الموضوع: هل يعجبك اسمك الحقيقي؟!

المشاركة الأصلية كتبت بواسطة كبوس الليل

عمرة بن العاص

التاء المربوطة فعلاً جنب الواو في لوحة المفاتيح والخطأ وارد.

بلاش اسمك. أسماء غيرك، انطباعك عليهم بتكون ازاي؟ اعتقد انه كتير منا يكون انطباع نحو الاسم حسب انطباعه عن أول أو أهم شخصية عرفها بهذا الاسم. وفي الأغلب الشخص ده بيبقى زميل لك في المدرسة.

من المنطلق ده، مش عارف ازاي الواحد يكره اسمه إلا اذا كان اسمة غير حسن المعنى أو كان وقعة على الأذن سيء مثل شحاته و الجحش والخشن (مع الاعتذار لجميع الذين يحملون هذه الأسماء). وفي الأغلب هذه اسماء عائلات وليست اسماء أشخاص أحياء.

المفروض الواحد يحب اسمه ببساطة لأنه بيحب نفسه.
لما يذكر اسمك أول حاجة بتيجي في بالك هي نفسك، يمكن قبل ما يجي في بالك للإسم وقع الإسم على الأذن. ازاي بقى تكره اسمك؟!

طبعاً في أسماء جميلة وموسيقية، بس طالما اسم الواحد ليس سيء الوقع على الأذن (حتى لو لم يكن الاسم موسيقي رنان) يبقى يكره ليه؟

يجماعة هوة دة الشعب المصري

تلاقية اسمة محمد يقول ياربي لية ما خلتنيش اسمي تامر

ولو واحد اسمر يقول لية ياربي مخليتنيش ابيض ولما يبيض يقول نفسي ارجع اسمر تاني

مفيش حد بيعجبة حالة في مصر بالزات

المشاركة الأصلية كتبت بواسطة ahmed2000

يجماعة هوة دة الشعب المصري

تلاقية اسمة محمد يقول ياربي لية ما خلتنيش اسمي تامر

ولو واحد اسمر يقول لية ياربي مخليتنيش ابيض ولما يبيض يقول نفسي ارجع اسمر تاني

مفيش حد بيعجبة حالة في مصر بالزات

هو ده الشعب المصري، يطلع في نسفة القطط الفاطسة. حتى ولو كان عيب في البشرية كلها.

خدت بالك من التناقض والسخرية المقصودة في مشاركتي و التناقض والسخرية الغير مقصودة في مشاركتك؟

اسمى الحقيقى لا بأس به خاصة عند ترجمته الى لغة اخرى ينادينى به البعض مترجما كنوع من الدعابة........ اللى مضايقنى بقى ان والدى سمانى على اسم واحد صاحبه كان بيعزه و هنا لب المشكلة....... افرض جدلا ان صاحب والدى ده كان اسمه مش و لابد، كان هيبقى موقفى انا ايه؟ و ليه اتدبس فى اسم مش و لابد طول عمرى بسبب رغبة والدى فى مجاملة احد اصحابه؟
من هنا تأتى مسئولية الاهل انهم ميختاروش اسم يعقدوا بيه اولادهم طول عمرهم ....... زى الخبر اللى كان منشور من فترة بسيطة فى الجرايد عن 5 عيال من عيلة واحدة كلهم هربوا من المدرسة بسبب معايرة زملائهم لهم بسبب اسم جدهم، الذى كان اسمه....... عبيط......اى نعم .....ع ب ي ط........

ايوة موضوع عبيط ده كنت لسه هتكلم عنه
وانا في اعدادي كان ليا زميله امورة وبنت ناس اوي
الميس سألتها على اسمها وكانت رافضة تماما تقول اسم والدها احراجا منه
طبعا الميس فضلت تلح عليها لحد ما قالته واقنعتها انه اسم عادي ومش لازم تتكسفي منه

في الفترة الاخيرة في موضه طالعه وهي احياء اسماء الصحابة رضوان الله عليهم
وغالبا اسماء مش دارجة بيننا كمصريين زي حزيفة وصهيب وحارس وخنساء وقعقاع ومصعب........
اعرف شاب منهم اسمه مضايقه جدا بسبب مضايقة زملائه له وبيفكر جديا في تغييره لكن والده رافض
وهو مستني بس لما يبلغ السن القانوني ويغير اسمه بنفسه
ومع احترامي للجميع ليه نسمي ابناءنا اسماء تسبب لهم الضيق
طيب ماهو في اسماء صحابة كتير ودارجة وجميلة المعنى زي علي وعثمان وعمر وبلال وخير الاسماء ما عُبد وحُمد

لو اتكلمت على اسمي انا فالحمد لله اسمي عاجبني جدا