من داخل مركز السبع للصيانة

**sab3aawy** · 25-07-2009 10:30 AM

اكتب هذة الرسالة حاليا من داخل مركز السبع للصيانة حيث اقوم باجراء صيانة ال 30 ألف للسيارة الصنى
حاولت الحجز من اسبوعين ليوم السبت الماضى لكن لم يكن هناك حجز سوى فى موعد متاخر، وحيث اننى افضل المواعيد المبكرة فقمت بتأجيل الحجز الى اليوم حيث حصلت على موعد التاسعة صباحا

طبعا لسة العربية مخرجتش من الصيانة علشان اقدر اوافيكم بتقرير الصيانة لكن فيه مجموعة من الانطباعات العامة هحكيلكم عليها:
1- مهندس كريم صالح يبدو ان جاءت له فرصة عمل فى احدى الدول العربية وعرفت انه سافر
2- انضم للمجموعة مهندس استقبال بشوش اسمه م حاتم فوزى، وفهمت منه ان لديه خبرة سابقة فى العمل لدى مراكز نيسان
3- واضح ان الضغط بدأ يزيد على مركز السبع لان عدد الموجودين قاعة الانتظار كبير، كما ان المشرفين بالمركز اصبحوا يضعون اهمية كبرى لمسألة الحجز بعد ان كانت مسالة ثانوية فى السابق
4- تتم اعمال تطوير وتوسعة لمنطقة الاستقبال وانتظار العملاء،
5-برغم اننى قمت بالحجز منذ ما يقرب من اسبوعين الا ان موظفة المركز قامت بالأتصال فى فى موعد الحجز لكى تطمئن اننى حصلت على دورى فى تسليم السيارة

هذه هى انطبعاتى حتى هذة اللحظة وسأوافيكم بالمزيد بعد انتهاء الصيانة وتكوين انطباعات عن اداء الصيانة

**sab3aawy** · 27-07-2009 10:26 AM

تم اجراء الصيانة حيث انتهت فى تمام الواحدة ظهرا، العربية اتأخرت جوة شوية بس ده كان بسبب يوم الأجازة ، والحمد لله خرجت بمجموعة انطباعات ايجابية كما هى العادة مع السبع حيث كانت الانطباعات الايجابية اكثر من السلبية
1- اجراء الصيانة ممتاز، وطلبت علمية ترصيص وتبديل لأماكن الطارات تم اجراءها بكفاءه حيث انتهى شعورى بالغربلة نهائيا
2- قام المهندس حاتم بالخروج معى الى مكان السيارة وتسليمى السيارة مع مراجعة كافة الاعمال التى تم اجراءها
3- جميع المتعلقات المتروكة داخل السيارة تم جمعها فى كيس يحمل علامة السبع وتركه دخل شنطة السيارة
اما الانطباع السلبى الوحيد فهو ان عملية النظافة المجانية التى تتم للسيارة لم تكن هذة المرة بكفائة المرات السابقة كما انه لم يتم غسيل المحرك ، لكن ارجع واقول انها مجانية ، بس هم اللى عودونا على هذة المعاملة المتميزة وبالتالى لما بتقل الواحد بيحس ان فيه حاجة ناقصة

**karaktar** · 27-07-2009 12:37 PM

حقيقى مركز السبع من أفضل مراكز الصيانة فى اعتقادى
بصراحة تعاملهم ممتاز وشيك جداً مع العملاء انا مبسوط منهم لأنهم بيحاولو يحلولى كل مشاكلى فى العربية وبيحاولى مايخرجونيش من المركز وانا مدايق
انصح كل من لديه نيسان ان يتعامل مع هذا المركز المحترم
بالمناسبة المهندس كريم سافر دبى واشتغل فى شركة بترول

**حاتم فوزى** · 01-08-2009 02:08 AM

شاكرا لك مهندس سبعاوى لذوقك وتقديرك للمجهود المبذول منتبهين لكل ملاحظاتك وان شاء الله يتم تفاديها فى الزيارات القادمة وشكرا لك أخى karaktar . مالناش عذر اكيد فى تقصيرنا بس عندك حق احنا انشغلنا شوية بالتجديدات والمكان متبهدل شويتين وكمان مش بس كده ده كان وقت ضغط كمان عشان الكشف المجانى . وعلى وعد باهتمام بكل ملاحظاتك وتجنبها فى الزيارات القادمة إن شاء الله

م/حاتم فوزى (محب لك فى الله)

**sheeko00** · 01-08-2009 06:32 PM

وانا كمان ياجماعة كنت هناك من اسبوع السبت اللى فات بالضبط والصيانة تمام وانا كنت بعمل صيانة ال 10000 وهما فعلا عليهم ضغط كبير وكمان دة بسبب الكشف المجانى وانا عملت صيانة ال 10000 وكمان اصريت على الكشف المجانى لان عشان تكشف لازم يكون فغير مواعيد الصيانة بس اللى خدمنى ان انا رايح بدرى وقلتلهم خدو وقتكم انا فاضى مأجز والناس تمام وكمان انا مكنتش مرتاح لزيت شل رغم ان فى اعضاء كتير بتشكر فية بس انا قولت المصنع وكتير من مراكز الخدمة بيستخدمو موبيل والسبع معترضش وجبت الزيت من برة وخصم حقة وغيرلى بموبيل وكشفت على التكييف ودورة الفرامل وزيت الابواب وكشف على الزجاج
والملحوظة الوحيدة نفس ملحوظة الاخ سبعاوى الموتور مش مغسول والزجاج ملحوس من الاسبراى اللى اترش على المجر بتاعت الزجاج وانا عاذر الناس لان الضغط كبير وبعد مخلصت جربت العربية مع موظف الاستقبال واسف على الاطالة

**sheeko00** · 01-08-2009 06:33 PM

ونسيت اقلكم دفعت 88 جنية بس

**Said Elmasry** · 02-08-2009 02:52 PM

الاخ الكريم سبعاوي الف شكر علي كل موضوعاتك سواء في هذا المنتدي اوفي غيره فانا متابع مواضيعك من فتر ه واحب تعليقاتك لانها تتصف بالصدق ومحاوله توصيل المعلومه الصح للناس فربنا يجازيك كل خير ولي سؤال لوسمحت فانا محتار في شراء سياره جديده وانا عندي فورد كا ومحتار بين نيسان ليفينا والجين 2 مع ان فرق السعر كبير بينهم فانا بافضل النيسان كسياره عائليه وابني بيفضل الجين علي اساس ارخص وشبابيه وبها كل الامكانيات ارجو رايك بسرعه لفض الاشتباك وجزاك الله كل خير مع تحياتي لشخصك الكريم وشكرآ