انا هجيب جيتا 2010 و عايز اعرف هل هتنزل 1400 ولا 1600 و هتتحتاج بنزين 95 ولا 92 عادي انا هجيب الاسبوع ده و محتاج مساعدة سريعة و شكرا
عرض للطباعة
انا هجيب جيتا 2010 و عايز اعرف هل هتنزل 1400 ولا 1600 و هتتحتاج بنزين 95 ولا 92 عادي انا هجيب الاسبوع ده و محتاج مساعدة سريعة و شكرا
ال 1400tsi محتاجه بنزيت 95 كما اوصى خبراء الفولكس فى المنتدى
اما ال 1600 بنزين 92 عادى و يفضل 95
يعني لو 1400 tsi مينفعش معاها 92 خالص يضرها يعني ؟
العربية 2009 مع واحد صاحبى حلوة جداً فى كل شيء الا موضوع البنزين.هو بيحط 92 بس حاسس ان العربية كانت مخنوقة جدا والسحب وحش جدا وطلب منى انى اجربها واقارن بينها وبين السوناتا ولما سوقتها بصراحة السحب كان وحش جداً جداً وصوت الموتور عالى فقلنا نفول تانك كامل بنزين 95 لقينا العربية فرقت خالص صوت الموتور تقريباً مش سامعينه السحب ممتاز ومافيش الخنقة اللى كانت موجودة وأستهلاك البنزين قل عن الاول.
يعني ال 95 علي اد ما هو غالي علي اد ما هو موفر
الموضوع مش توفير بنزين..الموضوع الحفاظ على الموتور....لازم تستخدم 95 والا الموتور عمرة هيتقصف...ارجوكم استمتعموا بالموتور الجديد. وانتبهوا للبنزين جدا ...الى عايز يوفر بقى يخلية فى الموتور القديم .....
يعنى انا ان شاء الله ناوى اجيب ال 1600 فا لو كدا احطلها 92 عادى ولا 95 لان بجد فرق السعر عالى
و لو ال95 مش متوفر..هل المُحسن بيفرق مع الـ92؟
خد بالك لو هاتشتري خليجي tsi لسه المراكز الخارجية للصيانة بره التوكيل لا تملك الخبرة الكافية للتعامل مع الموتور ال tsi و كذلك الفتيس الجديد dsg لو العربية نازلة بيه بمعنى انك هاتكون مضطر للتعامل مع الوكيل فقط في كل مايخص الموتور و الفتيس و طبعا وكيل فولكس سمعته سابقاه يا باشا وبلاش أشتم - اللهم اني صائم
وجهة نظر متواضعة من أخوك خليك في الموتور العادي mpi لو مصر على الجيتا و لو مصر على ال tsi وتقدر تزود شوية هات الباسات ال tsi وعيش يا باشا.
خالص احترامي للجميع
محمد
ياراجل حرام عليك بتقارن اية ب اية سوناتا ب جيتا دا حتى حرام من جميع النواحى لان السوناتا موتور اكبر وفئة تانية وبتقارن مواتير هيونداى ب فولكس بردو حرام عليك لان كل شركة ليها سياسة فى نظام عربياتها
يعنى لو حبيت تبص على السوناتا بعد 5 سنين والجيتا بعد 5 سنين مع الاستعمال النضيف لكل السيارتين هتلاقى فرق فى العربيتين واضح ان دى المانى مكسيكى ودى كورى مصرى ومع اونكل غبور فا خلى بالك وانت بتتكلم فى فرق السحب لانك كدا بتظلم الجيتا وشكلك كدا انت وصحبك ماركبتوش المانى قبل كدا
الأخ الفاضل TeMoON لو حضرتك راجعت طلب صاحب الموضوع هاتلاقى انه بيسأل عن جزئية نوع البنزين وبرضه لو راجعت ردى عليه هاتلاقينى مركز على جزئية نوع البنزين وليس المقارنة بين السوناتا والجيتا .ومعلومة لحضرتك انا ركبت المانى زى المرسيدس والباسات وأخيرأ ركبت الجيتا تقريباً لمدة سنة وعلشان كدا نصحت صاحبى بتغيير نوع البنزين والحمد لله لغاية دلوقتى بيستخدم بنزين 95 ومبسوط جداً من أداء عربيته بعد تغيير البنزين.نقطة أخيرة أنا بأتكلم عن فرق السحب قبل أستخدام بنزين 95 وبعد أستخدامه وليس فرق السحب بين الجيتا والسوناتا. لك أطيب تحياتى .
اصل ما ينفعش انك تقارن بين عربيتين فى فئتين مختلفتين فى البنزين والسحب انت تقارنها ب حاجة فئتها
ومتشكر يا اخ مرسى على التوضيح دا
مع العلم انى كنت هشترى سوناتا من فترة ورجعت قولت لا بس بجد توكيل هيونداى من اسوأ ما يكون والحمد لله ان ما اشترتهاش ( واسف على كلامى )
فرصة سعيدة يا اخ مرسى وان شاء الله تكون معرفة خير بس بردو هرجع اقولك حرام تقارن بين الاتنين فى اى حاجة حتى لو اقل حاجة واسف على كلامى
ياباشا انا اللى أسعد والله.على فكرة انا مع حضرتك فى أن التوكيل سيء جدا جدا بس انا عايزك تجرب السوناتا وتقيمها تقييم كامل زى تقييمك للجيتا وأنا متأكد أن حضرتك هاتغير رأيك فى السوناتا تماماً .انا الجيتا ركبتها لمدة سنة وبرضه ركبت الأوكتافيا لمدة مش قليلة ولما جيت أشترى عربيتى الاخيرة السوناتا كنت متردد جدا بين التلاتة دول وفى الأخر قررت انى أجيب السوناتا لعدة أشياء ممكن تهمنى انا شخصياً دون غيرى وفعلاً بعد ماأشتريتها ولغاية دلوقتى الحمد لله ماندمتش على شراءها والحمد لله العربية رغم أن تجميعها مصرى بس مافيهاش غلطة .
بجد يا اخ مرسى انا دخلت توكيل غبور اسوأ ما يكون بجد انا كرهت حاجة اسمها هيونداى فى مصر بسبب سوء الخدمة عندهم انا معايا فيرنا رحت عشان اعمل صيانة 5000 وكان فى شوية حاجات فى العربية قولتلهم عليها عملو جزء وسابو جزء واهمال يعنى جهاز الزوايا بايظ وعندى بكرة التكيف بايظة طلبت تغيرها فضلت ملطوع اكتر من ساعتين بسببها وفى الاخر قالولى خلصانة مش موجودة يعنى انا داخل (فرع ابو رواش) 8.15 صباحا ماشى من عندهم 2 ظهرا فا بجد توكيل زبالة زبالة زبالة زبالة انا مش بكرة هيونداى عشان شركة هيونداى وانما كرهت هيونداى بسبب غبور نفسة وسياستة وشغلة انا فعلا بقيت بكرة اليوم الى هروح فية التوكيل دا انا لو بقيمة هيدلو 3 من 10 لانة مايستحقش اكتر من كدا لانهم بجد فعلا شوية عالم زبالة