.: سؤال عن رامات الكمبيوتر ؟ إزاى أستفيد من أفضل أداء لرامات 512 مع رامة 2 جيجا ؟!؟؟

عندى فى البوردة فى 4 أماكن للرامات (Dual channel )
جهازى فيه أصلا قطعتين 512 سبيكتيك ddr2 بباسات 533 ...
إشتريت رامه كمان 2 جيجا كينجستون باسات 800 dd2 ...
--------------
الجهاز بيقراهم 3 جيجا لكن حاسس إنى لما بحط الرامه ال 2 لوحدها فى الجهاز بيبقى أسرع ..؟!
-
إزاى أخلى الجهاز يشتغل أسرع وهل فى ترتيب معين للرامات فى البوردة ولا مش حيركبوا على بعض لاختلاف الباصات ..
-
ولا الحل انى أشترى رامات 2 جيجا كمان نفس الباص 800 ؟!:36_1_31:
-----------------------
محتاج رأى أهل الخبرة ....علما بأن الجهاز بيقراهم 3 جيجا وبيكتب dual channel with assymetrical Pass
ولما بحط الرامه ال 2 جيجا لوحدها بيقراها طبعا single channel لكن فعلا الجهاز بيبقى أسرع:majd(4):

بص هما اصلن بعد شوية يعلقوا الجهاز والجهاز يعلئ ومتعرفش تعمل حاجة غير انك تعملوا ريسترت
انا برضواكان عندى رامات 512 بس على رامتين اى كانوا جييين مع الجهاز
رحت اشتريت واحدة 512 ومشتغلتش مع الجهاز وعلقت وبرضوا لما حطيتها لو لوحدها الجهاز كان اسرع معرفش ليه بقا:majd(4):

اقتباس:

---

المشاركة الأصلية كتبت بواسطة ahmad7610

عندى فى البوردة فى 4 أماكن للرامات (Dual channel )
جهازى فيه أصلا قطعتين 512 سبيكتيك ddr2 بباسات 533 ...
إشتريت رامه كمان 2 جيجا كينجستون باسات 800 dd2 ...
--------------
الجهاز بيقراهم 3 جيجا لكن حاسس إنى لما بحط الرامه ال 2 لوحدها فى الجهاز بيبقى أسرع ..؟!
-
إزاى أخلى الجهاز يشتغل أسرع وهل فى ترتيب معين للرامات فى البوردة ولا مش حيركبوا على بعض لاختلاف الباصات ..
-
ولا الحل انى أشترى رامات 2 جيجا كمان نفس الباص 800 ؟!:36_1_31:
-----------------------
محتاج رأى أهل الخبرة ....علما بأن الجهاز بيقراهم 3 جيجا وبيكتب dual channel with assymetrical Pass
ولما بحط الرامه ال 2 جيجا لوحدها بيقراها طبعا single channel لكن فعلا الجهاز بيبقى أسرع:majd(4):

---

على حد علمي ان الجهاز هيشغل الرامات كلها مع بعض بسرعة ابطأ Module منهم

يعني اما بتركبها مع الاتنين جيجا بتخسر سرعتهم (بيشتغلوا 533 بدل 800)

اقتباس:

---

المشاركة الأصلية كتبت بواسطة AK1981

على حد علمي ان الجهاز هيشغل الرامات كلها مع بعض بسرعة ابطأ Module منهم

يعني اما بتركبها مع الاتنين جيجا بتخسر سرعتهم (بيشتغلوا 533 بدل 800)

---

الكلام ده بنسبة 90% صحيح

بس مش بظبط كده

دلوقت علشان اصلا الجهاز يشتغل بباس 533 لازم يكونو الرامات شركه واحده يعني يا اما كلهم اسبكتيك يا اما كلهم كينج استون

