مبروك يا أبو حنفى ..........

**MoMohsen** · 31-07-2009 11:46 AM

موضوع تحفه يا سمير باشا زى ما عودتنا دايما ....كدة هطبع ورقة الخطوات و تنزل اظبط الكربرادتير وزى ما تيجى تيجى طالما انت معانا
بس انا كان لسا استفسار:
انا عندى خرطوم الفاكيوم بتاع التكييف اللى واصل على الكربرادتير كان مش راكب المهم ركبته بس لقيت سلانسيه العربيه عالى اوى و مش عاوز يوطى من السلانسيه العادى قمت وطيته من سلانسيه التكييف بس لما و طيته مبقاش فيه فرق لما اشغل التكييف او افصله اكنه مش حاسس بخرطوم الفكيوم اصلا مع العلم انى لما فكيت الخرطوم لقيته بيطلع هواء.

**samirayad** · 31-07-2009 12:57 PM

انا عندى خرطوم الفاكيوم بتاع التكييف اللى واصل على الكربرادتير كان مش راكب المهم ركبته بس لقيت سلانسيه العربيه عالى اوى و مش عاوز يوطى من السلانسيه العادى

هو موضوع فاكيوم التكييف ده بينى وبينك معقد شويه .....وكنا لسه بنتكلم فيه فى قسم الدايو ......وكل اللى وصلناله لحد دلوقتى .....أنه بيفيد فى التحكم فى أبواب هواء التوجيه لهواء التكييف .....وتقريبا كده والله أعلم .....خط الفاكيوم بيروح لفاكيوم سويتش .....مفتاح المود مثلا (اللى فى لوحة التحكم فى التكييف ) .....ومع حركة مفتاح المود بيتم توجيه الفاكيوم .....جهة باب توزيع الهواء .....علشان نخللى الهواء يروح على وجه أو صدر أو قدم السواق من خلال تحديد مسار الهواء .....وواضح من كلامك ....أن خط الفاكيوم اللى رايح للفاكيوم سويتش بيهرب الهواء من وراء اللوحه بتاعة التكييف ......وبكده دورة هواء السلانسيه بتبقى مش محكمه .....وعلى هذا الأساس بيحصل خلل فى خليط السلانسيه ( لأن الهواء بيهرب من عند الفاكيوم سويتش ) وبكده نسبة بنزين السلانسيه بتزيد .....ويعلى السلانسيه

قمت وطيته من سلانسيه التكييف

دى عملتها أزاى ....هو كربوراتير عادى ولا العربيه هاف

لما فكيت الخرطوم لقيته بيطلع هواء

دى أن مقتنع بيها .....وعندك تهريب للفاكيوم من جوه التابلوه (من عند المفتاح أو الباب )

**MoMohsen** · 01-08-2009 01:22 AM

المشاركة الأصلية كتبت بواسطة samirayad

هو موضوع فاكيوم التكييف ده بينى وبينك معقد شويه .....وكنا لسه بنتكلم فيه فى قسم الدايو ......وكل اللى وصلناله لحد دلوقتى .....أنه بيفيد فى التحكم فى أبواب هواء التوجيه لهواء التكييف .....وتقريبا كده والله أعلم .....خط الفاكيوم بيروح لفاكيوم سويتش .....مفتاح المود مثلا (اللى فى لوحة التحكم فى التكييف ) .....ومع حركة مفتاح المود بيتم توجيه الفاكيوم .....جهة باب توزيع الهواء .....علشان نخللى الهواء يروح على وجه أو صدر أو قدم السواق من خلال تحديد مسار الهواء .....وواضح من كلامك ....أن خط الفاكيوم اللى رايح للفاكيوم سويتش بيهرب الهواء من وراء اللوحه بتاعة التكييف ......وبكده دورة هواء السلانسيه بتبقى مش محكمه .....وعلى هذا الأساس بيحصل خلل فى خليط السلانسيه ( لأن الهواء بيهرب من عند الفاكيوم سويتش ) وبكده نسبة بنزين السلانسيه بتزيد .....ويعلى السلانسيه دى عملتها أزاى ....هو كربوراتير عادى ولا العربيه هاف دى أن مقتنع بيها .....وعندك تهريب للفاكيوم من جوه التابلوه (من عند المفتاح أو الباب )

انا عندى كربرادتير عادى مش هاف انجكشن و العربيه كيا برايد سيدان و لقيت مسمار تانى زى مسمار السلانسيه العادى بس للتكييف بس قمت وطيت السلانسيه منه.

