عبوة عصير تحسسك انك في اوروبا مش في مصر!! (Juhayna Mangue)

**ggggggggg** · 26-07-2009 01:56 AM

انتم عارفين ان الأرقام الي بنقول عليها انجليزي دي أصلاً أرقام عربي والأرقام الي بنستخدمها احنا دي ارقام هندي...... بدليل في برنامج الوورد لما تيجي تزبط لغة الأرقام بيقولك عربي وهندي .. والهندي هو الي بنستخدمه على انه عربي.....
في دول المغرب العربي ميعرفوش الارقام الهندي يد خالص بيستخدمو الارقام العربية الي بتستخدمها اوروبا والي بنقول عليها انجليزي

**Eslam.Elrefaey** · 26-07-2009 02:05 AM

علشان لو واحد سايح جه يشتريها يشوف صالحة قد إيه مثلا 6 أشهر

**نور القمر** · 26-07-2009 02:05 AM

وفي الامارات كمان بيستخدموا الارقام العربي اللي احنا بنقول عليها انجليزي
معلش طلعنا برة الموضوع الاساسي

**medo55** · 26-07-2009 02:14 AM

المشاركة الأصلية كتبت بواسطة CryptonX

بالعكس يا محمود !دي قمة التفاني في الاداء المروري .

الناس عارفة ان معظم ان مكانش كل اللي سايقين جهلة و اميين !

فرسمولك رمسة ال 90 km علشان تقارنها بالي في العداد ,
و تجبيب العداد و تقف علي نفس النقشة ! من غير علام و لا اي حاجة ! و بكدة تفي بجميع طبقات الشعب !

ودي حاجة تحتسبلهم ! ما شاء الله عليهم !

هههههههههههههههههههههههه والله ياباشا ضحكتني فعلا ,,, بس تفتكر هم اصلا بيفكرو بشكل ايجابي كدا ؟؟؟؟؟؟؟؟؟؟؟

لم اجد اي تعليق عن جهينه ,,, اصل انا ما بحبش المانجو بتاعتهم

فمبشتريهاش بسبب طعمها الي لا يوحي للمانجو باي شيئ

**itsonlyme** · 26-07-2009 02:24 AM

أنا جاه في بالي موضوع العبوة دي واحترت.
أول حاجة جات في بالي انهم بيصدرو لأوروبا واسترخصوا وعملوا عبوة واحدة.

بس الطعم ... الطعم ....

منتج زي ده استحالة يخش السوق الأوروبي.
طعمة (استتغفر الله) وأكيد كله كيماويات و غير مطابق للمواصفات الأوروبية الصارمة.

عصير بيتي فعلاً أحسن منه.

**M.Osman** · 26-07-2009 02:45 AM

انا فعلاً جه في بالي انه ممكن يكون للتصدير
بس هو يعنى الشعب هنا رخيص للدرجة دي؟
يعني هل ممكن اروح اوروبا الاقي علب عصير مكتوب عليها عربي و مش مكتوب لغتهم غير بأصغر فونت و حجتهم انهم بيصدروا للدول العربية عشان كدا عملوا عبوة واحدة لتقليل التكاليف ؟؟!!
بالنسبة للعصير هو فعلا طعمه وحش ... و رأي احسن حاجة العصير الفريش كدا و إلا اشرب "فيروز"

المشاركة الأصلية كتبت بواسطة CryptonX

بالعكس يا محمود !دي قمة التفاني في الاداء المروري .

الناس عارفة ان معظم ان مكانش كل اللي سايقين جهلة و اميين !

فرسمولك رمسة ال 90 km علشان تقارنها بالي في العداد ,
و تجبيب العداد و تقف علي نفس النقشة ! من غير علام و لا اي حاجة ! و بكدة تفي بجميع طبقات الشعب !

ودي حاجة تحتسبلهم ! ما شاء الله عليهم !

lol

**eng.octooo** · 26-07-2009 01:35 PM

علبةحلوة اهو تحسسك بالتمدن شوية بدل الزحمة

**ahmed4000** · 26-07-2009 02:02 PM

كل علب العصير مكتوب عليها كل اللغات لانها بتتصدر لدول اوروبية والحمد لله فاكيد شرط ان العبوة تتكتب عليها كل اللغات

**أبو_يوسف** · 26-07-2009 02:20 PM

المشاركة الأصلية كتبت بواسطة ggggggggg

انتم عارفين ان الأرقام الي بنقول عليها انجليزي دي أصلاً أرقام عربي والأرقام الي بنستخدمها احنا دي ارقام هندي...... بدليل في برنامج الوورد لما تيجي تزبط لغة الأرقام بيقولك عربي وهندي .. والهندي هو الي بنستخدمه على انه عربي.....
في دول المغرب العربي ميعرفوش الارقام الهندي يد خالص بيستخدمو الارقام العربية الي بتستخدمها اوروبا والي بنقول عليها انجليزي

ياريت لو في اي مصدر تاني أو دليل لتأكيد المعلومة دي غير الويندوز أو الوورد؟
لاني مش عارف اقتنع بالموضوع دا
يعني مش مقتنع اننا فضلنا فاهمين غلط السنين الطويلة دي لحد ماظهر الويندوز
واعتقد انه في دول المغرب العربي استعمال اللغة العربية اصلا بسيط اوي

**itsonlyme** · 26-07-2009 03:28 PM

المشاركة الأصلية كتبت بواسطة timtim

ياريت لو في اي مصدر تاني أو دليل لتأكيد المعلومة دي غير الويندوز أو الوورد؟
لاني مش عارف اقتنع بالموضوع دا
يعني مش مقتنع اننا فضلنا فاهمين غلط السنين الطويلة دي لحد ماظهر الويندوز
واعتقد انه في دول المغرب العربي استعمال اللغة العربية اصلا بسيط اوي

في لخبطة في الأسامي واختلاف ما بيننا (نحن العرب) و الغرب.
الأرقام دي كلها اصلها من الهند بس في طريق انتقالها الى أوروبا عبر الوطن العربي أخذت اشكال واسماء مختلفة.

الأرقام (٠,١,٢,٣,٤,٥,٦,٧,٨,٩) الغرب بيسميها Eastern Arabic Numbers لأنها ظهرت في ايران (بشكل مقارب جدا) ثم انتقلت الى الجزيرة العربية (بالشكل الحالي) و باقي الدول العربية الشرقية.
احنا بقى العرب بنسميها "الأرقام الهندية" لأن اصلها من الهند ولو أننا غيرنا في شكلها.

الأرقام (0,1,2,3,4,5,6,7,8,9) الغرب بيسميها Arabic Numerals وساعات بيسميها Western Arabic Numbers لأنها بشكلها الحالي ظهرت في المغرب العربي وانتقلت الى أوروبا عبر المتوسط.