دلوقت لو الرامات مختلفين هيحصل حاجه من اتنين

يا امل يعمل كونفلكت وميشتغلوش خالص خالص

يا اما هيشتغلو بباس 278 (800-533) وجرب الموضوع ده هتلاقي ان الجهاز بقي ابطأ من ما كان الرامتين الـ 512 لواحدهم

دلوقت علشان نحل المشكله بتاعة اختلاف الرامات لازم نكون في قاعده متبعينها عند تركيب الرامات

يا اما مختلفين في السعه بس يكونو من شركه واحده وفي الحاله دي هيشتغلو علي اقل باس فيهم

يا اما مختلفين في الشركه بس يكونو متوحدين الباس والسعه

ده ردي من واقع جهاز واحد قريبي وكان جايبه من الكويت من 8 سنين وهوا جاي كده ومجاش في بالي خالص يكون العيب عيب رامات

لان كان فيه تلات رامات رامه 265 سامسونج ورامه 128 اسبكتيك ورامه 512 كينج استون

وهتستغرب انه كان شغال بس بقي اتفرج علي المشاكل مشاكل للصبح

مش اي نسخة ويندوز كان بيقبلها (بصراحه مكنش بيقبال غير نسخه اورجينال)

في النقل مش هينقل اكتر من 1 جيجا في المره الواحده لو اكتر من كده هيعلن العصيان ويعمل ريستارت ويجي وهوا داخل يروح يجيب الشاشه الزرقه وكده شكرا النسخه وقعت

ومشاكل بقي بالهبل لو شغلت اي جيمز

الجهاز كان شلل بمعني الكلمه بيفتح في حوالي 8 دقايق

لما روحت لاول واحد بتاع صيانه شال الرمات كلها ومع الرامه ال 512 الجهاز بقي طلقه

عموما حاول تغير الرامه دي لان كده الجهاز هيتعبك

A.Yakout

ألف شكر ياجماعة :::
-
والجهاز و أنا مركب ال2 جيجا مع القطعتين ال 512 بيبقى شغال زى الأول ( قبل ما أركب الحته ال 2 جيجا ) محستش بأى فرق خالص ولا فى ألعاب ولا نقل ملفات
-
دلوقتى الجهاز شغال على ال 2 جيجا بس أحسن كتير من الأول ....
--------------------
فعلا لما ركبت ال 2 جيجا الجهاز كان مش طبيعى و بيصفر أول ما يشتغل و بقى يجيب error غريب كده اسمه oc أعتقد تعنى
open case رغم إن ال case مش بتبقى مفتوحة ولا حاجة ...
-

سؤال خارج الموضوع
هي الرامات الاتنين جيجا بكم؟

لما بتركب رامات سرعة نقل البيانات بتاعتها عالية مع رامات سرعة نقل البيانات عليها أقل بتخلى الجهاز يشتغل على أُقل سرعة نقل بيانات فيهم ، يبقى الأحسن إنك تشيل الرامات القديمة وتسيب الجديدة لوحدها هتلاقى كفاءة الجهاز اتحسنت
ده غير إن فيه فنيات أخرى فى عمل الرامات زى التوافق ما بين الرامات ، بالبلدى كده لازم القطعتين يكونوا نفس الماركة وبنفس الفنيات
زى معدل نقل البيانات ، معدل التجديد ، التزامن ، علشان كده الأجهزة ساعات مبترضاش تقبل نسخ ويندوز معينة ، وكمان الرسائل الزرقة الكتيرة اللى بتطلع من غير مناسبة ، والتهنيج عمال على بطال ، والتحميل البطئ

اقتباس:

---

المشاركة الأصلية كتبت بواسطة tabeb

سؤال خارج الموضوع
هي الرامات الاتنين جيجا بكم؟

---

ادخل على الموقع ده هتلاقى أسعار كل حاجة فى الكمبيوتر
PCEgypt Online Computer Hardware Mall in Egypt

هات رامات 2 جيجا كمان و نفض لل512 اللي عندك و شوف الجهاز هيبقي عامل ازاي

السلام عليكم

بعد اذن اخي صاحب الموضوع

بما ان الاخوة لهم خبرة في مجال الهارد وير

لي سؤال ...

