[frame="9 10"]
ربنا يستر
[b]""قل لن يصيبنا الا ما كتب الله لنا هو مولانا وعلى الله فليتوكل المؤمنون""
[/frame][/b]
برجاء تحري الدقه في كتابه الايات
مشرف عام 1
بصراحه الموضوع دة محتاج لدراسه وموضوع 100% لصالح نظافه شوارع مصر من الزباله وامن سلامه طرق سيكون افضل . بس خلى بالكم من النقاط دة
1- هل عمر الافتراضى لترخيص وصلاحيه السيارات الاروبيه والامريكيه والكوريه ستعامل مثل الصينى وغيرها الزباله
2- هل نسمح باستيراد سيارات لمصانع تحت السلالم ومركات غير معروفه تآتى من الصين لمجرد انها رخيصه ونجدها فى خلال سنه تفككت وتعمل كوارث وتنهك خزينه الدوله فى استيراد قطع غيار ومش مضمونه السلامه ؟؟؟؟
3-هل اى واحد فى الشارع ولا مكتب يستورد سيارات ولايضمن استمراريه قطع غيارها وضمانها اعتقد هنا يجب حسم الامور لتوكيلات كبيره لديها مراكز خدمه وقويه ولديها مهندسين لها كل الاولويه ونشغل اكبر عدد من شباب مصر والمصلحه تعم للجميع .
هو المفروض اى سيارة عمرها لايتعدى 15 سنه وبعدها لاترخص وتسحب نمرها وتقسم على ثلاث شرائح ضريبيه لاول خمسه بسعر بسيط وتانى خمسه ثلاث مرات الاولى وثالث خمسه تضرب فى خمس مرات الاولى والهدف تشجيع تجديد السيارات وفى مصلحه الطرق وال مش قادر دة مش قصته وعندة بدائل موصلات مجهزة وكدة نجد شوارع مصر نظيفه.
القديم عمره ما كان زباله وان كنت حضرتك شوفت زباله فالموضوع ده يرجع لصاحبها سواء قديمه او جديده فيه جديد برده كتير زباله وبيدخن وبيعمل كل حاجه
واخيرا مافيش حد راكب عربيه زباله الحمد لله سواء من الى راكب قديم او جديد
غبور هو الى شخصيه حقيره وزباله والى عاجبه عاجبه مش عاجبه يركب هو الجديد وملوش دعوى بالشارع على شان ده بتاع الناس كلها
وعلى فكرا القديم لسه موجود فى بلاد كتير وماشى للنهرده وشكله انظف من الجديد المشكله مش فى العربيه المشكله فى الى راكبها ومش اكتر
وياريت البلد نتظف الزباله الى بجد فعلان فى الشوارع وبعد كده تشوف العربيه على راى المثل من بره ومن جوه
ده على اساس ان مصر دوله الاثرياء ولا ايه بالظبط ولا على اساس المواصلات المتوفره بغزاره ولا على اساس المواصلات المكيفه والى بتقفل الباب مجرد ما بيكتمل العدد ولا على اساس انها متوفره 24 ساعه فى اليوم ومتواجده بسهوله فى المدن الجديده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟
يعنى ايه الى مش متوافر معاه عنده بدائل مواصلات هو مش من حقه يكون عنده عربيه ولا هو مش بنى ادم ياريت حضرتك تجرب وتاخد فكره عن المواصلات وخصوصا فى المدن الجديده ولا حضرتك فاكر ان البلد خايفه علينا كل ما فى الموضوع انها عاوزه تسرق وخلاص
يبقى يورينى القانون بتاعه ده مين الى هيوافق عليه المره دى الناس هتاكله وتشرب من دمه
غير الى موافق ودول مش كتير الحمد لله
احسن لان في ناس معاها عربيات قديمة جدا و بتمشي تكسر في العربيات الجديدة
يعني هو حل مشكلة الصيني اني ابيع للناس غصب عنها عربيات سي غبور ؟؟؟
الله يرحم مواتير الفيرنا اللي كانت بتجيب زيت و هي زيرو وكانوا بيقولو للعضوة صاحبة العربية " أصل عربيتك سوده فده طبيعي" .
يا محترم ..
حل الموضوع ده اننا نحط مواصفات قياسية و اختبارات سلامة
اللي عربيات مستر غبور بتاعتكو مش هاتعديها اساسا ....