**mohamed777** · 01-08-2009 06:53 AM

انا لسة ماجربتش انى اظبط الكربيراتير....بس كده بقى هتوكل على اللة وهجرب

طيب هو خليط الوقود والهواء لما بيكون مش مظبوط سواء كان خليط غنى او فقير اية العيوب اللي تبان سواء فى الحالتين؟

**samirayad** · 01-08-2009 07:25 AM

الخليط الغنى يؤدى الى
1- زيادة سرعة السلانسيه
2- زيادة أستهلاك البنزين على السلانسيه
3- قد يحدث تهبيب للبوجيهات مع زيادة نسبة غنى الخليط (أذا زاد الشىء عن حده أنقلب الى ضده )
4- لما ينقلب لضده والبوجيهات تهبب مع الغنى الفاحش .....حتقابلك صعوبه فى الدواره بعد كده
وخروج عادم مسود مائل للبياض وقت الدواره

الخليط الفقير يؤدى الى
2- عدم ثبات سرعة المكنه وقت السلانسيه
2- حريق هزيل وقت السلانسيه مع حدوث رعشه وأهتزاز بالمكنه وقد يحدث تبطيل للمكنه مع فقر الخليط الشديد
3- طبعا ده حيوفر معاك بنزين وقت السلانسيه
.....ومن هنا نلاحظ لا الغنى مطلوب ولا الفقر مطلوب .....وكل اللى مطلوب الوسطيه وليس المثاليه
لأن الوصول للمثاليه صعب جدا .....بل مستحيل فى كل الأحوال .....والكمال لله سبحانه وتعالى فقط
يقول الله سبحانه وتعالى فى محكم آياته
بسم الله الرحمن الرحيم
ّ وكذلك جعلناكم أمة وسطا ....لتكونوا شهداء على الناس ....ويكون الرسول عليكم شهيدا ّ
صدق الله العظيم

سبحان الله ....ما أحلى الربط بين تعاليم ديننا ....وجميع مايدور حولنا من أشياء .............

**NazerNada** · 01-08-2009 12:18 PM

الاخ العزيز الاستاذ سمير

السلام عليكم و رحمة الله و بركاته
مبارح و انا ذاهب و راجع من الزبداني الى دمشق .. حسيت بمشلكة في السيارة و هي ان عندما ادوس على دعسة البنزين لزيادة العزم في السيارة احس بان هناك اختناق في سحب و دخول البنزين الى المحرك و بعدها احس بزيادة عزم بعد الاختناق و كان الطريق في صعود و اثناء التبديل من الخامس الى الرابع السرعة لم تتجاوز الـ90 .

هل هناك مشلكة في الكربرتير .... السيارة فيات 132 2000 موديل 79 المحرك 2000 الكربيرتير 34 ADF مغيره منذ اربعة اشهر، مصروف السيارة 160 بالتنكة.
ارجوا النصيحة... وجزاك الله خبرا.....
View image: NN 132 2000 GLS.jpg

**samirayad** · 01-08-2009 03:41 PM

أنصحك أولا بالأطمئنان على فلترأو صفاية البنزين .....قبل مانقول طلمبه وغيره.....وأعتقد الكربوراتير كويس...بدليل العزم بيزيد تانى....يعنى فيه خنقة بنزين ( قد يكون الفلتر أو الطلمبه ) ولكن نبدأ بالفلتر....وياريت تطمن على فلتر الهواء بالمره

**NazerNada** · 01-08-2009 04:29 PM

الاخ العزيز الاستاذ سمير

السلام عليكم و رحمة الله و بركاته

شكرا جزيلا على الرد السريع سوف اقوم غدا بالفحص ... الف شكر ......الف شكر........
الطلمبة هي مضحة البنزين ...الفلتر الذي ياتي فبل الكربيرتير و هو شفاف...

الف شكر........

**samirayad** · 01-08-2009 05:15 PM

الطلمبة هي مضحة البنزين

نعم

الفلتر الذي ياتي فبل الكربيرتير و هو شفاف

نعم ....ولو لقيت لونه غامق ....غيره .....وأن شاء الله حيكون هو السبب ....وكل أمورك تمام

الموضوع: عمليات ضبط المغذى (الكربوراتير )

LinkBack

أدوات الموضوع

عرض

-

-

-

المواضيع المتشابهه

سيناء مقبلة علي عمليات ارهابية

عمليات حسابية معقدة

عمليات سحب جديدة لهوندا

عمليات اصلاح للكورولا 93-97

وقف عمليات تخريد التاكسي القديم

الكلمات الدلالية لهذا الموضوع

المفضلات

المفضلات

ضوابط المشاركة