فتيس النترا 2007 اتوماتيك

**dr_abooody** · 26-07-2009 02:53 AM

انا كنت عايز اعرف هو الفتيس دة ما فيهوش زرار بيفك التعشيقة بتاعتة
يعني امسك الفتيس و انقل على طول و لا اية بالظبط

و كمان كان في حاجات كدا غريبة d 1 2 3

دة معناها اية

و هل الفتيس دة عملي و لا لأ

و لو حبيت اسقط نقلة زي ما في المانيوال اعمل اية

**Ahmed Anwer** · 26-07-2009 03:05 AM

بيستغنوا عن الزرار اللي بيفك التعشيقة

بالمجري اللي بتجبرك علي اتجاهات معينة

و بتستعيض عن تسقيط نقلة بالكيك داون

اللي هوا بتدوس دواسة البنزين لاخرها

**dr_abooody** · 26-07-2009 03:21 AM

طيب انا حاسس انة معقد اوي

اصل انا متعود على المانيوال

و هل المجراة دة احسن و لا الزرار

و اعرف منين ان انا على النقلة اللي انا عايزها

**yahiahelaly** · 26-07-2009 04:05 AM

يا فندم مش لمجرى ولا الزرار الي بيخليك تنقل
لما تحب تنقل بتدوس فرامل صاحبي عربيتة كدة

**ahmedfd** · 26-07-2009 08:24 AM

المشاركة الأصلية كتبت بواسطة ahmed anwer

بيستغنوا عن الزرار اللي بيفك التعشيقة

بالمجري اللي بتجبرك علي اتجاهات معينة

و بتستعيض عن تسقيط نقلة بالكيك داون

اللي هوا بتدوس دواسة البنزين لاخرها

كلام مظبوط 100%
لكن الحقيقة يا أحمد باشا و أنا عارف إن عربيتك أوتوماتيك لكن تجربتي الشخصة إن مش لازم علشان العربية تعمل كيك داون إنك تدوس الدواسة على الآخر و إلا هتلاقي العربية سقطت نقلتين مرة واحدة و العربية نطت جامد و العملية فلتت منك (إلا طبعاً لو إنت في ظرف محتاج فيه لكده) لكن في العادي علشان بس تسقط نقلة عادي زي المانيوال علشان الموتور يجمع و تعدي عربية مثلاً أو في مطلع بتدوس دوسة سريعة شوية ممكن تلت أو نص الدواسة بتسقط فعلاً نقلة و بنعومة.
بالنسبة لنظام المجرى ده أو Step Gate فده فعلاً بيستعيض عن موضوع الزرار اللي في عصايا الفتيس في النظام العادي و الإثنين واحد بس هي طريقة حماية مختلفة مش أكتر منعاً لإن حد يجيب Rأو P بالغلط و هوا ماشي قدام مثلاً.

**sab3aawy** · 26-07-2009 10:59 AM

الموضوع مافيهوش اى فن، انت بتحط الفتيس على ال d وتسوق، وسواء الفتيس بنظام المجرة او الزرار هتلاقى ان الحماية ضد تعشيق 1 او النقلة الخلفية او الP فقط، يعنى الفتيس ابو زرار هتلاقيه بيروح من N الى D ومن D الى N بدون ضغط الزرار،وكذلك الحال فى ابو مجرة، هتلاقي ان المجرة مش بتحوش الحركة المباشرة من D الى N وبالعكس

النقلة 3 بتخلى الفتيس يشتغل اول وتانى وتالت بس ومايروحش للرابع
النقلة 2 بتخلى الفتيس يشتغل اول وتانى بس ومايروحش للتالت والرابع
النقلة 1 بتخلى الفتيس يشتغل على الأول بس ومينقلش لأى غيار اعلى

متحاولش متنقلش من N الى D او الى R غير والسيارة واقفة ويفضل تكون رجلك على الفرامل فى هذة اللحظة، لكن يمكن النزول من D الى 3 ومن 3 الى 2 ومن 2 الى 1 اثناء سير السيارة وبدون ضغط الفرامل ، بشرط الا تكون سرعة السيارة اعلى من السرعة المسموح بها للنقلة اللى هروح لها والمذكورة فى كتالوج السيارة، لكن يمكن النقل من 1 الى 2 الى 3 الى D فى اى وقت حتى ولو كانت سرعة السيارة بطيئة جدا

تسقيط الغيارات فى الاوتوماتيك هو زى ما الزملاء قالولك ، لا يتم بالعصاية وانما بكبس البنزين

عموما لو انت غاوى قيادة رياضية وتسقيط وحرق وكبس يبقى متجيبش اوتوماتيك لانه مش هيستحملك