-
وش الفانوس الخلفى!!
واحد ربنا يسامحه معندوش ضمير ماشى منغير فرامل, بعد ما خبطنى طلعنا من نهر الطريق نبص على الخبطه كان هيخبطنى تانى و احنا بنقف معوش فرامل خالص, ربنا يهديه, خبطلى الفانوس الخلفى, و حته من الشنطه, و الحمد لله الوش بس الى اتكسر.
كنت عايز اعرف بقى ممكن اجيب الوش لواحده, لو ممكن اجيبه منين و بكام؟!
و الشنطه صوت التكه بتاعتها و هى بتفتح بقى عالى قوى و مبتقفلش غير لما تترزع بس القفل بتاعها سليم مش عارف المشكله فين؟!
شكراا
-
للاسف حضرتك مش هتلاقى وش الفانوس لوحده لازم تشترى فانوس كامل على بعضه .. فيه نوع اسمه debo ده تايوانى بس ممتاز جدااا هتلاقى تقريبا الفانوس الخلفى ب 150 او 170 جنيه مش فاكر بالضبط..
بالنسبه للشنطه ممكن حضرتك تروح لاى حد سمكرى يضبطهالك هتلاقى من الخبطه القفل بتاعها مش مضبوط هيدق عليه دقتين تلاته هيتظبط ان شاء الله
-
الوش موجود وبيتباع و 40ج بس اوعى تشتريه اختراع فاشل جدا وبالذات لو شفاف
زى ما قالك الاستاذ / احمد
اشترى فانوس دييبو وابعد عن الصينى بس هاتتعب شويه على ماتلاقيه لانه قليل شويه فى الوقت الحالى وسعره مش هايقل عن 180ج
بالنسبه للشنطه اى حد بتاع ظبط ابواب هايرجعها زى الاول ومش هايكلفك 10ج
-
الف شكر يا جماعه, انا فعلا سالت فى الحرفيين و لقيت ان الوش بيتصب او بيتجاب جاهز بس الراجل قلى انو فعلان فاشل و بيصفر بعدين, ولقيت التيواني فعلان فى حدود 150 180 جنيه, بس انا عندى فكره كده و مش عارف تنفع ولا ايه, اصل الفانوس مكسور منو حته صغيره كده بتاع 2 سم * 5 سم و الباقى كله سليم معده اللمبه الى اتحرقت, مينفعش الزق الحته الى اتكسرت فى الوش بالامير, و بعد كده افيم الفانوسين بدرجه فيميه خفيفه, ياترى ينفع الحوار ده ولا شكلها هيبان او مش هتنفع اصلا؟!
-
بص لو الفانوس لونه احمر من غير ماتلزق حاجه فيم حته على الاد وخلاص لو شفاف فيمه كله احمر او اسود
انا عندى فى كسر صغير فى الفانوس فيمته ومش باين اى حاجه والاهم بقا ان الفاميه هايحميه من المياه والتراب اللى هايخلوا الفانوس يصفر
بص فى الصوره كده
http://www6.0zz0.com/2009/07/26/11/626754962.jpg
-
الف شكر لاهتمام حضرتك, ربنا يباركلك.
هو للاسف شفاف, تفتكر حضرتك لو فيمت محتاج افيم بفيميه درجه كام علشان ميبانش!؟, انا عايزه فيميه خفيف بقدر الامكان علشان الاشارات تبقى واضحه.
http://i26.tinypic.com/2ho8swh.jpg
http://tinypic.com/r/2ho8swh/3
-
انا كمان بتاعى شفاف
فيمه احمر او عسلى ومش لازم تلزق الحته المكسوره
لو عملتهم بنفسك مش هايكلفوك فير ثمن الفاميه ولو حد بتاع اكسسوار هايكلف 20ج للفانوسين
-
مش عارف اشكر حضرتك ازاى, ربنا يكرمك.
-
طيب لو جه يغسل العربية فى بنزينة ضغط مسدس رش المياه ميقطعش الفاميه
؟؟؟؟؟؟؟؟؟؟؟؟؟؟
-
Content Relevant URLs by
vBSEO 3.6.0 PL2