إخلاء سبيل 5 طلاب سعودين تحرشوا بفتيات في حديقة الحيوان

**sokasoon** · 19-10-2007 08:49 AM

إخلاء سبيل 5 طلاب سعودين تحرشوا بفتيات في حديقة الحيوان

أمرت نيابة الجيزة بإخلاء سبيل 5 طلاب سعوديين بكفالة ألف جنية لكل منهم وضبط وإحضار طالبين آخرين وإخلاء سبيل أمين شرطة و3 مجندين بنقطة حديقة الحيوان بالجيزة وذلك على ذمة التحقيقات التى تجريها النيابة ..

كان الطلاب السعوديين قد أثاروا الذعر والرعب بين المواطنين المترددين على حديقة الحيوان بعد أن قاموا بمعاكسة ومضايقة الفتيات بالحديقة وتوجيه عبارات وألفاظ نابية ..وعندما أستغاثت الفتيات بالشرطة قام المتهمين بتوجية عبارات السباب والشتائم الى قوة الشرطة فحدثت بينهما مشاجرة وأصيب خلالها الطلاب وأمين الشرطة والمجندين وقام المتهمين بتمزيق ملابس أمين الشرطة والمجندين ..

ألقت الشرطة القبض على 5 طلاب سعوديين بينما هرب طالبين أخرين ..وقام الطلاب باستخدام العنف مع المجندين بعد أن ظهر على ملابسهما اثار المعركة والعنف اللذين تعرضا له بالاضافة إلي استمرار استخدامهم للعنف بعد دخول النقطة حتي أنهم حطموا زجاج إحدي النوافذ بداخلها وفر معظمهم من الحديقة في محاولة للافلات من العقوبة.

كان المواطنين والاهالى بحديقة الحيوان قد فوجئوا صباح الاربعاء الماضى بمجموعة من الشباب العرب يسيرون بالقرب من بيت النعام والأسد وقاموا بمعاكسة بعض الفتيات وعندما حاول اثنان من مجندي الشرطة العاملين في نقطة شرطة حديقة الحيوان يسيرون في اتجاه هذه المجموعة فقاموا علي الفور بمحاولة منع هؤلاء الشباب من مضايقة الفتيات ولكنهما أعتدوا عليهم بالضرب والسب بالفاظ خارجة للغاية وأكد ان عدد الشباب كان حوالي سبعة‏ وظل الشباب السعودى يردد الشتائم ضد المصريين بصفة عامة وانهالوا بالضرب علي المجندين وساعدهم في ذلك شاب مصري اتضح بعد ذلك أنه سائق تاكسي كان مرافقا لهم‏..

حسبي الله ونعمة الوكيل فى الشرطة ديه استحالة تكون شرطة وعندها كرامة ابدا

منقول

**hatem_badawe** · 19-10-2007 12:29 PM

نساءنا حل لهم

**modux** · 19-10-2007 04:16 PM

خلي الوضع معكوس يعني 7 شباب مصريين بيعاكسوا بنات سعودية !!!!

ده كانوا اترحلوا هما و اهاليهم !!!

بس تقول ايه ؟

يبقي انتا اكيد في مصر يبقـــــــــــي انتا اكيــــــــــــــــــــــ ــــــــــــــــــــــد في مصر

**Hisham_ElFeky** · 19-10-2007 04:28 PM

اهو سواق التاكسي المفروض يتعجن ضرب بصراحة...

**hazem_khidr** · 19-10-2007 04:38 PM

طالما خرجوا بكفاله يبقو علي ذمه القضيه لسه.
بس الناس ما عدش عندهم شجاعه خالص يعني لو ناس في الحديقه و شافو شباب بيعاكسو بنات و بالنظر دا كانو لازم يضربوهم لحد ما يتأدبو .

**Dr Ahmed** · 19-10-2007 04:38 PM

دول يتلموا ويتحبسوا كلهم فى قفص الأسد (بس يكون أسد بجد مش هيكل أسد زى معظم أسود الجنينة ويتساب جعان أسبوع)
أما السواق المصرى فيتحط فى قفص النعام ..والنعام هيتصرف معاه!! :twisted:

**ayman_elkholy** · 19-10-2007 05:19 PM

دول ما يتقلش عليهم شباب سعودى المفروض تغيير لفظ شباب واستبداله بكلاب

**Hisham_ElFeky** · 19-10-2007 05:35 PM

المشاركة الأصلية كتبت بواسطة Dr Ahmed

دول يتلموا ويتحبسوا كلهم فى قفص الأسد (بس يكون أسد بجد مش هيكل أسد زى معظم أسود الجنينة ويتساب جعان أسبوع)
أما السواق المصرى فيتحط فى قفص النعام ..والنعام هيتصرف معاه!! :twisted:

خلي السواق يا دكتور في قفص القرود علشان هيا بتتصرف كويس في المواقف دي :D :D :D

**Ahmed Samy** · 19-10-2007 05:49 PM

للأسف مش هايحصلهم حاجة
و لا قضية ولا يحزنون
دول كان مفروض يتروقوا في الجنينة و يضربوا لحد ما يبانلهم صاحب (اللي هوا سواق التاكسي)
صاحبهم ده بقى ما يضربش ده بقى يودوه للظابط بتاع عصاية المقشة و ساعتها تبقى الشرطة في خدمة الشعب و تحيا الوحدة العربية

**mars3v** · 19-10-2007 06:43 PM

اصل هي العمليه دايره كولو بيدور فيها...دلوقتي الشرطه سابت العيال ديه ليه, اكيد علشان عليهم ضغط من فوق...و عليهم ضغط من فوق ليه, اكيد علشان يحافظوا علي العلاقات مع السعوديه و بالتالي يحافظوا على العماله المصريه اللي في السعوديه بدل ما يطردوا و يرجعوا مصر و مصر مافهاش نفس...طب ايه اللي حطنا في الموقف ده, اكيد بسبب الاغبيه اللى بيجيبوا عيال بالخمسه و السته و هما مش لقيين ياكلو و الحكومه تدعو لتنظيم الاسره و بالمجان و هما مصدرين الطارشه, و مع ان مصر من الدول القليله في العالم اللى التعليم فيها ببلاش لكن اكتر من نص البلد جاهل...و طبعا دلوقتى الشرطه حاسه انها اتهزاءت من الكلاب دول و كمان شتموا و كسروا الزجاج جوه القسم, فالشرطه هاتفش غلها في اي حد تقدر عليه و هتيجى فى واحد غلبان زى سواق التاكسى ده, اللى هينتهز اول فرصه عشان يرد كرامته زى ماعمل كده...و الشرطه على فكره بتتهزء من كل حته, يعنى تلاقى الرتبه العاليه اتبهدل طول عمره و بيطلعوا على الباقيين و الظباط بيبهدلوا العساكر و العساكر بتوع المرور بيتبهدلو اوى مع الناس قليله الادب اللى فى الشارع ده غير المرتبات...مش عارف هى المشكله فين بالظبط؟

الموضوع: إخلاء سبيل 5 طلاب سعودين تحرشوا بفتيات في حديقة الحيوان

LinkBack

أدوات الموضوع

عرض

إخلاء سبيل 5 طلاب سعودين تحرشوا بفتيات في حديقة الحيوان - انشر الموضوع فى :

-

-

-

-

-

المواضيع المتشابهه

حديقة الحيوان بالجيزة

إخلاء سبيل الضباط المتهمين بقتل المتظاهرين - لالالالالالا

كارفور الاسكندرية و حديقة الحيوان

الكلمات الدلالية لهذا الموضوع

المفضلات

المفضلات

ضوابط المشاركة