ايه اللي ممكن يحصل لو مستوى زيت المحرك زيادة

**TheMedjai** · 26-07-2009 02:00 PM

أنا حالياً عندي حوالي نص لتر زيادة في زيت المحرك. يا ترى في ضرر من الزيادة دي واللا ممكن أمشي بالعربية عادي لغاية لما آجي أغير الزيت المرة الجاية (بعد حوالي شهر من دلوقتي)

عربيتي إلانترا 2006

وشكراً مقدماً.

**agwaa** · 27-07-2009 10:16 AM

أنا رأيي تفتح غطاء الزيت وتحاول تسحب الزيت الزائد بسرنجة 50 سم ومركب فيها أنبوب بلاستيك ( زي بتاع فايز البطارية مثلا )
ده طبعاً بعد ما تكون مشغل المحرك 5 دقائق علي الأقل تجنباً لركود الزيت الى الأسفل للكارتيرة
لأن زيادة الزيت يزيد من إحتمال أن أويل سيل يضرب لزيادة ضغط الزيت في دورة الزيت في المحرك

**م.احمد زكريا** · 27-07-2009 11:53 AM

بص يا سيدي

حاول تفضيه طبعا بأ ي طريقة ممكنة

لان حصل معايا مرة من واحد غبي في محطة بنزين حطلي 4 لتر زيت من غير ما ينزل الزيت القديم

مما ادى الى ان العربية بقت بتضرب مدافع دخان لان الزيت عدى من بين الشنابر على البنزين وبدا يتحرق دا غير انه غرق الموتور زيت لانه كان مع الضغط كان بيخرج من ماسورة مقاس الزيت

الحمدد لله الموضوع اتلحق بسرعة و الكمية كانت زيادة اوي

انت بس لو متاكد ان الموضوع لا يزيد عن 1/2 لتر حاول تشيله زي ما قالك الاخ احمد يوسف

مع اني افضل انك تنزل الزيت كله في جركن وبعدين تحط منه الكمية المظبوطة اضمن