شوفوا ازاى انقطع مشترك البنزين فالاسبرانزا تيجو؟؟؟؟؟؟؟

السلام عليكم ورحمة الله وبركاته

هحكى الموقف عشان بس مالكى التيجو ياخدوا بالهم --- ماشى ع الصحراوى دوست على كاوتش عادى جدا لقيت العربيه مرة واحده وقفت ولمبة تنك البنزين نورت على اساس انه فى تسريب فالبنزين --- نزلت بصيت لقيت خرطوم ومشترك البنزين اتقطموااااااااااااااااااا ااااااااا----------- طبعا بقه الكلام ده الفجر ومعايا ناس وكان يوم وروحتهم فعربيه واستنيت تول تراك جه رفع العربيه وخد ماشاااااااااااااا ءالله فلوس
اللى عاوز افهمه --مفيش اى وسيلة امان لحمايية شىء مهم وحساس جدا زى ده فالعربيه وسيبينه ملطش كده
بجد يعنى والله مش عارف اقول ايه ---حسبى الله ونعم الوكيل بجد

ده عيب تصميم مش عيب صناعة لأن المفروض حاجة زى دى تكون محمية أو تكون داخل جسم العربية
عموما جت سليمة و أى عربية بيبقى فيها فى تصميمها حاجات تعل كده و أنا شاء الله مينكونش فى فصول بايخة تانى

والمفروض إن التيجو 4×4 ومعمول حساب إن تصطدم بعوائق أو تتعامل مع طرق وعرة

المشكلة دى حصلت فى 2000سى سى ولا 1600
هل تم مناقشة المشكلة مع التوكيل لانها فى غاية الخطورة وممكن تؤدى لكارثة

نرجو من aboomarr افادتنا بتفسير التوكيل للحادث

لاحول ولا قوه الا بالله
للدرجه دي الناس دي مش فارقه معاهم ارواح البشر
حركه زي دي ممكن تعمل كارثه

الموضوع ولو انه مؤذي صحيح

بس بسيط و ممكن تلافيه بسهوله برفع المشترك أو اضافة حماية سفلية

ياريت تبلغ التوكيل عن اللي حصل

الصراحة أنا مصدوم إني أسمع ده في عربية زي التيجو

أنا كنت بافكر أشتريها في يوم من الأيام...

وقلت الحمد لله الصيني رخيص خللي الغلابة يفرحوا .... بس يافرحة ماتمت

أنا مش عاوز كل اللي راكب إسبرانزا يزعل مني بس لازم يكون ليكم وقفة مع التوكيل ده

زي العيب اللي رفض يغير العربية علشانه والمحكمة قضت بغرامة 100000 جنيه علي إبن حسام أبو الفتوح وزيهم علي مدير خدمة ما بعد البيع عنده

وعقبال ماكل الناس ياخدوا حقهم لأنهم بيكونوا دافعين اللي وراهم واللي قدامهم لأصحاب التوكيلات دي والتوكيل مكمل عليهم في الصيانة بعد كده

واللي خوفني منها الشركة نفسها لأني قريت من الزملاء في نايل موتورز عن عيوب قاتلة مثل اللي حصل معاك ولكن في حاجات أشنع في السيارة a516

للأسف دي كده تخوف جدا من ركوبها ربنا يستر علي كل اللي راكب إسبرانزا

حاجة بسيطة و الله أعلم باللي صاحب العربية مشي عليه
كانت حصلت مع أخويا باللانسر القديمة و ماقلناش عربية وحشة ولا رفعنا قضية علي التوكيل و الحمد لله

ممكن اعرف ظروف الحادث وكاوتش ايه اللى دوست عليه ده كاوتش ايه بالضبط اللى يوصل لارتفاع 29 سم من سطح الارض

