عايز اروح التوفيقية
انا عند السندباد كدا
ايه اسهل واسرع طريق
وشكرا
عرض للطباعة
عايز اروح التوفيقية
انا عند السندباد كدا
ايه اسهل واسرع طريق
وشكرا
حضرتك تقصد السندباد فى محطة الرمل فى اليكس
حضرتك ممكن تمشى موازى لللترام لحد الشاطبى وتدخل اليمين وبعدين النفق وتكمل لحد ما تطلع الدائرى وتنزل عالطريق السريع شمال وتفضل على طول هتلاقى نفسك عالزراعى وتفضل على طول لحد ما توصل التوفيقية بالسلامة ان شاء الله
اطلع كوبرى اكتوبر وانزل عند رمسيس از غملرة وكمل ف شارع رمسيس وادخل الشارع اللى قدام سنترال رمسيس خلف سينما ريفولى
مفيش نزلة من كوبري أكتوبر عند رمسيس ، وكمان شارع رمسيس اتجاه واحد جاي بس ..
لو مش محتاج العربية معاك .. يعني هاتشتري من التوفيقية حاجة مش محتاجة تتقاس على العربية يبقى أسهل الطرق كالتالي ..
صلاح سالم حتى نفق الأزهر
نفق الأزهر حتى ميدان الأوبرا
اركن العربية في جراج الأوبرا .. وارجع إلى شارع 26 يوليو
عند دار القضاء العالي هتلاقي على يمينك سينما ريفولي
خش الشارع اللي جنبها وكدة بقيت في التوفيقية
لو تفضل كوبري أكتوبر .. هتكمل في الكوبري حتى ميدان رمسيس ثم تنزل أول نزلة بتاعة الترجمان أو المحطة الدولية ..
هتلف وترجع في اتجاه شارع الجلاء
يا تركن في شارع الجلاء وربنا يعينك .. وتخش الشارع المقابل لجريدة الأهرام بجوار مسرح الفن بتاع جلال الشرقاوي ثم تعبر الشارع لتدخل الشارع المقابل مباشرة ..
أما لو محتاج العربية معاك فهتكمل في شارع الجلاء ثم يساراً لتعود إلى شارع رمسيس ، وبعد تقاطع 26 يوليو المزدحم جداً هتخش أول شارع يمين ..
وتوصل بالسلامة
ايه اللخبطة دى
انا مش فاهم حاجة
وطبعا انا عند السندباد اللى فى النزهة !!!
هى كدا تقريبا عند دار القضاء العالى
شكرا
طيب انا في المعادي و هكون جي من الكورنيش و هحتاج العربيه هناك أمشي ازاي
شوف ياباشا صلاح سالم ثم الميرغني يمين ثم خليفه المأمون شمال ثم مسجد جمال عبد الناصر ثم كلية اداب عين شمس بقيت في العباسيه الحمد لله تنزل النفق و تطلع يمين تكمل بقينا في غمره
ماتطلعش كوبري اكتوبر من تحته ناحية الشمال علطول لحد رمسيس و بعدي تحته برده يمين عند باب اللوق تقريبا مش متذكر الاسم اوي هتلاقي شارع واسع شمال لأ الشارع الواسع اللي بعده تخش شمال في شمال لقيت كده في شارع رمسيس هاتمشي شويه هتلاقي سنترال علي شمالك سوف التوفيقيه بقي في الشارع اللي قدام السنترال ناحية اليمين