عرض للطباعة
اتحدث اليكم من الاستراحة فى صيانة كيا فى ابو رواش :verygood:
احلى حاجة بجد ال WiFi ، كنت عارفة انه موجود من قبل ماجى فعملت حسابى و خدت اللابتوب معايا ، كنت حاجزة معاد الساعة 10 ، وصلت الساعة 9 و 50 دقيقة ، تم استلام العربية الساعة 9 و 55 دقيقة ، المركز كويس جدا و النهاردة مش زحمة ، اعدة دلوقتى مستنية العربية تخلص ، و كانت ليا ملحوظات على العربية قلتها لمهندسة الاستقبال ، و هكتب بعد ما العربية تخلص عن انطباعى عن مستوى الصيانة ان شاء الله
شيكى على العربية اما تستلميها وافتحى الكبوت واتاكدى ان اغطية الزيت والقربة وزيت الفرامل مربوطين كويس
والله حاجه محترمة جدا و مركز صيانة محترم و ان شاء الله تخرج من حجرة العمليات بالسلامة و تكون بصحة كويسة ربنا يحفظهالك ان شاء الله (:
فى أنتظار التقرير الشامل عن الصيانة ....
التقرير الشامل عن الصيانة
تكلفة الصيانة 160 جنيه
98 جنيه زيت شل 5000 كيلو
35 جنيه غسيل الموتور بالفوم
25 جنيه فلتر زيت
و المصنعية فى الصيانة الاولى مجانا
الصيانة القادمة عند 10000 كيلو ان شاء الله و بعد كده بتبقى كل 10000 كيلو مع فحص مجانى كل 5000 كيلو
ملحوظاتى على العربية قبل الصيانة :
1- صوت صفارة فى الفرامل ( قلت ممكن يكون تيل الفرامل )
2- الباور بيزيق على السرعات البطيئة ( و مش دايما )
3- صوت زن جاى من ناحية الكنبة على السرعات العالية
طلبت من مهندسة الاستقبال ان يتم فحص الفرامل الامامية والخلفية لانى مكنتش متأكدة الصفارة منين بالظبط ، و قلتلها على بقية الملحوظات طبعا
استلمت العربية الساعة 12 و نص ، مغسولة كويس جدا برة وجوة ، و طلعت بيها و لاحظت الاتى
1- صوت الصفارة اللى فى الفرامل اختفى تماما و الفرامل بقت حساسة جداا و احسن من الاول
2- الموتور صوته بقى اهدى مش عارفة السبب
3- اللى عمل الصيانة رجلش فرامل اليد ، و ده خلاها بتمسك من اول تكتين ، كانت بتمسك على الرابعة قبل كده ، مش عارفة ده كويس و لا وحش ياريت حد يفيدنى
4- صوت الزن اللى من ناحية الكنبة اختفى
5- العربية حسيتها انعم ككل
6- صوت التزييق اللى فى الدركسيون اختفى
المركز كويس جدا جدا ،و كمان اتفرجت على العربيات فى الشو روم ، طبعا الكارينز مكانتش موجودة، و انا اتبسطت جدا من المعاملة و ان زى ما مهندسة الاستقبال قالتلى اول ما دخلنا ( هتستلمى العربية بعد ساعتين و نص ) فعلا استلمتها بعد ساعتين و نص ، العربية ادائها اتحسن بعد الصيانة و فعلا حسيت بفرق و كل المشاكل اللى كانت موجودة فيها اتحلت الحمد لله
فعلا توكيل محترم و بيأكدولى انى اخترت صح .
ريجلاش فرامل اليد بيتعمل في كل صيانة عشان هي بطبيعتها بترتخي ........ لان الاول كان ممكن تتنسي و تمشي بيها مرفوعة و العربية كانت هتمشي معاكي ..... او تبقي شادة الهاند بريك و حد يزق لك العربية تتزق معاه عادي بس دلوقتي صعب جدا العربية تتحرك
مبروك يا فندم و عقبال صيانات الـ60 الف و العربية بخير
نفس السيناريو المحترم بيتكرر في الصيانات
توكيل كيا اثبت اعتماديته و كل الاتجاه حاليا الى موديلاد كيا الجديدة نظرا لسهولة التعامل مع التوكيل
الف مبروك الصيانة و دايما توكيل كيا يكون قد المسؤولية باذن الله
مبروك عليكي العربيه وربنا يباركلك فيها ويا رب دايما التوكيل كده يبقي اد المسئوليه
عبقالنا كده يا رب في توكيل محترم ::d:d:d:d:d
كنت عاوز اعرف ازاي اوصل لابو رواش من الطريق الزراعي؟
وفين في ابو رواش؟
وهل هو فيه معرض؟
يعني اقدر احجز من هناك؟
الف الف مبروك و عقبال الصيانة الجاية
فعلا توكيل كيا محترم جدا و اثبت كفأتة
شكرا علي التقرير
ألف مبروك و عقبال الـ100 ألف انشاء الله بدون مشاكل :)
مبروك على الصيانه
وعقبال ال 100000
أيوة ده المركز الرئيسي لكيا و هو معرض و مركز صيانة و كل حاجة و ممكن تحجز من هناكاقتباس:
المشاركة الأصلية كتبت بواسطة dr.nemo
حضرتك اركب الدائري من الزراعي في اتجاه ميدان لبنان (اللي هي اول طلعة لو انت جاي عالدائري من قليوب مش التانية) ......
تمشي مسافة 12 كيلو بالظبط لحد ما توصل لتقاطع الدائري مع المحور هتلاقي منزلين .... الاولاني مكتوب عليه طريق مصر اسكندرية الصحراوي و ستة اكتوبر و التاني مكتوب عليه ميدان لبنان ...... تنزل الاولاني اللي مكتوب عليه الصحراوي .... هتلاقي نفسك عالمحور .... هتمشي كمان 12 كيلو برضه هتلاقي نزلة اسكندرية الصحراوي ...... هتنزل النزلة ...
هتمشي بتاع 3 او 4 كيلو ...... هتلاقي على يمينك الاول بنزينة شل بعدين بنزينة امارات مصر بعدين داندي مول (مول فيه بنوك و محلات و كارفور) .... بعديهم موبيل و أون ذا ران ...... بعد موبيل هتلاقي دخلة يمين و دايما بيبقى عندها بوكس بوليس راكن عالرصيف و يافطة كبييييييييرة فوق مكتوب عليها القرية الذكية بتشاور يمين ...... هتخش يمين و يبقى بوكس البوليس على شمالك و هتلاقي القرية الذكية على شمالك و مدخلها الرئيسي .... تمشي حضرتك مع سور القرية الذكية (حوالي دقيقتين او تلاتة بالعربية) و بعديه هتلاقي دخلة شمال ..... خش شمال مع السور (يعني برضه السور يفضل على شمالك) .... مفيش دقيقتين بالعربية هتلاقي كيا على يمينك
مبررررررررررروك وعقبال صيانة ال 100 الف
\لو حجزت مع موزع معتمد افضلاقتباس:
المشاركة الأصلية كتبت بواسطة dr.nemo
تقدر تفاصل وتقلل السعر لو عربية حاضرة
لو بالحجز زى النيو سيراتو
بيكون استلام من الموزع اسرع من استلام التوكيل
فيه فرع للتوكيل برده فى روكسى
الله يبارك فيكو شكرا على الردود :biggrin24: