الموضوع: و أخيرا عملت صيانة ال 60000

أخوتي الكرام....
السلام عليكم جميعا ..

اخيرا و بعد صبر علي مافضيت و لاقيت وقت عملت صيانة ال 60000 كم يوم الاربعاء الماضي
بصراحة كان اليوم كأنه عيد , يومها صحيت من بدري علشان ألحق مكان في مركز الخدمة اللي بأتعامل معاه و فعلا كنت عنده حوالي الساعة 10 الصبح كانوا لسه فاتحين و دخلت العربية و بدأنا شغل فيها و بعد ساعتين بالظبط كانت جاهزة للانطلاق مرة اخري , و أليكم بيان بما تم فيها من اعمال :

1- تغيير زيت (موبيل xhp) + فلتر
2- تغيير فلتر البنزين
3- تغيير فلتر الهواء
4- تغيير مياه التبريد + غسيل دورة التبريد لمدة 5 دقائق
5- مراجعة كل الوصلات الخاصة بالتبريد للتاكد من أحكامها
6- تنظيف البوابة و حساس ideal speed
7- مراجعة زيوت (الفرامل و الباور)
8- الكشف علي التيل الامامي و الطنابير
9- تربيط العفشة و الكشف علي قواعد الموتور
10- الكشف بالنظر علي أسفل السيارة و مراجعة ماسورة العادم و كاوتش التعليق
11- تنظيف الردياتير بالهواء
12- الكشف علي مفاتيح التكييف بالتابلوه و أكتشفنا وجود تفويت بترس أحد المفاتيح + قطع بالسلك و في حاجة الي شراء مجموعة جديدة
13- أعادة ظبط ضغط الاطارات (نتروجين علي ضغط 30 psi)

و لم يتبق في أعمال الصيانة سوي :
1- تغيير البوجيهات
2- غسيل الموتور (بالفوم)
3- غسيل السيارة (من الخارج و الداخل)
4- الكشف علي الزوايا و ظبطها

تمت تجربة السيارة خلال اليومين الماضيين و تلاحظ الاتي:
1- السحب : ممتاز و الحمد لله
2- الثبات : جيد جدا (علي سرعة 130 كم/ساعة و التي كانت متاحة حسب حالة الطريق)
3- الحرارة: اصبحت المراوح تعمل متأخر قليلا عن الاول و المؤشر دائما أقل من علامة المنتصف
4- التكييف: ثلاجة و المروحة علي سرعة 1 و لكن لاحظت أرتفاع صوت ضاغط التكييف في بداية عمله
5- أستهلاك البنزين: لسه موضع تقييم و لكن الي الان (المؤشر فوق النص و عاملة حوالي 160 كم داخل القاهرة + التكييف)

تكلفة كل أعمال الصيانة السالفة الذكر شاملة قطع الغيار (أصلية) حوالي 450 جنيه

مبروك