الكتيت كتيت يا معلم
خليك في الشيفروليه احسن
عرض للطباعة
الكتيت كتيت يا معلم
خليك في الشيفروليه احسن
كفاية بئى لانوس راحت عليها خلاص...........
الا اذا الفلوس مش هتقضي يبئى ساعتها هيه احسن اختيار و فعلا على قد فلوسها.........و مغرقة الدنيا
لأنها من احسن الاختيارات من حيث سعرها و انتشارها و قطع الغيار و التصليح كله بئى بيفهم فيها ولا ال28 في زمانها
و لكن هيه فعلا عربية ضعيفة و نجاحها ده لأسباب كتير غير انها الأفضل......لكن هي كانت الأنسب لناس كتير
والفرق بين الأنسب أو الأقرب و بين الأفضل فرق كبير.........بس هنقول ايه العين بصيرة وربنا اللي عالم........
فنصيحة لو في امكانية لحاجة تانية سيبك من اللانوس دي و فكر انشالله في نوبيرا عالأقل أحسن في حاجات كتير من أختها......
و الله لو أوبترا...........
و ربنا يوفقك و مبروك مقدما.........
فعلا ملقوش في الورد عيب قالوا له يا احمر الخدين..
حاجة غريبة جدا انا واثق اني لو المرسيدس او البي ام دبليو الحديثة انتشرت وبقت زي اللانوس كدة برضه حتلاقي الناس تقولك دي عربية زبالة حاجة غريبة جدا و مش قادر افسرها.
يعني الواحد ممكن يكون مش بيحب عربية معينة مش لانها عربية سيئة لكن لأنه مش بيحبها يعني انا مثلا قريت كلام عن الأفيو مش كويس بس ده مش سبب كرهي ليها و انا مش بكرهها لكن مش بحبها من غير ما اقرا عنها اي كلام وحش.
طيب بلاش نتكلم عن الجديد انا شخصيا مش بحب الـ 132 و دي عربية ميختلفش عليها اتنين و عربية بجد قوية و حلوة بس مش بحبها لكن مش لازم اطلع فيها القطط الفاطسة زي ما بيقولوا.
و بالنسبة للانوس هي مع ناس كتير من قرايبي و صحابي و شغالة معاهم زي الفل و كويسة جدااااااااااااااا و كويسة مع اللي محافظ عليها و مع اللي بيهينها و مبهدلها يعني انا ليا واحد قريبي مطلع عينها و مبهدلها و مع كل ده ماشية معاه زي الفل و مش بتكل و لا تمل و الكلام ده من ملاك اللانوس زي ما قلت لك.
و علي فكرة انا معنديش لانوس و يمكن اكون حاططها في بالي ساعة التغيير اي نعم بس مش زي الأول يعني مش زي ما كانت دايو و دلوقتي مش اول عربية افكر فيها لما احب اغير بس مع كل ده برضه عربية رائعة بالنسبة لسعرها و كمالياتها و ثباتها الخ.
و بصراحة عربية محترمة جداااااااا بشهادة الجميع.
الحمد لله انا اشتريت شيفورليه لانوس يا جماعه زيرو
العربيه حلوه مش وحشه
بس هى مشكلتها فى التجميع مبتجمعش بسرعه معايه
انا كان معايه فيات سيبنا موديل 2000 بس كانت طلقه فى التجميع
بس الحمدة لله العربيه الاجمالى بتاعها كويس اوى
اشكركم جميعا على المداخلات المفيده فى الموضوع
ألف ألف مبروك و ربنا يديك خيرها و يكفيك شرها.
و علي فكرة أعتقد أنها هتجمع معاك أحسن من كدة لما تمشي بيها شوية بعد 5000 كيلو تقريبا و في ناس بيقولوا العربيات الجديدة بتلين في المصنع بس برضه مش زي ما تمشي بيها و تستعملها، علي حد علمي يعني.
و علي العموم متحاولش تضغط عليها دلوقتي أوي و أستني شوية و حتلاقيها أحسن من السيينا في السحب و التجميع.
و مبروك مرة تانية
ربنا يكرمك يا استاذ سمير وان شاء الله اول لم اعدى الخمسه الاف حشوف ايه الاخبار فعلا حتسحب ولا ايه
وان شاء الله خير ومتشكر ليك اوى على المرور والرد فى الموضوع
الف شكر