الموضوع: الحقونـــــــــــــــــــ ـــــي الفيرنا بتاعتي اتقلبت

ربنا يعوض عليك ..
والحمد لله انها ماجتش فيك انت ..
فداك 100 عربيه ..
قول ""اللهم أجرني في مصيبتي وأخلف عليّ خير منها""
ربنا هيكرمك اوي سواء فيها او غيرها
متقعدش تندّم نفسك على انك أجرتها وكدا لان كل دا مكتوب والحمد لله قدّر ولطف
وطمنا عليك وعلى العربيه

الحمد لله يا احمد قدرالله وماشاء فعل
بس انا لى عتاب عليك لانك اجرت عربيتك لحد ودة غلط فى حد ذاتة لان صعب تثق فى اى حد ابدااااااا اليومين دول .... حتى صاحبك
بس خلاص قضاء ربنا وربنا يعوضك فى مصيبتك ويخلفك خير منها .
وبالنسبة يا عم للاوتوكروس ابقى تعالى معايا ولا يهمك .

لفظ الجلالة يكتب(( الله )) بالهاء وليس اللة بالتاء المربوطة
الاشراف

الحمد لله إن ما فيش إصابات بشرية خطيرة
عيب تأجر عربيتك عربيتك زى مراتك

لازم تحددها فى ناس ما كانوش هيا خدوا بالهم منها

المشاركة الأصلية كتبت بواسطة ahmed2000

انا من قيمة كام يوم واحد صاحبي جة وقالي عاوز العربية هاجرها منك اسبوع هاطلع بيها مصيف افك بية عن نفسي

قولتلة ماشي

نزلت روحت لواحدصاحبي بتاع محل تاجير وسالتة انتوا بتعملوا اية لما بتيجوا تاجروا اية الاجراءات يعني ؟؟؟؟
قالي انتا عاوز تاجر عربيتك ولا اية قولتلوا اة

وقالي بلاش انتا عربيتك مغرية وبلاش وانتا صارف عليها كتير

قولتلة لا خلاص انا اتفقت معاة قالي بدماغك انتا
قالي خلاص هاتة هنا وانا امضية مضاة علي شيك ومضاة علي ورقة كمان بس اعتقد ان هية المخالفات لو حصل مخالفة ولا حاجة بتتنقل علي رخصة الي سايق

المهم صاحبي دة مضي وهوة بصراحة مكانش ممانع علي الي انا بعملوا قالي حقك مع انو صاحبي

المهم خد العربية يوم الاتنين الي فات الي فات وكل شوية اتصل بية اقولة كلو تمام يقولي ايوة تمام اقولة العربية فيها حاجة
يقولي العربية هترجعلك تمام ولا كانك ادتهاني

انا بصراحة اول مرة في حياتي ااجر عربيتي لحد
النهاردة وانا قاعد انا وواحد صاحبي ............*ان مفيش تحت رجلي عربية ولا خروجات مع اصحجابي زي كل يوم ولا حاجة والحياة ناشفة
لقيتة بيتصل ويقولي العربية اتقلبت وانا راجع

انا وقعت علي ركبتي ومقدرتش من الصدمة
صاحبي الي كنت معاة خد التليفون مني وانا في قمة الانزهال وعنية مفنجلة واحوليت ومبقيتش شايف ادامي
صاحبي قالة انتا فين قالة انا في بلد في كفر الزيات قالة احنا جايين خدنا عربية صاحبي وروحنا علي هناك اشاهد موقف العربية وهية مقلوبة ابص عليها الاقيها بقت كفتة النص الادماني باظ داخل في بعضة كانك مطبق ورقة


المهم الواد ربنا كتبلة عمر جديد وطلع منها سليم ببعض الاصابات في وشة وجسمة وهتروح مع الزمن والحمد للة
انا مرضيتش اكلمة في موضوع العربية قولت لما يفوق كدة ويقوملي

وبعدين انصح كل واحد يجماعة مايديش عربيتة لحد ولا يقول انا جالي واحدهياجر العهربية مني وهيدفع مبلغ مش وحش

ودة تمن للي بيدور علي الفلوس يعني انا علشان ايجار اسبوع ب900جنية خسرت وقفة عربية باكتر من 10تلاف تصليح ومش عارف كمان10ولا هيزيدوا ولا هيقلوا ولا اية مش عارف


بس الي حارق دمي اني مش هحضر الاوتو كروس بيه:_alshmokh08[1]:ا

قول الحمد الله على كل شىء
اهم حاجة من دة كله اتصرف بالعقل
زى
اولا انقل العربيه لاى جراج انتا عارفة لسبب العربيات اللى زى كدة مصدر طمع علشان السرقة
عربيتى قبل كدة اتسرق منها كنترول تمنه 10 الاف جنيه
وزميلى عربته فيرنا بردة واتقلبت من كل حاجة حتى 4 فرد كوتش اتسرقوا
وزميلك دة سيبه لحد ما هو يقوم بالسلامة وشوفه هو الاول هيعمل ايه
ومستنى من رد اذا كان العربيه متامن عليها والا لا