عقلك وحسباتك (العلم) ولا رأى الميكانيكى (الخبرة) ؟؟؟؟

**Morieno** · 25-07-2009 02:57 PM

كل الناس الصغير قبل الكبير عارف ان النوبيرا فيها مميزات زياده عن اللانوس
(دا مش معناه انها اسوأ من النوبيرا ولكن فى شوية مميزات زياده فى النوبيرا )
المميزات دى زى:
- اوسع
- أفخم
- اقوى
- بتاعت سفر اكتر
- فول اوبشن
وحاجات تانيه كتير

طيب لما كلنا مقتنعين وفاهمين كدا كويس ليه بقى لما تيجى تشترى تلاقى حاجه غريبه جدا جدا انا شخصيا باعتبر الموضوع دا من النوادر
- السعر مايفرقش 2000 جنيه مثلا
- كل الخبرا "اللى مش معاهم نوبيرا" ينصحوك باللانوس
- تروح للميكانيكى بتاعك يقلك لالالالالالالالالا ابعد عن النوبيرا وكأنها بعبع وخليك فى اللانوس

طيب انت دلوقتى بتقعد تحسبها بدماغك والمنطق والعلم تلاقى النوبيرا افضل
تسمع كلام الناس والسوق والميكانيكى تلاقى اللانوس

قلى انت هتسمع كلام مين
عقلك وحسباتك (العلم) ولا رأى الميكانيكى (الخبرة) ؟؟؟؟
(العلم أم الخبره)

**khalid9411** · 25-07-2009 09:17 PM

بس الفول اوبشن فى الاتنين لانوس ونوبيرا وكلامك صح مش عرفين نعمل ايه منتظرين الرد

**KoDaK_Gti** · 26-07-2009 01:53 AM

بص معايا لانوس ونوبيرا

فرق كبير جدا بينهم
فى الصالون والموتور والحجم والثبات والباور وخامات التابلوه والكماليات (دلوقتى اللانوس بقت كاملة )
كله لصالح النوبيرا

وفعلا كلامك صح النوبيرا مظلومة فى السوق

اللى وقع سعر النوبيرا كدا هى مشاكل الفتيس الاتوماتك والناس كلها خدت فكرة وحشة عنها بسببه
ولو بصيت فى السوق هتلاقى النوبيرا الاتوماتك سعرها اقل من المانوال ومحدش بيرضى يشتريها

لكن اركب العربية وجربها وشوف وهتلاقيها تستاهل تمنها واكتر كمان

**faron525** · 26-07-2009 01:58 AM

احنا عندنا في مصر حاجات كتير لا تخضع لاي مقاييس متعارف عليها عالميا ومن ضمنها الموضوع ده ومش عارف احنا ريحين علي فين ربنا يسترها

**Morieno** · 26-07-2009 11:20 AM

راكبها وعارفها والله وبحبها جدا ونفسى اشتريها وبعتبرها احسن عربيه فى فئه العربيات حتى 90.000 جنيه

بس انا لما عملت الموضوع لانى الحوار دا تعبنى جدا ان بجد مش فاهم ليه الناس بتعمل كدا
اللانوس جميله جدا بس...
بس ايه المنطق فى ان النوبيرا تفرق 2000 جنيه بس عن اللانوس
ياريت لو حد بيفهم يقولنا ايه الهبل دا
لو الاتوماتيك السبب نشتريها مانيوال
لو المشكله فى العفشه هما مفصين اسبانى بـ 300 جنيه وقضيت على كدا

يالا ما علينا جت على دى ما هو مافيش حاجه ليها منطق فى البلد دى ولا في حاجه يحكمها قانون

**MMamdouh** · 26-07-2009 12:38 PM

السوق عرض و طلب يا رجالة و لولا كدة كانت ال 128 و البيجو ال 504 بقت بربع جنية

اللانوس مطلوبة عن النوبيرا بالتالى فى المستعمل تلاقى اللانوس قريبة من النوبيرا على الرغم من ان النوبيرا فئة اعلى... مش معنى ان الفرق قريب ان العربيتين زى بعض... النوبيرا قد اللانوس مرة و نص فى كل حاجة تقريبا بس عشان السوق مايل ناحية اللانوس فا سعر اللانوس شادد

كمان قصص الفتيس الاوتوماتك مفطسة النوبيرا الاوتوماتك خالص على الرغم من ان فيه اعضاء كتير هنا بيقولوا ان الفتيس شغال زى الفل من 18 سنة فاتت...

مصر سوق غير اى حتة... الناس بتعمل تمن لحاجات متساويش و تفطس حاجات تسوى دهب فا تمن العربية فى سوق المستعمل مش مقياس لجودتها خاااالص

MMamdouh

**Badrawy** · 26-07-2009 01:12 PM

بص يا مان انا دايما كنت فاكر انه الفرق بين النوبيرا واللانوس حاجه واحده انه النوبيرا اوسع وكنت بفكر انه ده ميزه وعيب علشان موضوع الركنه والعربية كبيره وكده لان انا كان معايا 128 كنت بركنها فى اي مكان

وقلت لو الفرق بينهم 2000 جنيه انا اولي بيهم وكده طالما مفيش الا الفرق ده

لكن لما ركبت النوبيرا وجربتها اتأكدت ان الفرق يستحق وانه النوبيرا حاجه واللانوس حاجه

**Morieno** · 26-07-2009 02:16 PM

طيب بما ان المنتدى دا من اكبر منتدى للعربيات فى مصر ... يعنى لازم يكون لينا دور فى تعديل شوية مفاهيم من دول ... المهم انا مش عارف ازاى نعمل كدا
فياريت اى حد عنده اقتراح يدخل ويقوله

**MMamdouh** · 26-07-2009 02:30 PM

المطلوب صعب لان مجتمع نايل موتورز اصغر بكتير جدا من السوق

MMamdouh

-

مشاهدة نتائج الإستطلاع: عقلك وحسباتك (العلم) ولا رأى الميكانيكى (الخبرة) ؟؟؟؟

الموضوع: عقلك وحسباتك (العلم) ولا رأى الميكانيكى (الخبرة) ؟؟؟؟

LinkBack

أدوات الموضوع

عرض

عقلك وحسباتك (العلم) ولا رأى الميكانيكى (الخبرة) ؟؟؟؟ - انشر الموضوع فى :

-

-

-

-

-

-

-

المواضيع المتشابهه

ادييييينى عقلك !! ههههههه

أدينى عقلك

المرور وادينى عقلك

كم عمر عقلك الحقيقي ؟؟

عن العلم وشبه العلم...مقال للدكتور احمد خالد توفيق وتعليق من سبعاوى

الكلمات الدلالية لهذا الموضوع

المفضلات

المفضلات

ضوابط المشاركة