السلام عليكم ورحمة الله وبركاته

شكرا لكل اللى رد يا جماعه --

اولا العيب ده واضح انه تصميم مش صناعه وده حصل معايا فتيجو 2000 سى سى اوتامتيك فتحة سقف --والعربيه لحد دلوقتى فالتوكيل لان بيجيبوا ماسورة بنزين جديده --التوكيل على علم بالمشكله دى ومهندس متابع معايا وسالته ايه حل المشكله دى لانى معرض امشى على اى حاجه عاليه وادوس عليها وممكن تحصل كارثه قاللى 3 ايام وهرد عليك

انا صاحب العربيه على فكرة وانا اللى كنت سايق وكل اللى حصل دوست على كاوتش مقطوع من عربيه كاوتش عادى جدا مش يعنى دوست على حديد ولا حاجه جامده ابدا والله بس المشكله بجد عاوزة حل جزرى

حد يعرف اعمل تقرير فنى عن اللى حصل ازاى ؟؟؟؟؟؟؟؟ ضرورى حد يفيدنى يا جماعه

ومحدش قال العربيه وحشه بالعكس بس بنقول كان ممكن تحصل كارثه ولازم يبقى فيه امان اكتر فعربيه تمنها 106 الف

واللى وصل الكاوتش للارتفاع ده تقريبا دوست على طرف الكاوتش

عموما بجد انا عندى النيه للبيع لانى اتقفلت مش عارف ليه والعربيه مش وحشه ولو حد عنده نيه للشراء ممكن يقولى والعربيه عامله 7 الاف كيلو وزيرو بحالتها وفعلا مش وحشه بس فعلا اتقفلت وهرجع تانى لاختيارى الاول وهوا التريوس

وربنا يوفق الجميييييييييييع

اولا العيب ده واضح انه تصميم مش صناعه وده حصل معايا فتيجو 2000 سى سى اوتامتيك فتحة سقف

الموضوع دا غريب جدا, فكيف يكون هناك عيب صناغة والسيارة تباع الان في اوروبا؟؟؟؟؟؟؟؟!!!!!!!!!!





DR Motor shows re-badged Chery cars in Geneva

Published: 05 Mar 2009 18:09:23 PST
http://img.alibaba.com/img/news/10/0...kyard1_340.jpgShanghai, March 5 (Gasgoo.com) The European importer of China's Chery vehicles showcased 18 re-badged Cherycars at the Geneva Motor Show (Switzerland), Beijing Times reported Thursday.
The DR1 car displayed at the show is a re-badged Chery Faira NN powered by Chery's self-developed 1.3-liter ACTECO engine, which can run on petrol (83 hp) or LPG (78 hp). Max speed is 156 km/h. Chery Tiggo SUV, re-titled as DR5 and Chery QQ cars were also displayed at the show.
DR Motor is a subsidiary of DR Automobiles Groupe, which sells about 8,000 vehicles a year in Italy and has annual revenues of about €250 million.
Since November 2007, DR Motor has been producing a version of the Chery Tiggo medium SUV from kits shipped from China. The cars are assembled at a factory in Macchia d'Isernia, Italy. The plant has capacity to produce 12,000 units a year. DR Motor sells the SUV as the DR5 in Italy.
DR Motor said it would uprate the models for local requirements. The company plans to begin selling DR1 in Europe by mid-2009 and expects to sell 10,000 units of the model a year by 2010.

أعتقد أن أبو الفتوح لو قال أن المكونات اللى بيجمع منها ال Tiggo جايبها من إيطاليا محدش هيبقى عنده مشكلة مع الTiggo (بالرغم أن المكونات الى بتتجمع فى إيطاليا جايه من الصين) و ياسلام لو حد قال أن العربية بتتجمع فى ألمانيا الناس هنا هتقول فيها قصايد شعر و عجبى!!!!!!

