-
حكايه و طلب رأي
الحكايه ان انا نزلت اقارن بين سيراتو الشكل القديم كامله هاي لاين و النيو سيراتو lx اللي ب 103
المهم رحت عند صاله العرض بتاعت روكسي الراجل بتاع المبيعات اللي هناك معاملته كانت زباله
الراجل كان ناقص يتف علينا اللي انا اعرفه ان بتوع المبيعات المفروض تكون معاملتهم كويسه علشان هياخد
منك فلوس واللي انا اعرفه ان كلامهم كتير ده كنا بنسحب الكلمه منه بالعافيه
يا اما هم استغنوا يا اما كان حاسس ان انا مش هشتري الله اعلم
طلبي بقي هل افضل الاوبشن ولا الشكل مع العلم ان النيو اريح من جوه مش مجرد شكل
وشكرا ليكم انا عارف اني بتقل عليكم بس انا ان شاء الله في حيز التنفيذ كما يقال
-
انا اسف نسيت اكملكم وانا هناك دخل راجل و مراته سال الراجل بتاع المبيعات انا هستلم امتي قاله الsx قاله في نص 8
الراجل غضب وقاله انا حاجز من شهر 4 وقولتولي اخر 6 وبعدين نص7 و اخر 7 والوقتي نص 8 و اول 9 و برضه مش هتسلموني
دي مش شركه صغيره لا والله دي شركه صغيره انا عايز المدير قاله يوم الاحد الصبح المشكله ان بتاع المعرض محاولش يهدي
الراجل ولو بكلمه كل اللي بيعمله انه بيهز راسه ويبتسم
لما سالته علي ال lx قال استلام بعد 4 شهور قولتله يعني انما احجز السنه دي قالي اه و تستلم بعد سنتين
-
القديمة هاي لاين
كماليات اكتر و عربية كويسة ما حدش اشتكى منها
و تدفع و تركب ولا ذل و مرمطة
-
و الله انا كمن شايف كده كمان عشان عوامل الامانو العربيه حلوه اوي مشاء الله
علي فكره انا كمان حصل معايه نفس الموقف من حد من المبيعات في فرع ركسي هو كان اقرع شويه كده و مكتبه في النص
هو هو ولا ده حد تاني
-
الشكل القديم هاى لاين ممتازة
مشكلتها الوحيدة فى سعر اعادة البيع
فلو هى شكلها عاجبك ومش هتفكر على المدى القصير انك تغيرها
توكل على الله
اما بالنسبه للمعامله فى توكيل روكسى
انا عن نفسى رحت هناك مرتين قبل ما احجز العربيه من المعادى
وكانت المعامله زفت فعلا وفى كل مره قابلت واحد شكل ومعاملتهم ما تتخيرش عن بعض زفت زفت
حاجه زباله فعلا
يعنى فى اول مره قولت يمكن هو البنى ادم ده شكله كده
واما رحت تانى لقيت واحد تانى بس نفس النظام برضه
كنت هلغى فكره انى اشترى من الوكيل علشان خاطر الناس دول
بس قولت اديهم فرصه تانيه واروح فرع المعادى والحمد لله حجزت معاهم وهما ناس محترمين فى التعامل فى فرع المعادى
فياريت ما حدش يتعامل مع فرع روكسى خالص
واسف على الاطاله
-
شكرا علي الردود
الحمد لله كنت فاكر العيب فيا
الراجل مكتبه في النص بس مش اقرع
بالنسبه للنيو انا اقدر اجيبها فوري بدل الحجز اصل انا اتعلمت من المنتدي هنا مش معقول اغلط نفس الغلطه اومال احنا بنشارك بعض ليه مش علشان كده
بالنسبه للشكل القديم اللون زهري ايوه زهري الازرق بس انا ميال بصراحه للنيو
شكرا و اسف اني طولت
-
لو محتار 50 و 50 ....ممكن تفكر تاني بس الزهري ده ...يعني بلاش منه (اصل في الوان احلى منه كتير عليها)
انما لو حضرتك ميال للجديدة يبقى هاتها مادام تعرف تجيبها فوري
وربنا يقدملك الخير
-
مادام ميال للنيو سيراتو أكتر
فى زميل فى المنتدى قال انها موجوده عند سمير ريان ب 104
اسأل عنده
-
يا باشا نيو سيراتو مغرقه مدينه نصر!!!!!!!!!!!!!!!!!
-
موجودة عند سمير ريان انا واحد صديقى لسة جايبعا بـ 104000
Content Relevant URLs by
vBSEO 3.6.0 PL2