من فاته فسحه اسكندريه يتفرج علي صورها
حبايبي اعضاء نايل موتورز طبعا احنا كنا عاملين دعوه ليومين بحر ومصيف في اسكندريه وانا قولت افرجكم علي الصور في تقرير مبسط اولا كان ترتيب حضو الاخوه الافاضل 1: اشرف فتحي 2:احمد سامي 3:ابو صلاح +3 اصدقاء 4:العبد الله + صديق استضافنا عنده في شقته بالعجمي بعد ما اتقابلنا انا واشرف روحنا نفطر وبعد ما فطرنا وصل حبيبي دكتور احمد سامي من المنصوره وكان لازم يفطر معانا فطار خفيف ودي صوره الفطار (دي صوره وجبه شخص واحد) http://img233.imageshack.us/img233/7936/image012.jpg وقار فيليه وجمبري وسبيط مقلي ورز والباقي انتم عارفينه +السلطات مكانتش لسه نزلت علي الترابيزه وبعد كده روحنا العجمي غيرنا وبعدها طلعنا الساحل الشمالي في قريه ماربيلا http://img268.imageshack.us/img268/746/image015vmz.jpg في الصوره دي تشوفوا لحظه تامل من احمد سامي وتفكير عميق وطبعا مش عاوز اقولكم شوفوا شكل البحر وجماله وتعيطوا ودموعكم تنزل علي الجو الرائع اللي فاتكم وطبعا كلنا بنقول هو الدكتور بيفكر في ايه بعمق كده بس فعلا كانت فكره غيرت مجري حياته .. وحنتاكد من كده في الصوره الجايه http://img268.imageshack.us/img268/7659/image016quq.jpg كانت الفكره طبعا انه يتصور معايا ودي حاجه في حد ذاتها حتغير مجري حياته ومسمعش حد بيقول انها حتتغير للاسوء ولا انه حيوقفوه في كل لجنه ومستقبله يضيع بسبب الصوره دي http://img268.imageshack.us/img268/3369/image017yyr.jpg جمال الغروب واحنا قاعدين بنتفرج علي :majd(4):علي:majd(4):ايه :makeup:لا مش دي ايوه :ma: قاعدين بنتفرج علي الامواج وهي بتخبط في الحواجز وبعد اليوم الجميل ده قررنا نرجع العجمي تاني وطبعا اخدنا طريق الساحل في ربع ساعه ومدخل العجمي في حوالي ساعتين ونص بس بمساعده الجي بي اس لاحمد بيك سامي دخل من طريق غريب عجيب مهيب وهو طريق ام زغيوا وانا دخلت من الطريق الدولي وعملنا عمليه احتيال علي الزحمه ووصلنا قبلهم وطبعا مش ححكيلكم تفاصيل العشا ولا روعه الجو بس مستني ابو صلاح يبعتلي باقي الصور وارفعهالكم للاسف مكانش فيه مجال اننا نصور صور كتير بس اليوم كان اكتر من رائع ومزعلنيش فيه غير ان الدكتور احمد اضطر يروح بدري علشان ظروفه وان جمال باشا عميد المنتدي اعتزر عن الحضو تاني يوم واننا نستمتع بوجوده الغالي فاصل ونواصل تفاصيل تاني يوم