هل يعجبك اسمك الحقيقي؟!

**eng.octooo** · 26-07-2009 01:32 PM

انا اسمى محمد وبحبة لانة منتشر لانة اول ماتقولة لحد مش ممكن يغلط فية وهوة اسم اسلامى وكل العرب عندهم الاسم دة

**Terrible_DaRsH** · 26-07-2009 01:40 PM

انا بينادونى باسمي الثنائي

مفيش حد بينادينى باسمي لوحده خالص

حتى ابن خالى الصغير رافض انه ينادينى باسمي لوحده :)

بس مفيش احلى من الاسماء المقتبسة من الرسول (ص)

فى اسماء مشتركة بين الاسلام و المسيحية

زى

نادر ماجد ماهر امير ايمن وحاجات كتيرررررررررر

**كابوس الليل** · 26-07-2009 01:43 PM

المشاركة الأصلية كتبت بواسطة itsonlyme

التاء المربوطة فعلاً جنب الواو في لوحة المفاتيح والخطأ وارد.

مخدتش بالى غير دلوقتى انا قصدى عمرو بن العاص
شكرا على تنبيه

**aboelnagah** · 26-07-2009 02:51 PM

انا اسمى عجبنى اوى اسمى (( منتصر ))

بس بحب اوى اسم معتز كان نفسى يبقى اسمى كده بس الحمد لله اسمى راضى عنه

وبابا كان هيسمينى معتز بس فى واحد صاحبه كان مخلف ولد وسماه معتز وكان عيل رخم اوى بابا قرر يسمينى (( منتصر )) وانا بحبه اوى الاسم ده

**هيثم** · 26-07-2009 02:55 PM

الحقيقه لا
بس الرضا بالمقسوم عباده

**MoToRiZeR** · 26-07-2009 03:48 PM

انا بحب إسمي لأن غير إنه أحد أسامي الرسول صلي الله عليه و سلم إن معناه حلو .
بس هي المشكلة إنه منتشر أوي ! البلد كلها محمد و أحمد و محمود و مصطفي !

لو كان ينفع أختار إسم تاني كان ممكن أختار يوسف مثلاَ .

انا مرة شفت لوحة دكتورة كان إسمها "زال الهم" !
و بنت خالتي إبنها عنده زميل في الحضانة إسمه عبد المتجلي .. هو إسم جميل و روحاني و كل حاجة بس الواد ممكن علي ما يعدي مرحلة الطفولة يكون جاله إكتئاب مزمن .. برضه صعب إن طفل برئ يبقي إسمه عبد المتجلي و قاعد في حضانة كلها هايدي و وائل و كريم و مازن !

**Lord_Fouad** · 26-07-2009 04:20 PM

المشاركة الأصلية كتبت بواسطة MoToRiZeR

انا مرة شفت لوحة دكتورة كان إسمها "زال الهم" !
و بنت خالتي إبنها عنده زميل في الحضانة إسمه عبد المتجلي .. هو إسم جميل و روحاني و كل حاجة بس الواد ممكن علي ما يعدي مرحلة الطفولة يكون جاله إكتئاب مزمن .. برضه صعب إن طفل برئ يبقي إسمه عبد المتجلي و قاعد في حضانة كلها هايدي و وائل و كريم و مازن !

ههههههههههههههههههههههههه ه
ضحكتني و الله ... زال الهم و عبد المتجلي ... طبعا على عيننا و على راسنا ... بس الرسول وصى بتسمية الابناء بأسماء يحبوها و تحبب الناس فيهم .. بس انا مش فاكر نص الحديث بالظبط ... بس فكرتني بواحد زميلنا ايام ابتدائي من سنين طويلة .. كان اسمه عبد العاطي ... تخيل بقى دة اسم طفل بريء ... و كان ابيض اوي و مكلبظ كدة و قصير ... و كان دمه زي العسل ... تخيله انت بقى و اضحك للصبح

**Imhotep** · 26-07-2009 09:17 PM

المشاركة الأصلية كتبت بواسطة the_fox_arab

كان اسمه عبد العاطي

حظه انه اتولد اثناء او بعد حرب اكتوبر و من ابطالها صائد الدبابات الاشهر عبد العاطى...... زى فى ناس اتولدوا اثناء الحرب العالمية التانية و سموهم هتلر و اشهرهم هتلر طنطاوى

**Imhotep** · 26-07-2009 09:22 PM

الكوميديا لو حد كانوا سموه موسولينى، والدلع موس
....... كان فضل يعمل كده طول عمره

**pop3** · 26-07-2009 10:04 PM

بحس إن الإسم بيبقي له تأثير في تكوين شخصية الإنسان , وبزعل قوي من تسمية أباء لأبنائهم أسامي معقده و تسأل الأب يقولك دي مذكوره في القرآن,.

طيب ياسيدي على عيني و راسي كمان بس مش كل إسم مذكور في القرآن الكريم ينفع يبقي إسم بني آدم يعني,

كمان فيه أسامي عربيه كتير قديمه جدا , ظهرت مره تانيه في الوقت الحالي بس للأسف الأسماء دي ملعبكه قوي و تسأل الأب أو الأم يقولولك ده الإسم ده معناه كذا و هو مفتاج مش عارف ايه في الجنه,

يعني هي الأسامي خلصت , يا جماعه من الأشياء التي سيسأل عنها و يحاسب عليها رب الأسرة يوم الحساب أسماء أبنائه فحاولوا تنتقوا أسم سلس و بسيط و يكون برده معناه حلو علشان العيال متطلعش معقده.

الموضوع: هل يعجبك اسمك الحقيقي؟!

LinkBack

أدوات الموضوع

عرض

-

-

-

-

-

-

-

المواضيع المتشابهه

نقى الجنط اللى يعجبك؟

ادخل واختار الإستيكر إلى يعجبك

إستفتاء : بتاكل اللي يعجبك و بتركب اللي يعجب الناس ؟؟

اختار الاستيكر الى يعجبك

دور على اسمك :)

الكلمات الدلالية لهذا الموضوع

المفضلات

المفضلات

ضوابط المشاركة