فكر حلوة بس انت مقلتش الخامة دي اسمها اية؟؟
عرض للطباعة
فكر حلوة بس انت مقلتش الخامة دي اسمها اية؟؟
فكره كويسه فعلا بس ايه رأيكم في المشمع الشفاف
ياجماعة طيب حد يقول لنا عملتوها فين دي ودفعتوا فيها كام
وفين التليفونات أنا من الصبح طلبت من هاني بس طنشني
انا كنت عامل دواسة جلد فى عربيتى القديمة وعملت معاها فرش جلد للكراسى ودة كلفنى حوالى 600 جنيه واكتشفت انى منصوب عليا فيها وعلى ما اعتقد ان الدواسة الجلد مش هتزيد عن 150 بالكتير اوى اوى 200 جنيه وممكن اى سروجى كويس يعملها بس اهم نقطة متخليهوش يقص على القد بالظبط عشان ممكن بعد كدة الدواسة تطلع من تحت عتب الباب مثلا ويبقا شكلها بايخ جدا.
انا عامل الفكرة دى عندى فى الفيرنا هى معروفه هنا اوى وكل السروجيه بيعملوها
واهم حاجة فيها تختار خامه جلد كويسه وتكون مش بتسرب ميه
وتانى حاجة وهو بيفلصلها على مقاس العربيه تخليه يسيب مساحه بحيث انه يتنى اطراف الدواسه الجلد كلها على اطراف الموكيت الاصلى للعربيه ويدبسهم فى بعض علشان زى ما قال استاذ عبد الله الدواسه متفلتش وتطلع من تحت العتب
الفكرة دى جميله جدا بس عيبها الوحيد اللى انا شايفه انه بيفك كل الكراسى بتاعت العربيه والكونسول اللى فى النص وعتب الباب ودة علشان تركب صح زى ما قلت قبل كدة لازم تتدبس كويس فى الموكيت.... ومن ساعه ما فكهم وهما اعدين بيزيقو ويطلعو اصوات طول مانا ماشى مع انى مخليه يربطهم كويس بس مش لاقى حل للمشكله دى :?: يا ريت اللى يعرف حل يقولى
وبالنسبه للسعر انا كنت عاملها ب 300
هى غاليه بس علشان انا كنت مختار جلد تخين ونضيف شويه "والسروجى دى معروف غالى شويه بس شغله نضيف"
انا كان قصدى ان الفكرة دى معروفه "هنا" اقصد هنا فى دمياط انا مش من القاهرة
واسف للاطاله
وانا تحت امركو فى اى سؤال :arrow:
و علشان الكلام بتاع التزييق ده بالذات
انا عملت الحل الاسهل
3 متر مشمع شفاف من قدام كلية الهندسة
المتر ب 3 جنيه من اللي بيشدوه على الشاسيهات بتاعة الرسم
و مقص صغير و ساعة زمن
و بغيره كل شهر او شهرين
مش بيكلكع الدنيا علشان رفيع
مش بيبان متوسخ علشان شفاف
و سهل جدا انه يدخل تحت الكراسي من غير خلع و لا فك و لا تركيب
و لا ايه
انا عربيتى سيات 133 معمول فى الارضية فكرة انا شايفها كويسة ومريحة السروجى مخيط فى الموكيت
دواسات جلد فى اماكن الدواسات ، وغالبا التراب والرمل بيتجمع فى النص فيسهل على شفطه وبعدين بفوطة
مبلولة فمسح الجلد وكمان بكده مفيش سمك زيادة يعوق عملية تثبيت الجوانب.
السيد أحمد
بالنسبه للخامه أسمها مشمع أرضيه
وفي منه بـ 35جنيه للمتر (عرض 140سم) ومنه نوع بـ45جنيه للمتر (عرض 200سم)
وفي نوع تاني أرخص من كده ولكنه ناشف وغير مرن على الأطلاق مما يجعله عرضه للتشققات وخلافه
والسياره تحتاج في حدود ثلاثة أمتار ونصف في المتوسط من العرض 200سم (على ما اتذكر)
أنا عن نفسي قمت بدفع مبلغ 150 جنيه خامات ومصنعيه (وعلى فكره ما فيش حد بيعمل الشغل ده بالسعر ده أبدا) أقل ورشة سروجي قاللي 250جنيه
هي الفكره جميله يا استاز هاني بس خلي بالك خلي بالك لو في مكان سرب مياه علي الموكيت هيخلي ريحة الربيه مش كويسه اهم حاجه ان السروجي يكون مسبش ولا حته ممكن المياه تدخل منها
انا عملتها ب 180
بس مش مشمع
ده جلد زي بتاع الكراسي
ميزنة انه مبطن من تحت وسمك قليل وطري
ميزة الطري وقلة السمك انه لما يتركب من تحت الحلية البلاستيك بتاعت الباب مايخد اي تخانة
تحفة فعلا
ويا معتز باشا او اي حد عايز يركبة في الحرفييين انا تحت امرة اودية للسروجي واقف معاه كمان
انا مركبة من اول اسبوع جبت فيه العربية
اجاركم الله من العيال ومن الصيف والبحر والرمل الغلسة بتاعت العجمي اللي بتلزق في الموكيت مش بتطلع ابدا