الكاوتش اتخرم وانا سايق على الصحراوي

**DADO** · 26-07-2009 11:38 AM

اولا بسلم على كل البروتوناوية اللي هنا
انا كنت راجع امبارح من مارينا وسايق على الصحراوي على الساعة 5 كده وفجاة سمعت صوت الكاوتش وكان عالي اوي قلت اكيد اتخرم وهديت ومسكت شمال لحد ماوقفت والحمد لله ان محصلش اي حاجه لان كنت على سرعة عالية . المهم نزلت اشوف في ايه وكانت المفاجاة .... الكاوتش مقطوع من جنب الجنط كده من الحرف وقطعة كبيرة كده بشكل عامودي على الكاوتش بطول 3 او 4 سم تقريبا ودي طبعا مش ازازة او مسمار اللي يعمل كده وركبت الاستبن بتاعها بس طبعا انتو عارفين انو رفيع جدا ومينفعش اكمل بيه بس مشيت بيه لحد ما وصلت عند واحد بتاع كاوتش وعملها لحام وركب داخلي وكملت بيها
بس انا عايز اعرف هل ده عيب من الكاوتش ولا ايه؟؟؟؟؟؟ عشان ده لو عيب كاوتش هروح التوكيل اسيحلهم هناك عشان دي كارثة ان اكون ماشي بسرعة ومرة وحدة الاقي الكاوتش اتقطع لوحده
وكده انا محتاج اني اغير الكاوتش ؟؟؟؟ لان بعد الموضوع ده انا حاسس بان العربية فيها زي هزة او رجة كده وانا سايق
اللي مزعلني انا العربية بقالها 3 اسابيع بس ويحصل فيها كده بس الحمد لله على كل شئ قدر الله وماشاء فعل

**m.3abdel3al** · 26-07-2009 11:50 AM

ان الكوتش ينقطع كده دي صعبة جدا دي ما تحصلش غير لو الكاوتش بالو 100 سنه كده و لا حاجة ؟؟؟؟؟؟؟؟ فانت كده عند احتكالين

1.ان دا يكون عيب من الكاوتش ومن السرعة و الضغط فتح
2.يكون في ظلطه سنها رفيع هي الي عملت كده

و الحمد لله انهن جت على قد كده

**Eng. Rafy Samy** · 26-07-2009 12:39 PM

حمدلله على سلامتك اولا
والحمدلله انها جت على قد كده..
فعلاً انت لازم تغيير الكاوتش في اقرب وقت ( انا لسة طالع من الموضوع ده)
الرجة اللي في الدريكسون دي من العجلة البايظة ( حصل معايا كده)

نصيحة رجع العجلة البايظة ورا وحط واحدة سليمة قدام علشان تستحمل حمل الموتور وتنظم عمل الفرامل صح وكمان تشييل الرجة الموجودة والاهم ان العربية متحدفش منك..

عن تجربة برضة موضوع الكامر جوه العجلة ده مش بيعيش انا ركبتة يومين كل حوالي 10 ساعات الاقي الفرده نايمة ..

لو عندك اي استفسار تاني ..؟