حدود سعرها كام .. انا من بورسعيد وعايز اشتري احد الموديللين دول .. و فين الاقي حد يكون بيبيعها ...هل سوق الجمعه ... ريت حد يساعدني
عرض للطباعة
حدود سعرها كام .. انا من بورسعيد وعايز اشتري احد الموديللين دول .. و فين الاقي حد يكون بيبيعها ...هل سوق الجمعه ... ريت حد يساعدني
الموديل اللى بتتكلم عنه دا اسمه "مكواه" وهو من 2001 حتى 2003
والسعر فيهم بيبدا من 55 حتى 70 الف حسب الحاله والكماليات
الحاله : مثال (فبريكه بره وجوه - فبريكه جوه ورشا بره - مشاكل فى حجات معينه بالعربيه .. وهكذا)
الكماليات : مثال (فل اوبشن ولا نصف اوبشن - فيها جنوط اسبور ولا لاء - منوال او اوتماتك - فتحه سقف او من غير .. وهكذا)
بالنسبه لمكان الشراء فالاسرع هو سوق الجمعه بمدينة نصر
نصائح فى سوق الجمعه :
حرص من المزورين والحراميه لازم يكون بجانبك حد فاهم يكشف على الورق بتاع العربيه والعربيه نفسها علشان لو فيها عيوب
للمعلومه محدش فى سوق الجمعه بيوافق ان العربيه تطلع تتفحص فى اى توكيل او مراكز صيانه ودا مش علشان فيها عيوب ولكن لعدم تعطيله عن بيع العربيه لان ممكن بعد اللفه دى يختلف فى السعر ويضيع عليه اليوم
لذلك لازم يكون معاك سمكرى على خبره كبيره بالعربيات يشوف العربيه ويكشف عليها بنفسه
وفى النهايه ربنا يوفقك ان شاء الله
70 مين يا عم انت عايش من زمان
دي نمرة واحد منها تعمل 60 61 بالكتير و هتلاقيها في حدود 58 كده حلو أوي عليها
ليه بس كده
بلاش عنف :shine[1]:
انا عربيتي متباعة بـ63 الف من شهرين و كانت مغيرة رفرف و اكصدام و ماشية 135 الف
و اللي خدها عارف كده ..
و كانت جايبالي السبعين قبل الخبطة ..بس كان من زمان فعلا
يعني نمرة واحد تعملها دلوقتي 66 - 67 الف
بس في حالات شاذة ممكن تعمل السبعين مستريح
اصل العربية دي فيها شئ لله :ma:
أنا كنت فى الاول برضه لما سمعت الاسعار دى وقبل مجربها كنت مزهول وقلت ازاى عربيه من 2001 و 2003 تبقى عامله السعر دا دا البومه بتبقى ارخصاقتباس:
ليه بس كده
بلاش عنف http://www.nilemotors.net/nile/image...ine%5b1%5d.gif
انا عربيتي متباعة بـ63 الف من شهرين و كانت مغيرة رفرف و اكصدام و ماشية 135 الف
و اللي خدها عارف كده ..
و كانت جايبالي السبعين قبل الخبطة ..بس كان من زمان فعلا
يعني نمرة واحد تعملها دلوقتي 66 - 67 الف
بس في حالات شاذة ممكن تعمل السبعين مستريح
اصل العربية دي فيها شئ لله :ma:
ولكن عرفت بعد كدا انها فعلا دا سعرها وانا لما حطيت الرنج حطيت الحد الادنى للحد الاعلى مش معنى كلامى ان كل العربيات هتبقى ب 70 الف :] وفعلا ال 70 الف لحاله شاذه للسياره مش هتلاقيه الا نادرا جدا
وبعد مشتريتها فعلا عرفت زى مقالوا الناس عليها انها افضل من البومه 2008 وحتا وعن تجربه
العربيه فعلا افضل موديل فى اللانسر كله نزل حتى الآن
وميز العربيه انها مش منتشره كتير
العربيات دية لو فابريقة بالكامل و موديل 2003 و اتوماتيك بيطلب فيها من 58 ل 60 في السوق و من تجار كمان و تلاقي في العربية توكيلين و ثلاثة
السعر العادل للعربية دية اليومين دول في القاهرة هنا بميزدش ابدا عن 55 -56 بس المهم تلاقي العربية نفسها لانها نادرة شوية و لو فعلا بتعمل 60 او 70 زي ما حضرتك بتقول كنت جبت كورولا 2004 ب70 احسن او بومة 1300 موديل 2007 و كفاية فرق الموديل
