تقرير صيانة ال 5000 للبيكانتو Live من ابو رواش

**kloda** · 26-07-2009 11:34 PM

الف الف مبروك و عقبال الصيانة الجاية
فعلا توكيل كيا محترم جدا و اثبت كفأتة
شكرا علي التقرير

**M.Osman** · 27-07-2009 01:05 AM

ألف مبروك و عقبال الـ100 ألف انشاء الله بدون مشاكل :)

**Hosam_Optrawy** · 27-07-2009 01:42 AM

مبروك على الصيانه

وعقبال ال 100000

**أحمد كمال** · 27-07-2009 01:53 AM

المشاركة الأصلية كتبت بواسطة dr.nemo

كنت عاوز اعرف ازاي اوصل لابو رواش من الطريق الزراعي؟
وفين في ابو رواش؟
وهل هو فيه معرض؟
يعني اقدر احجز من هناك؟

أيوة ده المركز الرئيسي لكيا و هو معرض و مركز صيانة و كل حاجة و ممكن تحجز من هناك

حضرتك اركب الدائري من الزراعي في اتجاه ميدان لبنان (اللي هي اول طلعة لو انت جاي عالدائري من قليوب مش التانية) ......

تمشي مسافة 12 كيلو بالظبط لحد ما توصل لتقاطع الدائري مع المحور هتلاقي منزلين .... الاولاني مكتوب عليه طريق مصر اسكندرية الصحراوي و ستة اكتوبر و التاني مكتوب عليه ميدان لبنان ...... تنزل الاولاني اللي مكتوب عليه الصحراوي .... هتلاقي نفسك عالمحور .... هتمشي كمان 12 كيلو برضه هتلاقي نزلة اسكندرية الصحراوي ...... هتنزل النزلة ...

هتمشي بتاع 3 او 4 كيلو ...... هتلاقي على يمينك الاول بنزينة شل بعدين بنزينة امارات مصر بعدين داندي مول (مول فيه بنوك و محلات و كارفور) .... بعديهم موبيل و أون ذا ران ...... بعد موبيل هتلاقي دخلة يمين و دايما بيبقى عندها بوكس بوليس راكن عالرصيف و يافطة كبييييييييرة فوق مكتوب عليها القرية الذكية بتشاور يمين ...... هتخش يمين و يبقى بوكس البوليس على شمالك و هتلاقي القرية الذكية على شمالك و مدخلها الرئيسي .... تمشي حضرتك مع سور القرية الذكية (حوالي دقيقتين او تلاتة بالعربية) و بعديه هتلاقي دخلة شمال ..... خش شمال مع السور (يعني برضه السور يفضل على شمالك) .... مفيش دقيقتين بالعربية هتلاقي كيا على يمينك

**A.Saad** · 27-07-2009 09:50 AM

المشاركة الأصلية كتبت بواسطة dr.nemo

كنت عاوز اعرف ازاي اوصل لابو رواش من الطريق الزراعي؟
وفين في ابو رواش؟
وهل هو فيه معرض؟
يعني اقدر احجز من هناك؟

\لو حجزت مع موزع معتمد افضل
تقدر تفاصل وتقلل السعر لو عربية حاضرة
لو بالحجز زى النيو سيراتو
بيكون استلام من الموزع اسرع من استلام التوكيل

فيه فرع للتوكيل برده فى روكسى