أولا أحب أشكر كل أعضاء المنتدى علي مجهودهم اللي من خلاله عرفت البروتون برغم أني مكنتش سمعت عنها خالص و أشكر أ. أيمن على تعبه معانا فى موضوع الخصم الرائع اللى جبهولنا و كمان التليفونات اللى كنت داوشه بيها.
أنا من خلال كلامكم حبيت الجين 2 جدا فبمجرد مالعرض نزل رحت حجزت واحدة فى 6/1 و كان مفروض أستلمها فى أول 7 . وبدأت من أول 7 أسأل فيقولي أ. محسن حتيجى الأسبوع الجاى وأتكرر الموضوع ده 3 مرات فقررت السبت اللى فات أنى أروح المعرض وأقابله و كنت بصراحه شايط منالغيظ و انا داخل فوجئت في وشى بواجا سوداء لسة جيالهم من يومين عجبنى شكلها و دخلت كلمت أ. محسن قاللي لسة كمان أسبوع و أني ممكن أسحب الحجز المهم قولتله عايز أتفرج علي الواجا فعطاني المفاتيح وطلعت اتفرج و بعدين أتصلت بأيمن و قالي أنها عربية كويسة و مفيش عشر دقايق لقيت نفسي بقول لمحسن انا عايز دي الراجل ماصدق (علشان يخلص من دوشتى) و هى ساعتين و لقيت نفسى طالع بيها و أصبحت من ملاك بروتون بس واجا مش جين
غلطتى الوحيدة انى صدقتهم لما قلولي أنهم شيكوا علي كل حاجة و بعد مامشيت لقيت الزجاج الكهربا اللي ورايا مش شغال بس مش مشكلة مش هتبوظ فرحتى بالعربيه برضة
و أخيراٌ أرر شكرى تاني لكل أعضاء المنتدى و خصوصاٌ أ. أيمن ربنا يجازيه كل خير