حاليا لو جهازي celeron CPU 1.7 GH ورامات 1 جيجا ddr1 ومعاه كارت شاشة 128 وهارد يكفي مع cd /dvd هل هذه المواصفات تصلح لتشغيل الفيستا او ويندوز 7

ولا لازم اعمل ترقية للبروسيسور و اجيب رامات ddr2

اقتباس:

---

المشاركة الأصلية كتبت بواسطة Dr Zezo

السلام عليكم

بعد اذن اخي صاحب الموضوع

بما ان الاخوة لهم خبرة في مجال الهارد وير

لي سؤال ...

حاليا لو جهازي celeron CPU 1.7 GH ورامات 1 جيجا ddr1 ومعاه كارت شاشة 128 وهارد يكفي مع cd /dvd هل هذه المواصفات تصلح لتشغيل الفيستا او ويندوز 7

ولا لازم اعمل ترقية للبروسيسور و اجيب رامات ddr2

---

-
أنا معنديش خبرة فى المجال لكن من تجربة طويلة مع الكمبيوتر ::::: أعتقد ممكن أفيدك::::::
--------------
المواصفات دى على ويندوز xp تعتبر كويسة لو ملكش فى الألعاب التقيلة .. لكن لو حطيت عليه الفيستا أو ويندوز7
حتكره الجهاز وتبقى عايز تكسره ...
-
الفيستا و ال 7 علشان يشتغلوا بسلاسة .. عايزين جهاز دوال كور أو كور تو ديو و رامات 2 جيجا على الأقل
------
وبعدين انت عايز فيستا ليه و ال 7 لسه مش مجرب ومنزلش رسمى ... أنت تقدر بال xp وشويه برامج حماية كويسة زى الكاسبر و أى firewall تبقى زى حماية الفيستا ....
----------
عموما الرامات ال ddr1 أعتقد ما ينفعش تتحول ل ddr2 أعتقد لازم البورده تتغير وشكل كده دى مواصفات لابتوب
-
أعتقد الفيستا ممكن يتثبت لكن حتلاقيه يشتغل فى 10 دقايق مثلا على ما يحمل ... الرامات والبروسيسور مش حتقدر تقومه ... بلاش أحسن:36_3_10[1]:

شيل خالص الرامات القديمه لان الجهاز في احسن الاحوال هيزبط التايمنج بتاع الرامات عليها.. يعني كأنك زودت رامات من القديمه دا غير انك فقدت خاصيه الdual mem

احسن حل لصاحب الموضوع
علشان تستفيد من خاصيه الdual mem
هات 2 جيجا كمان نفس الباص والماركه
وحطهم 1و3 او 2و4..
هتلاقي الجهاز بقى اسرع بكتيييييييييييييييييييييي يييييير
لانه هيشتغل dual mem+ max mem"may be 3.25 if u use 32bit operating system"but without use of the virtual ram on the hard disk
& all that means more speed

وبالتوفيق

اقتباس:

---

المشاركة الأصلية كتبت بواسطة S M A R T M A N

شيل خالص الرامات القديمه لان الجهاز في احسن الاحوال هيزبط التايمنج بتاع الرامات عليها.. يعني كأنك زودت رامات من القديمه دا غير انك فقدت خاصيه الdual mem

احسن حل لصاحب الموضوع
علشان تستفيد من خاصيه الdual mem
هات 2 جيجا كمان نفس الباص والماركه
وحطهم 1و3 او 2و4..
هتلاقي الجهاز بقى اسرع بكتيييييييييييييييييييييي يييييير
لانه هيشتغل dual mem+ max mem"may be 3.25 if u use 32bit operating system"but without use of the virtual ram on the hard disk
& all that means more speed