هشام --ترومان -- انا مش متحامل ع العربيه خالص واللله وعلى فكرة المفروض ان اشكر فالعربيه لانها معايا حتى على اساس انى لما ابيعها تجيب تمن وانا مش بقول انها وحشه والله ابدا بس حط نفسك مكانى وانت معاك اسرة ووش الفجر وعلى طريق الساحل ويحصل معاك كده وسببب زى ده يوقف العربيه؟
طبعا قدر الله وماشاء فعل بس انا مفيش عربيه ركبتها عملت معايا كده قبل كده وربنا يستر من اللى جى

اية الاخبار...هل مهندس التوكيل رد عليك ولا لأ؟؟؟؟
هل المشكلة موجودة فى كل العربيات وفى 2000 والا فى 1600 كمان

يا جماعة المفروض لو فيه عيب فنى التوكيل يتعامل معها بصراحة مين احسن من مرسيدس لسه سحب موديل جديد من السوق بسبب عيب فنى ده مش عيب العيب هوا ان التوكيل يخبى الموضوع

انا باكد ان الناس اللى حصل معاها المشكلة تبعت على ايميل حماية المستهلك رسالة توضح المشكلة علشان الموضوع يتحرك شوية. لو حصل كدة معايا كنت على الاقل خاطبت جهاز حماية المستهلك علشان اساعد الناس اللى نوايا تشترى العربية
ولو فى حد من الاخوة عندة فكرة عن تصليح العيب دة ممكن يفيدنا

are you sure there is a real defect in the car in the first place?!!!!................don't you think that if there was a defect then many other cars would have had the same problem not just one owner?!!!!!!!

هل حصلت المشكلة مع اى من مالكى التيجو فى المنتدى؟؟؟؟؟

عربيتى 1600 حصل معايا نفس المقلب فى طريق سفر لما طارت زلطة من سيارة أمامى وضربت هذا المشترك الضعيف الراكب على الفلتر تحت العربية ونزل كل البنزين على الأرض.
فكيت المشترك دة ورحت التوكيل لشراء غيرة وكان الرد " مش موجود " طيب أعمل ايه العربية تتركن علشان سبب زى ده ؟؟ قالوا ماعندناش نعمللك ايه ....
عمار يابو الفتوح

معلش الحمد لله انها جت على قد كدة بس حاول تشوف المشترك ده بره وماتركنش العربية في التوكيل وماتعطلش نفسك

يا باشا اغلب العربيات الفلاتر بتاعت البنزين محطوطة ف الهواء الطلق كدة عادى جمب التنك و لو حضرتك رفعت العربية هتلاقية واضح
و مثال البوما و الجولف و السيفيا و كل اليونداى و كل الدايو و اكيد كل الكيا
انا بتكلم على العربيات الى انا متأكد منهم و نزلت تحتيهم اكتر من مرة ..

اقتباس:

---

المشاركة الأصلية كتبت بواسطة alby

عربيتى 1600 حصل معايا نفس المقلب فى طريق سفر لما طارت زلطة من سيارة أمامى وضربت هذا المشترك الضعيف الراكب على الفلتر تحت العربية ونزل كل البنزين على الأرض.
فكيت المشترك دة ورحت التوكيل لشراء غيرة وكان الرد " مش موجود " طيب أعمل ايه العربية تتركن علشان سبب زى ده ؟؟ قالوا ماعندناش نعمللك ايه ....
عمار يابو الفتوح

---

ايه حكاية الاعصاء اللي لهم مساركة وحيدة خبط في التيجو هرب

اقتباس:

---

المشاركة الأصلية كتبت بواسطة hegazio

ايه حكاية الاعصاء اللي لهم مساركة وحيدة خبط في التيجو هرب

---

اعمل ولا كأنك شايف حاجة .....

ان شاء الله بسيطه
و الحمد لله انها جت علي قد كده

اقتباس:

---

المشاركة الأصلية كتبت بواسطة hemaa_82

اعمل ولا كأنك شايف حاجة .....

---

لأ حقيقي !!
يعني فيه اعضاء بيعملو الحركة القرعة دي في أقسام تانية .. بس في اسبرانزا .. أوفر قــــــــــــــــــوي

اقتباس:

---

المشاركة الأصلية كتبت بواسطة Hegazio

لأ حقيقي !!
يعني فيه اعضاء بيعملو الحركة القرعة دي في أقسام تانية .. بس في اسبرانزا .. أوفر قــــــــــــــــــوي

---

عادي خالص ... لما انا تبقي معايا عربية و الاقي واحد داخل يقولي مثلا ان العربية دي بتمشي بالعكس و بتاكل اصحابها بالليل و بيسيبها جنب الرصيف يبص يلاقيها بتتنطط علي شكمانها انا يعني هنزل ابيع عربيتي؟؟؟؟؟

ربنا ادانا المخ علشان نبروسس process مش نباي باص bypass ....

