لكل الى عايز يتعلم سواقة المتوسيكل عملى-نظرى
بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين
لو انت بتعرف تسوق عربيات الموضوع هيبقى سهل بالنسبة ليك
ازاي يعني؟
اليد اليمين في الدريكسيون فيها ايه؟
البنزين + فرامل امامية
اليد الشمال: الدبرياج
رجلك اليمين واقفه على سناده
مشط رجلك اليمين على دواسة الفرامل بتاعت الكاوتش اللى وارا
رجلك الشمال على حمالة
و مشط رجلك بيبقى عند الفتيس
الفتيس بقى عامل ازاي ؟
حديده فى حجم (المعلقه) و فيها جزء صغير عشان تقدر تطلعها و تنزلها على حسب النقلات
النقلات بقى ازاي؟؟
هما 6 نقلات ( تكات) الجير الاول تنزل الفتيس لتحت
عايز تجيب التاني؟ طبعا زي العربيه ... دبرياج + تشيل ايدك اليمين من البنزين شويه + تطلع الفتيس لفوق تكه
التالت نفس الحكايه الرابع و الخامس و السادس كلهم نفس الطريقه
عايز تسقط نقله؟ زي بارضو العربيه
دبرياج و تسيب بنزين شويه و تنزل الفتيس انت بتكون عارف انت ماشي على الغيار الكام
يعني حنقولهم كده على بعض لو انت ممور الموتوسيكل
تكه لتحت : انت على الاول
حتطلعه لفوق بدرجه اكبر شويه عشان تعدي المور ... تبقا التاني
وكده طبعا
الفرامل بقى :
في الاول انت لازم حتفرمل عن طريق رجلك اليمين اللى فيها فرامل وارا
بس طبعا بشويش عشان الزحلقه غبيه, بعد ماتتعود حتفرمل امام فقط عشان اقوى
و حتكون عرفت حتقف فين و حفظتها و ماتتقلبش لقدام او الدركسيون يتعوج اوي منك فا تقع
لو على رمل مانصحش بالفرامل الاماميه دي خالص
صور الشرح مع المرفقات
دا عن الشرح النظرى
نيجى بقى للشرح العملى