هيونداي النترا 2007 مختلفة عن 2010
خالي معاه النترا 2007 مانيوال و اللي عاجبني فيها ان تقفيلها محترم و ممتاز
روحت النهاردة غبور ركبت النترا 2010 حاسس انها مش هي من جوا الخامات حاسس انها بقت اوحش و الدركسيون خفيف كدا و الزراير فيها صوت طق طقة بتاعت الازاز
حتى المساكة بتاعة البيبسي كانت سوستة بقت جلد كدا و مختلفة
زراير التكييف فيها حاجة مختلفة
الخلاصة حاسس ان تقفيل العربية مختلف مع انها هي هي في كل حاجة
بس الراجل قالي ان الموتور مختلف ان فية خاصية cvvt بتدي عزم اكبر على سرعات اقل و استهلاك بنزين اقل
انا سألت الراجل الكلام دة قالي ان العربية لسة زيرو و الزراير و الحاجات دة كلها بتتلين بتحس انها ناعمة
اية رايكم في الكلام دة و هل فعلا التقفيل بيبقى اقل جودة في الموديلات المتتالية