مش اي حد يقول بم نقول امين

واضح انها مشكلة عادية وبتحصل فى اى عربية مش شرط التيجوا ونصيحة منى لازم تروح التوكيل وتشوف اية سبب المشكلة وتبلغ معاها حماية حقوق المستهلك وتعمل تقرير وتقدمة وطمنا عملت اية وقدر الله ماشاء فعل وان شاء الله تتصلح

وزى ماقال الاخ max ziro

اغلب العربيات الفلاتر بتاعت البنزين محطوطة ف الهواء الطلق كدة عادى جمب التنك و لو حضرتك رفعت العربية هتلاقية واضح
و مثال البوما و الجولف و السيفيا و كل اليونداى و كل الدايو و اكيد كل الكيا
انا بتكلم على العربيات الى انا متأكد منهم و نزلت تحتيهم اكتر من مرة ..

اقتباس:

---

المشاركة الأصلية كتبت بواسطة mohamed.mostafa

واضح انها مشكلة عادية وبتحصل فى اى عربية مش شرط التيجوا ونصيحة منى لازم تروح التوكيل وتشوف اية سبب المشكلة وتبلغ معاها حماية حقوق المستهلك وتعمل تقرير وتقدمة وطمنا عملت اية وقدر الله ماشاء فعل وان شاء الله تتصلح

وزى ماقال الاخ max ziro

اغلب العربيات الفلاتر بتاعت البنزين محطوطة ف الهواء الطلق كدة عادى جمب التنك و لو حضرتك رفعت العربية هتلاقية واضح
و مثال البوما و الجولف و السيفيا و كل اليونداى و كل الدايو و اكيد كل الكيا
انا بتكلم على العربيات الى انا متأكد منهم و نزلت تحتيهم اكتر من مرة ..

---

كلام سليم 100% ...جهاز حماية المستهلك وبلغنا بالنتيجة

اقتباس:

---

المشاركة الأصلية كتبت بواسطة max_ziro

يا باشا اغلب العربيات الفلاتر بتاعت البنزين محطوطة ف الهواء الطلق كدة عادى جمب التنك و لو حضرتك رفعت العربية هتلاقية واضح
و مثال البوما و الجولف و السيفيا و كل اليونداى و كل الدايو و اكيد كل الكيا
انا بتكلم على العربيات الى انا متأكد منهم و نزلت تحتيهم اكتر من مرة ..

---

مع احترامى طبعا لكلامك بس انا هتكلم على اللى اعرفة. انا معايا الPolo و من اسبوعين قررت انى اعمل السيرفس بتاع العربية بنفسى.

خلصت و غيرت كل حاجة تمام فى ساعة, و نزلت تحت العربية عشان اغير فلتر البنزين, الفلتر راكب فى داير بلاستيك مقفول علية بمسمار و الكلام دة مش جمب التنك, دة تقريبا فوق التنك اللى اصلا فوق الدنجل الخلفى و بالمناسبة اخدت حوالى 45 دقيقة عشان اغيرة اوحدة.

اقتباس:

---

المشاركة الأصلية كتبت بواسطة Hegazio

ايه حكاية الاعصاء اللي لهم مساركة وحيدة خبط في التيجو هرب

---

اقتباس:

---

المشاركة الأصلية كتبت بواسطة hegazio

ايه حكاية الاعصاء اللي لهم مساركة وحيدة خبط في التيجو هرب

---

أنا عرضت مشكلة واجهتها من أجل تبادل الرأى مع الأعضاء المحترمين
وبالفعل كانت مداخلاتهم بنائة ومهذبة
لكن الحقيقة أنا صدمت من رد ............* لم أكن أتوقع أن
أرى مثل هذا فى منتدى محترم