وبالتوفيق

---

-
ألف شكر لردك ولكل من رد فى الموضوع .......
-
:verygood:
-
وفعلا أنا كنت حاسس إن الحل الوحيد هو رامه 2 جيجا كمان ... للاسف الأسعار دلوقتى مش مشجعة لأنى كنت عايز كام حاجة برضه للاب قديم عندى .. ربنا يسهل بعد شويه :36_1_31:

اصل الويندوز 7 نزل منه نسخة يعتقد بنسبة كبيرة انها النسخة النهائية او قبل النهائية و النسخة عند اللي جربها شغالة بسلاسة ورائعة افضل كثيرا من الفيستا و تقله

السلام عليكم
اولا علشان نقدر نجاوب على السؤال الخاص بالرامات وتوافقها مع بعض لازم نعرف ايه وظيفة الرام
هى المكان الذى تتوقف فية البيانات أثناء تعامل المعالج معها بعد خروجها (تحميلها ) من على القرص الصلب للتعامل معها بشكل أسرع بمعنى أخر ,لتشغيل أى تطبيق معين أو ملف أو لعبة أو حتى نظام التشغيل نفسة فمنطقيا هو مخزن بداخل القرص الصلب أو على أسطوانة ضوئية (cd) أو على أى وسيلة تخزين أخر فكل هذة الوسائط بطيئة جدا مقارنة بذاكرة الرام من حيث سرعة نقل البيانات وسرعة التعامل معها ولهذا يقوم المعالج باستحضار هذة البيانات من على القرص أو أى وسيلة تخزين أخرى وتم تحميلة على ذاكرة الرام لتشغيلة والتعامل معة بشكل أسرع
مثال:- عند تشغيل ملف نص معين يقوم المعالج بالبحث عن هذا الملف فى القرص الصلب ويتم تحميلة هوة والبرنامج الذى يتم فتحة من خلالة على ذاكرة الرام ويبداء بالتعامل معة بصورة أسرع
و هذا يفسر لماذا يصبح الجهاز أبطأ كلما زادت كمية البرامج التى تعمل علية

يبقى يهمنا اولا نعرف احنا بنعمل ايه على الجهاز وهل شغلنا يحتاج الرام الكبيره فى سعة التخزين
وده بيتوقف على هل بنستخدم الكمبيوتر فى الالعاب والاغانى والترفيه وخلافه

او بنستخدمه فى الجرافيك والبرامج الهندسيه
كمان اهم من ان الرامه تكون مساحتها كبيره هى انها تكون سرعة نقل البيانات فيها اسرع وهذا مايسمى (بالباص)
يبقى قبل ماافكر احط فى الجهاز رامات 4 جيجا لازم اشوف هل انا هستخدم الا4 جيجا ولا لا
ام يكفينى 1 جيجا فقط
وهناك اعتقاد خاطء ان كبر مساحة الرامات لها علاقه بسرعة .
هى ليها علاقه بالسرعه فى حالة اننا بنشغل تطبيقات كثير فى نفس الوقت
اهم الاحتياطات للحصول على اعلى اداء للرام
1- ان لو عندى رامتين ركبين فى الجهاز لازم يكونو نفس الباص
2- لازم لو واحده 8 شيب ماينفعش اركب معاها واحده 16 شيب
الافضل يكونو زى بعض
اما عن استفسار ات ويندوز 7 فمايكرو سوفت حددت انه النظام لوحده يحتاج لحد ادنى لتشغيله بشكل جيد رامات 4 جيجا

واى استفسار انا فى الخدمه

اقتباس:

