السلام عليكم وانا باجى ادور العربيه حاسس ان لمبه الزيت تقلت حبتين بتطفى متاخرا شويه على عكس الاول كان بتطفى علطول ياريت لو حد يقدر يفدنى وهل ديه مقدمه لمشكله
عرض للطباعة
السلام عليكم وانا باجى ادور العربيه حاسس ان لمبه الزيت تقلت حبتين بتطفى متاخرا شويه على عكس الاول كان بتطفى علطول ياريت لو حد يقدر يفدنى وهل ديه مقدمه لمشكله
- هو ده فعلا مؤشر عن بداية خلل فى دورة التزييت ........- وده بيتوقف برضه على مدى حرصك على تغيير فلتر الزيت .....والألتزام بميعاد تغييره هو والزيت ...........- ولو كنت ملتزم بجدول الصيانه (الزيت والفلتر تمام فى ميعادهم ) .....المفروض أنك تسقط الكرتير وتنظف مصفاة طلمبة الزيت كنوع من الأمان ....لضمان رفع ضغط الزيت سريعا فى الدوره كنوع من الأمان والتجربه ....
الحقيقه انا من ساعه مجبتها مغيرتش الفلتر بتاع الزييت لانى اصلا مش لاقيه لان العربيه قطع غيارها نادره وعايز اجيبو من حته معينه وبكسل يعنى تقريبا 5 شهور متغيريش الفلتر خلاف لو القبلى مغيرهوش كمان بس الزيت بغيره علطول طب معلش يا باشمهندس سمير هتعبك معايا الععربيه لسا واحد مريح عليا قبل ميحصل دا علطول وبقيت بسمع صوت المروح كانها بتخبط فى حاجا لما اتنت من التريحا هل دا ممكن يكون السبب ارجو الرد
لا كده ممكن يكون الفلتر السبب .....وطبعا أنا مش عارف العربيه ولا نوعها ....بسبب بشكل عام ....المفروض أى واحد بيشترى عربيه أستعمال ....يغير زيت وفلتر على طول ....وبلاشك الفلتر ليه دور كبير فى تأخير أنطفاء لمبة الزيت .......دا غير أنه بيبوظ الزيت ويخليه ياخد معاه رواسب من الفلتر .....فحاول بقه فى أسرع وقت أنك تغير زيت وفلتر ....وتبدأ قصه جديده مع المكنه ....ده أمان للمكنهاقتباس:
الحقيقه انا من ساعه مجبتها مغيرتش الفلتر بتاع الزييت لانى اصلا مش لاقيه لان العربيه قطع غيارها نادره وعايز اجيبو من حته معينه وبكسل يعنى تقريبا 5 شهور متغيريش الفلتر خلاف لو القبلى مغيرهوش كمان بس الزيت بغيره
لا الموضوع ده ملوش دخل بضغط الزيت ( خلل المراوح يؤثر فقط على حرارة المكنه ) وبرضه خللى كهربائى يكشف على الريش والوضع العام للمراوح ....يمكن يكون فيه حاجه ممكن تتعالج ....لأن صوت التخبيط ده بلاشك مع أهماله ....ممكن يضيع مواتير المراوح على الأقل ( لأنه بيعمل حمل كهربى علي المواتير ويسخنها مع التخبيط )اقتباس:
الععربيه لسا واحد مريح عليا قبل ميحصل دا علطول وبقيت بسمع صوت المروح كانها بتخبط فى حاجا لما اتنت من التريحا هل دا ممكن يكون السبب ارجو الرد
هل يا باشمهندس سمير لو اجلت موضوع الفلتر دا شويه لانى مشغول جدا ايه الضرر الممكن يحصل وياريت تفدنى بالنسبه لفتر البنزين لانى برضه مغيرتوش من ساعتها وهل ليه ضرر
لا معلش ما أنصحكش بتأجيل تغيير الفلتر والزيت كمان ....والمفروض تعمل سيرفس كامل على العربيه بما فيه تغيير السيور ....وبالذات سير الكاتينه ....لأننى أشك أنك مغيرتوش برضه ( وملناش دعوه بكلام البائع للسياره ) عن نفسى لو بشترى مستعمل ولقيت البائع بيقوللى أنا مغير السير أمبارح .....مش حصدقه .....وحغير سير الكاتينه فورا ....طالما معرفوش ( أنما لو أنا عارفه والعربيه كانت تحت عينى على طول .....فده وضع تانى طبعا ) حيكون الوضع مختلف طبعا وممكن أثق فى كلامه ....بدل ما أضيع المكنه (فى حالة عدم معرفة العربيه دى كان نظامها أيه )......وبالنسبه لفلتر البنزين ....نفس الوضع حيتغير معاك مع السيرفيس برضه لتحسين كفاءة دورة البنزين ......( الفلترين دول ) هما روح العربيه ونفس الكلام بالنسبه لفلتر الهواءاقتباس:
هل يا باشمهندس سمير لو اجلت موضوع الفلتر دا شويه لانى مشغول جدا ايه الضرر الممكن يحصل