و خلي بالك العربية دية فعلا ممكن تجيب ال60 في بعض المحافظات زي المنصورة و دمياط لانها مطلوبة جدا جدا هناك زي عربيات كثير تلاقي سعرها قليل في القاهرة و عالي هناك زي كورولا الملكة او بيجو 504
عندنا تويوتا 2002
بعناها بـ73 الف و نص
للاسف ياباشا شكل معلوماتك مش أد كدا فى العربيه دىاقتباس:
العربيات دية لو فابريقة بالكامل و موديل 2003 و اتوماتيك بيطلب فيها من 58 ل 60 في السوق و من تجار كمان و تلاقي في العربية توكيلين و ثلاثة
السعر العادل للعربية دية اليومين دول في القاهرة هنا بميزدش ابدا عن 55 -56 بس المهم تلاقي العربية نفسها لانها نادرة شوية و لو فعلا بتعمل 60 او 70 زي ما حضرتك بتقول كنت جبت كورولا 2004 ب70 احسن او بومة 1300 موديل 2007 و كفاية فرق الموديل
و خلي بالك العربية دية فعلا ممكن تجيب ال60 في بعض المحافظات زي المنصورة و دمياط لانها مطلوبة جدا جدا هناك زي عربيات كثير تلاقي سعرها قليل في القاهرة و عالي هناك زي كورولا الملكة او بيجو 504
العربيه زى مبقولك فى ردى السابق سعرها من 55 حد ادنى حتى 70 الف :] فى مصر كلها مش المنصوره ولا دمياط بس
كلامى متأكد من خبره 3 شهور لف ودوران على عربيات فى السوق حتى وقتنا هذا من اسبوعين تقريبا انتهت رحلتى فى اللف والدوران واشتريت الموديل دا
روح سوق الجمعه وشوف اسعار العربيه دى عامله كام وقلى :) ولو عندك زى مبتقول
"""العربيات دية لو فابريقة بالكامل و موديل 2003 و اتوماتيك بيطلب فيها من 58 ل 60 في السوق و من تجار كمان و تلاقي في العربية توكيلين و ثلاثة"""
قولى هنا فى الموضوع وليك 1000 جنيه عمولتك لان فيه ناس كتير معارفى عايزين الموديل دا
انا بعد مشتريت العربيه فى خلال اسبوع من بعد الشراء اتعرض عليا 3 بيعات ليها أعلى من اللى دفعته كتير وموافقتش
مع احترامى لحضرتك مفيش كرولا 2004 بالسعر اللى قولته دا الا لو عربيه تعبانه ولو شوفت ردود الناس اللى فى الموضوع لكنت عرفت الاسعار
الاخ Ahmed Samy لسه قايل انه باع عربيته من شهرين فقط ب 63 الف رشا اكصدام ومغيره رفرف مابالك لو كان فبريكه بالكامل وعامله عداد قليل
وفعلا ممكن ناس تفكر تقول اشترى نوع تانى افضل هى تعدد ازواق واراء لكن فيه نوعيه من الناس ركيبه بمزاج يعنى مفيش غير اللانسر فى دماغهم والنوعيه دى كتير جدا مش قليله
غير كما ذكرت قبل كدا ان الموديل دا المكواه محبوبه كثيرا عن البوما وملهاش مشاكل اطلاقا زى البومه ويكفى انها تقفيل يبانى 100% عكس البومه تقريبا من اول الموديل 2004 او 2005 بدا يبقى تقفيله مصرى
وفى النهايه هيه دى مصر اسعار العربيات غاليه ومبالغ فيها بشكل بشع عن اى دوله فى العالم وربنا ييسر الحال
لو جاد في موضوع العمولة دة ابعتلي نمرة تليفونك و انا اجيبلك واحدة فابريقة بالكامل سوداء على 58 الف و دة السعر اللي صاحبها ماسك فية بدل ما نقعد نتكلم و خلاص و انت اشتريها غالية براحتك
و واضح فعلا اني معنديش اي معلومات عن الاسعار في العربيات :majd(4)::majd(4):
لدرجة اني معرفش مكان السوق:36_1_31:
تقريبا الواحد عايش في حتة تانية غير اللي انتوا بتكلموا فيها
على العموم انا نصحت اللي عايز يشتري عشان بعد كدة عشان ميحسش انة اشتراها غالية و اللي نفسة يشتري مكوة على 58 او 60 و موافق بالسعر دة ينزل السوق و هيشتري في ثواني