---

المشاركة الأصلية كتبت بواسطة أحمد سالم

السلام عليكم

اولا علشان نقدر نجاوب على السؤال الخاص بالرامات وتوافقها مع بعض لازم نعرف ايه وظيفة الرام
هى المكان الذى تتوقف فية البيانات أثناء تعامل المعالج معها بعد خروجها (تحميلها ) من على القرص الصلب للتعامل معها بشكل أسرع بمعنى أخر ,لتشغيل أى تطبيق معين أو ملف أو لعبة أو حتى نظام التشغيل نفسة فمنطقيا هو مخزن بداخل القرص الصلب أو على أسطوانة ضوئية (cd) أو على أى وسيلة تخزين أخر فكل هذة الوسائط بطيئة جدا مقارنة بذاكرة الرام من حيث سرعة نقل البيانات وسرعة التعامل معها ولهذا يقوم المعالج باستحضار هذة البيانات من على القرص أو أى وسيلة تخزين أخرى وتم تحميلة على ذاكرة الرام لتشغيلة والتعامل معة بشكل أسرع
مثال:- عند تشغيل ملف نص معين يقوم المعالج بالبحث عن هذا الملف فى القرص الصلب ويتم تحميلة هوة والبرنامج الذى يتم فتحة من خلالة على ذاكرة الرام ويبداء بالتعامل معة بصورة أسرع
و هذا يفسر لماذا يصبح الجهاز أبطأ كلما زادت كمية البرامج التى تعمل علية

يبقى يهمنا اولا نعرف احنا بنعمل ايه على الجهاز وهل شغلنا يحتاج الرام الكبيره فى سعة التخزين
وده بيتوقف على هل بنستخدم الكمبيوتر فى الالعاب والاغانى والترفيه وخلافه

او بنستخدمه فى الجرافيك والبرامج الهندسيه
كمان اهم من ان الرامه تكون مساحتها كبيره هى انها تكون سرعة نقل البيانات فيها اسرع وهذا مايسمى (بالباص)
يبقى قبل ماافكر احط فى الجهاز رامات 4 جيجا لازم اشوف هل انا هستخدم الا4 جيجا ولا لا
ام يكفينى 1 جيجا فقط
وهناك اعتقاد خاطء ان كبر مساحة الرامات لها علاقه بسرعة .
هى ليها علاقه بالسرعه فى حالة اننا بنشغل تطبيقات كثير فى نفس الوقت
اهم الاحتياطات للحصول على اعلى اداء للرام
1- ان لو عندى رامتين ركبين فى الجهاز لازم يكونو نفس الباص
2- لازم لو واحده 8 شيب ماينفعش اركب معاها واحده 16 شيب
الافضل يكونو زى بعض

---

+1000000000

اقتباس:

---

المشاركة الأصلية كتبت بواسطة أحمد سالم

اما عن استفسار ات ويندوز 7 فمايكرو سوفت حددت انه النظام لوحده يحتاج لحد ادنى لتشغيله بشكل جيد رامات 4 جيجا

---

اقتباس:

---

المشاركة الأصلية كتبت بواسطة أحمد سالم

واى استفسار انا فى الخدمه

---

ويندوز 7 بتحتاج رامات أقل من الفيستا ولكنها أكثر من الـ XP

وهي في مجملها أخف بكتير من الفيستا وتلافت عيوب كتير فيها ولكنها لاتزال محتاجة جهاز كويس أكتر من الـ XP

ودي متطلبات النظام من ميكروسوفت

Here’s what you need to have:

• Internet access (to download Windows 7 RC and get updates)
• A PC with these minimum recommended specifications:
  - 1 GHz 32-bit or 64-bit processor or higher
  - 1 GB of system memory or more
  - 16 GB of available disk space
  - Support for DirectX 9 graphics with 128 MB memory (to enable the Aero theme)
  - DVD-R/W Drive
  Please note these specifications could change. And, some product features of Windows 7, such as the ability to watch and record live TV or navigation through the use of "touch," may require advanced or additional hardware.

وده لينك الصفحة في ميكروسوفت

http://technet.microsoft.com/en-us/evalcenter/dd353205.aspx?ITPID=wcfeed

والف شكر على الإفادة