توكيلات كبيرة ..وقويةاقتباس:
3-هل اى واحد فى الشارع ولا مكتب يستورد سيارات ولايضمن استمراريه قطع غيارها وضمانها اعتقد هنا يجب حسم الامور لتوكيلات كبيره لديها مراكز خدمه وقويه ولديها مهندسين لها كل الاولويه ونشغل اكبر عدد من شباب مصر والمصلحه تعم للجميع .
الله ينور عليك
نشغل أكبر عدد من الشباب و ناخد فلوس عائلاتهم
اقتباس:
هو المفروض اى سيارة عمرها لايتعدى 15 سنه وبعدها لاترخص وتسحب نمرها وتقسم على ثلاث شرائح ضريبيه لاول خمسه بسعر بسيط وتانى خمسه ثلاث مرات الاولى وثالث خمسه تضرب فى خمس مرات الاولى والهدف تشجيع تجديد السيارات وفى مصلحه الطرق وال مش قادر دة مش قصته وعندة بدائل موصلات مجهزة وكدة نجد شوارع مصر نظيفه
انت بتقول ايه ؟؟
ايه التفكير التقدمي ده ؟؟؟
ايه الرأسمالية العمياء دي ؟؟؟؟
اللي حضرتك بتقوله ده معناه ان اللي اشترى عربية و ما يقدرش يغيرها يبقى أعصره كمان خمس سنين
ولو ماقدرش يغيرها و يكسب البهوات ...يبقة نعصرة تاني وتالت لحد ما يقول جاي و يبيعها لبتوع الحديد برخص التراب ...
و بعدين ؟؟؟؟
يركب ايه ؟؟؟ عندك باص يحترم ادميته ؟؟؟
عندك مترو في كل حته ؟؟؟؟
عندك خطوط سكك حديد أدميه ؟؟؟
ولو عندنا ...هاتبقى بكام ؟؟
ولا بلاش مواصلات طبعا لأن ده مش اللي انتو عايزينه
انا عارف ...التقسيــــــــــــط صح ؟؟
احنا نحط التمن بتاعنا و نحوله للـCIB ولا الشريك الأصيل في النصب City bank
و هما يسلخوه بمعرفتهم
في عربيات يا محترم شايلة ناس جابوها بطلوع الروح و بطفح الكوته
و ممكن تكون صيني من بتاعة بير السلم أو فيات موديل السبعينات
بس هي دي اخر احلامهم
و أقصى قدراتهم
و طلعوا بيها من الدنيا بالعافية
تقوموا انتو تاخدوها منهم بالغصب
و تلفو حبل الديون على رقابيهم
و التمن عربيات ربنا عارف اللي فيها و اللي هايبقى فيها
و عايز ينظف الزبالة من البلد
طب يسيبها ...وتبقى كده نظفت
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
ياريت الردود تكون محترمه يا اعداء النجاح والله البلد تكون انظف من غيركم . انا كمصرى اعيش بالخليج اتمنى وكلنا نشوف مصر متحضرة زيها زى بلد . الخليج سبقنا واحنا نتراجع . موضوع تجديد السيارات دة بدايه الطريق الصحيح لحزمه تغييرات تحسب لحكومتنا الرشيدة لنهضه مصر . دة مش رغيف خبز نتكلم فيه عن الفقر والغنى دة سلامه مواطنين وامن طرق وشكل وبيئه البلد . شكرآ لكل من يساهم فى تقدم مصر فكلنا مصريين وهدفنا نشوف مصر كبيرة
__________________________
العضو المحترم
لقد خرقت القاعدة الخاصة بالتهجم على الأعضاء
كما يوضح ملفك انك تتلقى خدمات الشبكة من الشركة المصرية لنقل البيانات
ومع وجود خط ثابت له صفات شبه دعائية لشركة معينة لم تغفلها الإدارة
للسبب الأول ..فقد حصلت على انذار مصحوب بوقف اسبوع
ونرجوتغيير الأسلوب في حال العودة لمنتدانا ...
مشرف عام.2
بصو يا جدعان...............
أحنا نخلى أى واحد عربيته هتتكهن خلال ال 93 سنة اللى جايين يجيب هيونداى بدالها......قالك يا عمو العربيات الهيونداى تصميم القرن ال 21 و الباقى تصميم القرون الوسطى.